यूहन्‍ना 5:4 - जिरेल

⁴ च्‍यिला सासीन परमेश्‍वर दूतज्‍यीगी बेला बेलाला वाला थे पोखरी छ्यु चले खिन ओतान। थोक खानामेकी जुन नाबाते मि थोङला गाल्‍ला थे पोखरीदु स्‍यूइदुक थेला जस्‍तोराङ मेलेबाज्‍यीक रोग खोबा ओत्‍सीनोङ थे दाक ठाइन ओतान।

यूहन्‍ना 5:4 Iomraidhean Croise

मत्ती 11:12

ईन्‍दालाचेन यूहन्‍ना थे खोरोङला परमेश्‍वरगी खि साबाते काम खिताला स्‍यूबा छुरनामेई थरिङसाकराङ स्‍वर्गे राज्‍य विरोध खित्‍कान्‍ते मिओन ओत्‍कीन ओत। थेबाचेन जबरजस्‍ती खाला थे राज्‍यदु स्‍यूक्‍पा छोल्‍गीदुक।

मत्ती 6:33

थोगी ख्‍योकोनगी पीर खिते साटोला खेराङ सेम पूरो खाला परमेश्‍वर राज्‍य छ्य्‌वापा लै खि। थेमे थेकी साबा साबाच्‍योक खि। थोक खासीनराङ ख्‍योकोनला गोच्‍येते जति गाङे परमेश्‍वरगी तेरग्‍यो।

लूका 13:24

थेकी थोक सिरजीन येशूकी थेरू ओतातेबा गाङेला “परमेश्‍वर राज्‍यने स्‍यूक्‍च्‍येते गो टेक्‍टेज्‍यीक ओत। मि काल्‍बेईकी थेने स्‍यूक्‍पा चाल्‍सीनोङ गाङेराङ स्‍यूक्‍पा मुथुबो। थे टेक्‍टेते गोने स्‍यूक्‍पाला च्‍यि खिता फाप्‍च्‍या ईन्‍दाका ख्‍योकोनगी थे छ्य्‌वापाकामा स्‍येत खि।

लूका 16:16

ज्‍येन बात च्‍यि सासीन गोमाचेन मोशेकी टिबाते परमेश्‍वर नियम थेमे परमेश्‍वर बात खित्‍कान्‍तेबेकी साबाते बातकामा ओतान। बप्‍तिस्‍मा तेरकान्‍ते यूहन्‍ने पालोसाकराङ दि बातओनकामा मिओनला लोप्‍कीन ओतान। यूहन्‍ने पालोमेईचेन परमेश्‍वर राज्‍य गा लाङच्‍येते बात मिओनला लोपाला स्‍यूबाते ईन। थेमे थे राज्‍यदु लेमु ओङगो सिन गाङेराङ जबरजस्‍ती थेने स्‍यूक्‍पा छोल्‍गीदुक।

यूहन्‍ना 5:3

थे पाटीदु नाबाते मि थुप्रो गुला देत्‍कीन ओतान। थेबाचेन अन्‍धतेबा, कुज्‍येतेबा थेमे लाक्‍पा काम्‍बा चले मिक्‍किकान्‍तेबा ओतान। थेबा गाङेराङ थे पोखरी छ्यु नाम चले खिका सिन गुलाराङ देत्‍कीन ओतान।

यूहन्‍ना 5:5

थेरू थोक खाला गुला देत्‍कान्‍तेबे नाङ लो खालज्‍यीकताङ च्‍याप्‍केत गोमामेकी नाकीन ख्‍याम्‍बा मुथुप्‍च्‍या गालाते ख्‍योओ मिज्‍यीगोङ ओतान।

यूहन्‍ना 5:7

थोक सिरजीन थे मिकी “खोइ च्‍यि खित्‍च्‍ये हजूर। दि पोखरी छ्यु चले खिते बेलाला ङाला जुम्‍ला थेमा लुकान्‍ते मि सुङ मेत। छ्यु चले खिते बेलाला ङा थेमा स्‍यूक्‍पा छोल्‍केला ज्‍येन मि गाल्‍ला दाक स्‍यूइदुक,” सिन सासुङ।

१ कोरिन्‍थी 6:11

ख्‍योकोनोङ कोई कोई गोमाबा होथोक्‍ते मिराङ ओतान। तर प्रभु येशू ख्रीष्‍टताङ परमेश्‍वर आत्‍मेकी ख्‍योकोनला ठु खाईन चोके खाबाच्‍योक खाईन पापदुकी टाल्‍गीन बिन्‍दा ओत, ख्‍योकोन सेम खुदुक जोबा ओत थेमे परमेश्‍वर दोन्‍दु दोषी मेन साबा ओत।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।