यूहन्‍ना 5:44 - जिरेल

⁴⁴ ख्‍योकोन ज्‍येनगी खेराङला लेमु मि ईन साकीन मान खासीन गा खिदुक। परमेश्‍वर खेराङताङ खुशी ओङला थेकी तेरच्‍येते मान ङेत्‍स्‍यीत सिरच्‍येतेनी ख्‍योकोन छ्याःङ विचारराङ मिक्‍किदुक। दोक ईन्‍देकी ख्‍योकोनगी ङाला परमेश्‍वरगी ताङाते ईन सिन चुक खाला विश्‍वास खिता थुप्‍कीतेरो?

यूहन्‍ना 5:44 Iomraidhean Croise

मत्ती 23:5

थेबेकीनी जे खासीनोङ खोपरोङगी खाबाते काम थोङला ज्‍येनगी खोपरोङ परमेश्‍वरला आउदी खाला माने खित्‍कान्‍ते मि दुका सिरस्‍यीत सिरच्‍ये सेमगीकामा खिओ। चुक सासीन थेबेकीचेन परमेश्‍वर नियम टिला जोदातेन्‍दे जन्‍तर च्‍योक जोला पाखुराताङ टाले लाई नाङला ठाला खोन्‍ला ख्‍याम्‍गीदुक। थोकराङ खाला खोलाकलाङ झुम्‍का रीम्‍बुतेन्‍दे ताप्‍ला खोन्‍गीदुक।

लूका 19:17

थोक सिरजीन थे गेल्‍बोकी थेला ‘खुई आउदी लेमु खाईन काम खादुक। ङे खोल्‍ला डबलज्‍यीककामा बिन्‍गीन ज्‍याक्‍सीनोङ खुई लेमु खाईन दि पैसा चले खाबेकी था ङा खोल्‍ला छ्येज्‍यीक जिम्‍मा तेरग्‍यो। ङा खोल्‍ला सार च्‍युताम्‍बाला राज्‍य खित ज्‍युत्‍क्‍यो,’ सिन थेला थोस्‍यिक सारला राज्‍य खित च्‍युत्‍तुक्‍लो।

यूहन्‍ना 12:43

थेबालानी परमेश्‍वरगी भन्‍दाङ मिओनगी मान खाबातेका मन परे खिन ओतान।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 3:20

मेलेबा काम खित्‍कान्‍ते मि सुङलाङ नाम्‍दाक मनराङ परे मिक्‍किओ। नाम्‍दाकला थेन्‍सीन खोपरोङ मेलेबाते काम ज्‍येनगी छ्या स्‍येकीता सिन ज्‍यीबेकी थोक्‍ते मिलाचेन नाम्‍दाक गाराङ मालाङो।

यूहन्‍ना 5:41

ङे दि बातओन खाबाते मिओनगी ङाला मान खिताराङ फाप्‍क्‍यो सिन सिराला मेन।

यूहन्‍ना 8:43

ख्‍योकोनगी ङे साबाते बात च्‍यिला खोबा मुथुप्‍का? ङेन्‍दा चाला ईन्‍सीन ख्‍योकोनगी ङे साबाते लेमु खाला खोबा थुप्‍च्‍या ओतान।

रोमी 2:10

लोक्‍ला लेमु काम खित्‍कान्‍तेबालाचेन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वरगी गाङेला थे खोरोङगी ज्‍वा चाला च्‍योकराङ लेमु जोइओ। थेकी थेबाला मान बिन्‍ला ढुक्‍क खाला देत ज्‍युत्‍क्‍यो।

रोमी 2:29

परमेश्‍वरगी छाने खाबाते मि ओङालानी जीउला थे खतकी चिनु जोला मेन, दाक्‍पोन सेमका लेमु ओङा फाप्‍क्‍यो। परमेश्‍वर नियमला खतकी चिनु जो सिन टिबाते बात ङेन्‍ला मि सेम लेमु ओङच्‍येते मेन। परमेश्‍वर आत्‍मेकीकामा मि सेम लेमु जोइओ। होदोक्‍ते मिलाचेन ज्‍येनगी मान माक्‍यासीनोङ परमेश्‍वर थेबाताङ खुशी ओङला थेबाला मान तेरग्‍यो।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

१ कोरिन्‍थी 4:5

थोगी ङा ख्‍योकोनला च्‍यि सिते सासीन प्रभु येशू ग्‍युरगीन मावाथुप ख्‍योकोन सुङगीङ दि दोक्‍तेताङ थे थोक खित्‍कान्‍ते सिन ज्‍येनगी गल्‍ती मातेन। था वाला च्‍याला प्रभु येशूकी मिकी ज्‍येनगी छ्या मेस्‍येबा खाईन खाबाते काम ईन्‍स्‍यीत, खोपरोङ सेमलाकामा विचार खाबाते बात ईन्‍स्‍यीत, लेमु मेलेबा चुक ईन्‍दे सिन डेल्‍ग्‍यो। थेमे लेमु काम खित्‍कानलाचेन गाङेला परमेश्‍वरगी खुई आउदी लेमु खासुङ सिन सिओ।

२ कोरिन्‍थी 10:18

बातचेन दिराङ ईन, मिकी ङा दोक्‍ते ईन, ङे दोक खाबाप थोक खाबाप साला छ्याःङ फाइदा मेत। प्रभु परमेश्‍वरगी दि मि लेमु मि ईन सिन सासीन थे बात खुदुकराङ ईन।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

१ थिस्‍सलोनिकी 2:6

लोक्‍ला ङ्योकोनगीनी ज्‍येनगी ईन्‍स्‍यीत, ख्‍योकोनगी ईन्‍स्‍यीत सुङगीङ ङेराङला मान खित्‍स्‍यीत सिराच्‍योक माक्‍या।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

हिब्रू 3:12

थोगी आज्‍यो न्‍वावे, दि बातओन सम्‍झे खाला ख्‍योकोन च्‍याङबो खाला देत। दोक माक्‍यासीन परमेश्‍वर बात मेङेन्‍दा खाला सोम्‍बोते परमेश्‍वर छ्य्‌वापेई ख्‍योकोन ठाल्‍ला डुइओ।

याकूब 2:1

आज्‍यो न्‍वावे, ख्‍योकोनचेन छ्येज्‍यीक शक्ति ओताते प्रभु येशू ख्रीष्‍टला विश्‍वास खित्‍कान्‍ते मि ईन। थोगी ख्‍योकोनगी मि छ्येत ताला काका पाका खिता मेङगो।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।

यहूदा 1:25

परमेश्‍वर थेकामा ईन। ङुरूङला पापकी सजायदुकी डेल्‍कान्‍ते थेराङ ईन। थेते जय जय ओङस्‍यीत, थे आउदी छ्ये ईन, थेकी गाङेपा गाङेला राज्‍य खिओ थेमे थेत्ताङ जस्‍तोङ खित्‍च्‍येते अधिकार ओत। ङुरूङ प्रभु येशू ख्रीष्‍ट छ्य्‌वापेकी ङुरूङगी जुग जुगनामेई थरिङसाक ओता च्‍योकराङ थे सधैँभरि दोकराङ ओङला देत्‍स्‍यीत सिन सिइ। आमेन।