यूहन्‍ना 5:34 - जिरेल

³⁴ ङे ङा सु ईन्‍दे, चुक्‍ते ईन्‍दे सिन सिरकान्‍ते सुइँदा मि ओङाराङ फाप्‍क्‍यो सिन साबाते मेन। बरू ख्‍योकोनगी पापकी सजाय मेङेत्‍स्‍यीत सिन दि बाततेबा साबाते ईन।

यूहन्‍ना 5:34 Iomraidhean Croise

लूका 13:34

यरूशलेम मिओन लाईदु ङे चुक दुक्‍पा लाङच्‍ये बात खिता फाप्‍कीका। ख्‍योकोनला लेमु खिताला ताङाते परमेश्‍वर बात खित्‍कान्‍ते मिओनला ख्‍योकोनगी सेत्‍कीदुक। परमेश्‍वरगी ताङाते ज्‍येन ज्‍येन मिलाङ ख्‍योकोनगी दोई ग्‍याप्‍ला सेत्‍कीदुक। थेमे दुरू वाकीन ङेङ ख्‍योकोनला छ्योमुकी छ्यिर्बुकला स्‍योक्‍पे चावादु उप्‍ला ज्‍य्‌वाबा च्‍योकराङ खाईन पालोताङ पालो लेमु खिता चालाप। ईन्‍सीनोङ ख्‍योकोनगी माङेन्‍देईराङ ङे ख्‍योकोनला छ्याःङ खिता माथुप्‍सुङ।

लूका 19:10

परमेश्‍वर ओत्‍सादुई वाबाते मि ङाचेन परमेश्‍वरताङ ठाल्‍गीन गालाते मिओनला थेत्ताङ डिक ज्‍युताला थेमे थेबाला पापदुकी डेलाला वाबाते ईन,” सिन सिदुक।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

यूहन्‍ना 5:32

ङा सु ईन्‍दे, चुक्‍ते ईन्‍दे सिन सिरकान्‍ते ज्‍येनज्‍यीक ओत। थेकी साँचोते बातकामा खिओ सिनोङ ङाला लेमु खाला छ्या ओत।

यूहन्‍ना 5:41

ङे दि बातओन खाबाते मिओनगी ङाला मान खिताराङ फाप्‍क्‍यो सिन सिराला मेन।

यूहन्‍ना 8:54

थोक सिरजीन थेकी “ङाराङगी ङा दोक्‍ते ईन, ङे दोक खिता थुप्‍क्‍यो साबा ईन्‍सीन छ्याःङ काम लै खित्‍च्‍या मेतान। ख्‍योकोन ङे आबाला खेराङ परमेश्‍वर ईन खिदुक। ङाला मान बिन्‍ला छ्ये जोकान्‍ते थेराङ ईन।

रोमी 10:1

थेमे आज्‍यो न्‍वावे, परमेश्‍वरगी तेरच्‍येते पापकी सजायदुकी ङाराङ इस्राएलीओन थारस्‍यीत सिन ङा आउदी सेम खिओ। थेबेकी थे सजाय भोगे खिता माफाप्‍स्‍यीत सिन ङा परमेश्‍वरताङ प्रार्थना खिओ।

रोमी 10:21

इस्राएलीओन चुक्‍ते मि ईन्‍दे सिन बात खित्‍जीनचेन परमेश्‍वरगी साबाते बात यशैयेकी “थेबा ङे साबाते ङेनराङ मेङेन्‍कान्‍ते खालि ङात्ताङ स्‍येदाङकामा खिन देत्‍कान्‍ते मि ईन। थेबा थोक्‍ते मि ईन्‍सीनोङ ङे थेबाला याङ याङ ङा ओत्‍सादु स्‍योक, ङा ख्‍योकोनला लेमु खिओ सिन ङिङज्‍ये खिनराङ देतान,” सिन साबा ओत।

रोमी 12:21

खेराङला मेलेबा खित्‍कान्‍तेबाला मेलेबा खिता सेम लासीनोङ थोक माकेत। बरू जहिलेङ थेबाला लेमुराङ खि।

रोमी 3:3

परमेश्‍वरगी थेबाला थे खोरोङ बात बिन्‍दा ओता ईन्‍सीनोङ कोई कोईकीचेन खोपरोङगी खिओ साबा च्‍योकराङ खाईन परमेश्‍वरला माने माक्‍यासुङ। थेबेकी थोक खासुङ सिरजीनमेईराङ च्‍यि था परमेश्‍वरगीङ थे खोरोङगी खिओ साबाच्‍योक खिता तोङगोतरो?

१ कोरिन्‍थी 9:22

थोकराङ खाला येशू बात खोकीन पाको गाला मेताते मिओनताङ देत्‍जीनचेन थेबेकी येशूला झन लेमु खाला विश्‍वास खित्‍स्‍यीत सिन ङा थे बात गाङे छ्या स्‍येकीन पाको गालाते मि च्‍योक मिक्‍किता खाईन थेबा च्‍योकराङ खाईन देतान। थोक खाला थेबा दोक्‍पोई ङिकामा ईन्‍सीनोङ पापकी सजायदुकी थारस्‍यीत सिन गाङे लाईदु थेबा जस्‍तो जस्‍तो दुक ङेङ उस्‍तो उस्‍तोराङ ओङगीन काम खाबान।

१ तिमोथी 4:16

खोरोङगी चुक खिन ओते, चुक्‍ते बात लोप्‍कीन ओते सिन लेमु खाला विचार खिन देत। खुई दोक खिन देत्‍सीन खोरोङगी थेमे खुई लापाते बात ङेन्‍कान्‍ते मिओनगी तिरी पापकी सजाय भोगे खिता माफाबो।

१ यूहन्‍ना 5:9

सुइँदा मिकी दि बात दोक दोक ईन सिन सानामेई ङुरूङ दाक पत्ते खिओ सासीन च्‍यि परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात ङुरूङगी पत्ते मिक्‍किच्‍या? मिकी साबाते बात भन्‍दा परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात झन पत्ते खिता थुप्‍च्‍येते मेनरो?