यूहन्‍ना 5:23 - जिरेल

²³ आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

यूहन्‍ना 5:23 Iomraidhean Croise

मत्ती 10:37

थेमे ङाला भन्‍दाङ काल्‍बा आबा आमाला ङिङज्‍ये खित्‍कान्‍ते मिचेन ङे चेला ओङा मुथुबो। थोकराङ खाला दाक्‍पोन फुज्‍युङ फुमुलाका काल्‍बा ङिङज्‍ये खित्‍कान्‍ते मिलाङ ङे चेला ईन सिरा सोई मिक्‍किओ।

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 12:21

गाङेला जोए खित्‍कान्‍ते दिराङ ईन सिन लुङबा लुङबे मि गाङेराङ दि लामराङ ताला देत्‍क्‍यो,” सिन साबा ओतान।

मत्ती 15:8

चुक सासीन ‘दि मिओनगी ङाला खेकीकामा परमेश्‍वर सिन माने खिदुक। ङाला माने खित्‍जुमकामा खाला दिबेकी छ्याःङ वास्‍ता मिक्‍किदुक।

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

यूहन्‍ना 14:1

थेमे येशूकी चेलातेबा गाङेला “ख्‍योकोन पीर माकेत, ज्‍यीबाङ माकेत। परमेश्‍वरला विश्‍वास खिता मातोङ। ङालाङ विश्‍वास खिन देत।

यूहन्‍ना 16:14

ङे लोप साबाते बातकामा ख्‍योकोनला लोप्‍च्‍येते ईन्‍देकी परमेश्‍वर आत्‍मेकी ङाला मान खिओ।

यूहन्‍ना 17:10

ङात्ताङ ओताते जति गाङे खुईतेराङ ईन थेमे खोत्ताङ ओताते ङेतेङ ईन। ङा चुक छ्ये ईन्‍दे सिन ज्‍येनला तेन्‍ला तेरकान्‍ते दिबाराङ ईन।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

रोमी 15:12

थेमे यशैयेकीङ “था तिरी यिशै सन्‍तान नाङ मिज्‍यीक केइओ। थेकीचेन ज्‍येन ज्‍येन जातकी मि गाङेला राज्‍य खिओ। थेमे थेबा गाङेकी खोपरोङला लेमु खित्‍कान्‍ते थेकामा ईन सिन थेलाराङ भर परे खिओ,” सिन साबा ओतान।

रोमी 6:22

तर परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबाते ङेन्‍ला थेला मन परे खित्‍च्‍येते कामताङ बात खिता थुप्‍क्‍यो। दोक खाईन परमेश्‍वरगी खि साबाच्‍योक खिन गाल्‍नामेई ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

रोमी 8:9

ख्‍योकोनचेन गोमा च्‍योकराङ दाक्‍पोन खुशीला ख्‍याम्‍कान्‍ते मि मेन। परमेश्‍वर आत्‍मेकी खि साबाच्‍योक खित्‍कान्‍ते मिओन ईन। दोक मेन्‍दा ईन्‍सीन ख्‍योकोनगी परमेश्‍वर आत्‍मा ङेत्‍च्‍या मेतान। च्‍यिला सासीन ख्रीष्‍टकी आत्‍मा ङेता मेत्‍सीन थोक्‍ते मि ख्रीष्‍टकी मि ईनराङ मेन।

१ कोरिन्‍थी 1:3

ङुरूङ आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

१ कोरिन्‍थी 10:31

बात दोक दोक ईन्‍देकी ख्‍योकोनगी साजीन ईन्‍स्‍यीत, थुङजीन ईन्‍स्‍यीत जे खित्‍जीनोङ खालि परमेश्‍वरला छ्ये जोच्‍येते कामकामा खि।

१ कोरिन्‍थी 16:22

सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

१ कोरिन्‍थी 6:19

परमेश्‍वरगी ख्‍योकोनला बिन्‍दाते परमेश्‍वर आत्‍मा ख्‍योकोन नाङ देत्‍क्‍यो। थोगी ख्‍योकोन जीउ परमेश्‍वर आत्‍मे मन्‍दिर ईन सिन च्‍यि ख्‍योकोनला छ्या मेत? थोक ईन्‍देकी ख्‍योकोनगी खेराङ खुशी खिता मेङेदो। परमेश्‍वर ख्‍योकोन मालिक ईन।

२ कोरिन्‍थी 1:9

ङ्योकोनलानी था सोन्‍च्‍येते सिराते दोस्‍यिकराङ दुका सिराच्‍योक लाकीन सिन्‍दा ओतान। सुङगीङ दाक्‍पोनगीराङ दाक्‍पोन लाईदु छ्याःङ खिता मुथुबो, खालि स्‍याप्‍ते मिओनला सोम्‍बो लोक्‍कान्‍ते परमेश्‍वरगीकामा जस्‍तोङ खिता थुप्‍क्‍यो सिन ङ्योकोनगी छ्या स्‍येस्‍यीत सिनराङ थोक दुक्‍पा ओङाते दुका।

२ कोरिन्‍थी 13:14

लो प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत, परमेश्‍वरगी ख्‍योकोनला ङिङज्‍ये खिन देत्‍स्‍यीत थेमे परमेश्‍वर आत्‍मा ख्‍योकोन गाङेताङ ङ्योम्‍बुराङ देत्‍स्‍यीत।

२ कोरिन्‍थी 5:14

ङ्योकोनगी थरिङोला जे खिदुक थे खालि ख्रीष्‍टकी ङेराङला ङिङज्‍ये खाबेकी खित्‍सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्‍ट स्‍याप्‍ते ईन्‍देकी मि गाङे थेत्ताङराङ स्‍याप्‍ते च्‍योक ओङा ओत सिन ङ्योकोनगी लेमु खाईन छ्या स्‍येबा ओत।

२ कोरिन्‍थी 5:19

च्‍यि सासीन ख्रीष्‍टकी खाबाते कामगी खित्‍सादु परमेश्‍वरगी दि सा लुङबे मिओनला थेबेकी खाबाते मेलेबाते कामताङ बातकीते छ्याःङ हर हिसाब मिलिन्‍दा खाईन थे खोरोङताङ डिक्‍पा खित्‍च्‍येते काम खासुङ। थेमे मिओनला थे खोरोङताङ डिक ज्‍युत्‍क्‍यो सिरच्‍येते बात ज्‍येनला लोप्‍च्‍येते कामगी जिम्‍मा थेकी ङ्योकोनला बिन्‍सुङ।

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

२ तिमोथी 1:12

दि काम खाबेकीराङ ङाला जेलदु लुक्‍पेकी दोक खाला दुक्‍पा भोगे खिन ओत। ईन्‍सीनोङ दोक खिता फापाते ङाला छ्याःङ ङोचा मेत। च्‍यिला सासीन ङे सुला विश्‍वास खाबा ओते थेमे थे चुक्‍ते ईन्‍दे सिन ङाला लेमु खाला छ्या ओत। थेमे ङे थे लाःक्‍तु जे सोम्‍पे खाला दुक थे खोरोङ दुरू ग्‍युरला ओङे छोमुसाकराङ थेकी थे लेमु खाला तेइओ सिरच्‍येते बातला ङाला छ्याःङ शंका मेत।

हिब्रू 1:6

थे खोरोङ छ्येते फुज्‍युङतेला दि सा लुङबामा तोङजीन याङराङ परमेश्‍वरगी “ङे दूत गाङेकी थेते जय जय खित्‍स्‍यीत,” सिन साला दुक।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

१ यूहन्‍ना 2:23

येशूला परमेश्‍वर फुज्‍युङ मेन सिन सिरकान्‍ते मित्ताङ आबा परमेश्‍वर ङ्योम्‍बु मेदेदो। थेला परमेश्‍वर फुज्‍युङ ईन सिरकान्‍ते मित्ताङकामा आबा परमेश्‍वर ङ्योम्‍बु देत्‍क्‍यो।

२ यूहन्‍ना 1:9

ख्रीष्‍टकी लापाते बातकी लाक्‍तुङ ज्‍येन बात ङेन्‍दा छोल्‍कानगीचेन थेकी लापाते बात ङेन्‍दा तोङगो थेमे होथोक्‍ते मित्ताङचेन परमेश्‍वर ङ्योम्‍बु मेदेदो। ख्रीष्‍टकी लापाते बात ङेन्‍गीन देत्‍कान्‍ते मित्ताङचेन आबा परमेश्‍वर थेमे थे फुज्‍युङ ङ्योम्‍बुराङ देत्‍क्‍यो।