यूहन्‍ना 5:22 - जिरेल

²² दोस्‍यिककामा मेन, मिओनला न्‍याय खित्‍च्‍येते कामोङ आबेकी थे खोरोङगी मिक्‍किओ। दि काम थेकी थे खोरोङ फुज्‍युङ लाःक्‍तुराङ बिन्‍दा ओत।

यूहन्‍ना 5:22 Iomraidhean Croise

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

यूहन्‍ना 17:2

थोक खिताला खुई खोरोङ फुज्‍युङला मि गाङेला राज्‍य खित्‍च्‍येते अधिकार बिन्‍दा ओत। दोक खाईन खुई थे लाःक्‍तु जिम्‍मा बिन्‍दाते मि गाङेला थेकी नोमुङ मिसिन्‍च्‍येते जुनी तेरग्‍यो।

यूहन्‍ना 3:35

आबातेकी थे खोरोङ फुज्‍युङला आउदी ङिङज्‍ये खिओ। थेमे थेकी ओताते जति गाङे थे लाःक्‍तुराङ जिम्‍मा बिन्‍दा ओत।

यूहन्‍ना 5:27

थेमे परमेश्‍वर फुज्‍युङराङ परमेश्‍वर ओत्‍सादुई वाबाते मि ईन्‍देकी मि गाङे न्‍याय खित्‍च्‍येते अधिकारोङ परमेश्‍वरगी थेलाराङ बिन्‍दा ओत।

यूहन्‍ना 9:39

थेमे येशूकी “मोथोङकान्‍ते मिओनगी स्‍वर्गे नाम्‍दाक थोङा थुप्‍स्‍यीत थेमे लेमु खाला थोङगीदुक सिरकान्‍तेबाचेन अन्‍ध ईन सिन छ्या स्‍ये ज्‍युताला ङा दुरू वाबाते ईन,” सिन सिदुक।

शक्ति काम 10:42

थेमे थेकी ङ्योकोनला ‘गाल्‍ला यहूदीओनला गा लाङच्‍येते बात लोप। स्‍याप्‍तेबा थेमे सोम्‍बोराङ ओतातेबा मि गाङेला तिरी न्‍याय खितालाचेन परमेश्‍वरगी थे खोरोङलाराङ छाने खाबा ओत सि,’ सिन कोत्‍सुङ।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

रोमी 2:16

ङे साबाते बातओन दोकराङ ईन सिन था तिरी न्‍याय खिते छोमु छ्या स्‍येक्‍यो। थे छोमु परमेश्‍वरगी मि गाङे सेमगी बात खाङ लेमु ईन्‍दे, खाङ मेलेबा ईन्‍दे सिन येशू ख्रीष्‍टला डेल च्‍युत्‍ला न्‍याय खित ज्‍युत्‍क्‍यो। था ङीमाई दोक ओङगो सिनचेन ङे लोप्‍कीन ओताते गा लाङच्‍येते बातला साबा ओत।

२ कोरिन्‍थी 5:10

च्‍यिला सासीन ख्रीष्‍टकी न्‍याय खिते छोमु छ्ये टेक्‍टे जोराङ ईन्‍सीनोङ ङुरूङ गाङेराङ थे दोन्‍दु ड्वा फाप्‍क्‍यो। थेमे थे छोमु थेकी ङुरूङगी दि जुनीला लेमु मेलेबा चुक खाला दुका थे ताला सु सुला च्‍यि खिता फाप्‍च्‍या दुका थोकराङ खिओ।

२ तिमोथी 4:1

थोगी परमेश्‍वरताङ येशू ख्रीष्‍ट दोन्‍दु ङा खोल्‍ला चुक खिता फाप्‍कीते सिन कोत्‍क्‍यो। स्‍याप्‍तेबा थेमे सोम्‍बोराङ ओताते मि गाङेला न्‍याय खित्‍कान्‍ते थेमे स्‍वर्गनेकी ग्‍युरला वाला गाङेपा गाङेला राज्‍य खित्‍कान्‍ते येशू ख्रीष्‍टराङ ईन सिन टोक माज्‍येत।

१ पत्रुस 4:5

स्‍याप्‍तेबा थेमे सोम्‍बोराङ ओताते मि गाङेला न्‍याय खिताला ठीक ओङगीन देताते परमेश्‍वर दोन्‍दु था ङीमा लेनज्‍यीक थेबेकी खोपरोङगी खाबाते होथोक्‍ते काम बात गाङेते हर हिसाब तेरा फाप्‍क्‍यो।