यूहन्‍ना 6:11 - जिरेल

¹¹ थेमे येशूकी थे स्‍योबेन ङा लाःक्‍तु लाकीन परमेश्‍वरला धन्‍यवाद बिन्‍नामेई मिओनला थेबेकी सा थुपथुप गोकीन बिन्‍सुङ। ङ्याङ थोकराङ खाईन सा बिन्‍सुङ।

यूहन्‍ना 6:11 Iomraidhean Croise

मत्ती 15:36

थेरूई थेकी थे स्‍योबेन दुईनताङ ङ्यातेबा लाःक्‍तु लाकीन परमेश्‍वरला धन्‍यवाद बिन्‍गीन सिन्‍नामेकी स्‍योबेनतेबा च्‍य्‌वाकीन थेमे ङ्यातेबा टुक्रा जोइन मिओनला गोला बिन सिन चेलातेबाला तेरगीन खासुङ। चेलातेबेकीङ मि गाङेला गोकीन बिन्‍सुङ।

लूका 24:30

थेमे साप सा बेलाला स्‍योबेनज्‍यीक लाःक्‍तु लाकीन थेकी परमेश्‍वरला सापकी लाईदु धन्‍यवाद बिन्‍सुङ। थेमे थे स्‍योबेन च्‍यागीन थेबाला गोकीन बिन्‍सुङ।

यूहन्‍ना 21:10

थेमे येशूकी थेबाला “ख्‍योकोनगी थाल्‍ला जुम्‍बाते ङ्या टिक्‍पीई दुरू खोरच्‍योक,” सिन सिदुक।

यूहन्‍ना 21:13

थेमे येशूकी स्‍योबेन लाःक्‍तु लाकीन थेबाला गोकीन बिन्‍सुङ। थोकराङ खाईन ङ्याङ बिन्‍सुङ।

यूहन्‍ना 21:9

छेउदु लेप्‍ला ताजीन थेबेकी थेरू मे बुबुरे लाक ङ्या स्‍येबाते थेमे स्‍योबेन थोङसुङ।

यूहन्‍ना 6:23

थेजीनराङ तिबेरियास नाङपेकी वाबाते डुङ्गा काल्‍बेई थे समुन्‍द्रे छेउकी नाङला ख्‍योल्‍सुङ। थे समुन्‍द्रे छेउकी खादुराङ गोमे छोमु प्रभु येशूकी स्‍योबेनताङ ङ्ये लाईदु परमेश्‍वरला धन्‍यवाद बिन्‍नामेई मिओनला सा बिन्‍दा ओतान।

यूहन्‍ना 6:9

“थेबे नाङ ख्‍योओ फिजाज्‍यीगी स्‍योबेन ङाताङ ङ्या ङि खुलाला दुक। थोस्‍यिककीङ दोक काल्‍बेई मिला च्‍यि पत्ता लेबोङा?” सिन सिदुक।

शक्ति काम 27:35

थोक सानामेकी थेकी लाःक्‍तु स्‍योबेन लाकीन थेबा गाङे ङोन्‍दु परमेश्‍वरला धन्‍यवाद बिन्‍गीन स्‍योबेन च्‍यागीन साप्‍ला स्‍यूसुङ।

रोमी 14:6

प्रभु येशू ख्रीष्‍टला लेमु खाला माने खिताप सिनराङ कोईकी कोई दिनला ज्‍येन भन्‍दा खुदुक दिन ईन सिन माने खिओ। लोक्‍ला येशू ख्रीष्‍टला लेमु खाला माने खिताप सिनराङ कोईकी स्‍या सेइओ, कोईकी साराङ मास्‍साओ। स्‍या साकानगीङ परमेश्‍वरला धन्‍यवाद बिन्‍ला सेइओ, मास्‍साकान्‍तेबेकीङ खोपरोङगी जे सेइदुक थे लाईदु परमेश्‍वरला धन्‍यवाद बिन्‍ला सेइओ।

१ कोरिन्‍थी 10:31

बात दोक दोक ईन्‍देकी ख्‍योकोनगी साजीन ईन्‍स्‍यीत, थुङजीन ईन्‍स्‍यीत जे खित्‍जीनोङ खालि परमेश्‍वरला छ्ये जोच्‍येते कामकामा खि।

१ थिस्‍सलोनिकी 5:18

दुक्‍पा किम्‍मु जस्‍तो ओङजीनोङ परमेश्‍वरला धन्‍यवाद सि। येशू ख्रीष्‍टताङ जीउज्‍यीकराङ ओङाते मि ईन्‍देकी ख्‍योकोनगी होदोक दोक खित्‍स्‍यीत सिरच्‍येते परमेश्‍वर सेम ओत।