यूहन्‍ना 5:2 - जिरेल

² यरूशलेमदु लुई गो सिरसादु पोखरीज्‍यीक ओतान। थे फेरोला रिङ्गै पाटी ङा ओतान। हिब्रू बातला थे पोखरी मिन बेथस्‍दा सिन ओतान।

यूहन्‍ना 5:2 Iomraidhean Croise

यूहन्‍ना 19:13

थेबेकी दोक सानामेई थेकी येशूला फिनामा खुलाङ च्‍युत्‍कीन च्‍याकीन थे न्‍याय खित्‍कान्‍ते मि देत्‍च्‍येते ठाउँदु देत्‍सुङ। थे ठाउँचेन दोई छापे खाईन जोबा ओतान। हिब्रू बातला थे ठाउँला गब्‍बथा सिन ओतान।

यूहन्‍ना 19:17

मिल्‍टेरीओनगी जिम्‍मा लानामेई येशू थे खोरोङला टाँए खाला सेत्‍च्‍येते स्‍यिङगी थाम खुरगीन खप्‍पर ठाउँ सिरसापा ख्‍याम्‍सुङ। थे ठाउँला हिब्रू बातला गलगथा सिनोङ सिरच्‍येते खिन ओतान।

यूहन्‍ना 19:20

थोक खाईन थेला स्‍यिङगी थामला टाँए खाबाते ठाउँ सारदुकी आता थारी मेतेकी काल्‍बा च्‍योक यहूदीओन थेरू लेपा ओतान। थेमे थेबेकी थे पाटीला टिबाते बात पढे खासुङ। दि बात हिब्रू, ल्‍याटिन थेमे ग्रीक भाषाला टिबा ओतान।

यूहन्‍ना 20:16

थोक सिरजीन येशूकी “मरियम,” सिन सिदुक। थेमेका मरियमगी थे दोन्‍नापाला ख्‍युर ग्‍युरगीन हिब्रू बातला “रब्‍बोनी,” सिन सिदुक। रब्‍बोनी साबाते गुरू साबाते ईन।

यूहन्‍ना 5:3

थे पाटीदु नाबाते मि थुप्रो गुला देत्‍कीन ओतान। थेबाचेन अन्‍धतेबा, कुज्‍येतेबा थेमे लाक्‍पा काम्‍बा चले मिक्‍किकान्‍तेबा ओतान। थेबा गाङेराङ थे पोखरी छ्यु नाम चले खिका सिन गुलाराङ देत्‍कीन ओतान।

यूहन्‍ना 7:21

थेमे थेकी “ङे अचम्‍बते कामज्‍यीक खाबाप। ख्‍योकोनला थे काम थोङजीन अचम्‍ब लासुङ।

शक्ति काम 21:40

थेमे थे छ्येते मिकी “ओङगो खि,” सिन सिदुक। थेमे पावलगी ब्‍यारेकने डोच्‍येते सिंढीदु देत्‍कीन मि गाङेला खाराक्‍पा देत सिन लाक्‍पेकी चाल खानामेई थेबा गाङेराङ खाराक्‍पा देत्‍सुङ। थेमे थेकी थेबाला खोपरोङ हिब्रू भाषाला दोक सिन बात खिताला स्‍यूसुङ।

छ्या स्‍ये च्‍युताते बात 16:16

थेमे होथे ल्‍हन्‍डीक सुमबोकी गेल्‍बो गाङेला ठाउँज्‍यीक्‍तुराङ जम्‍मा खासुङ। हिब्रू भाषाला थे ठाउँला आर-मागेड्डोन सिओ।

छ्या स्‍ये च्‍युताते बात 9:11

थे खापान खापान तीङ ओताते डालुमदु ओताते दूतराङ थे छ्युच्‍युपेओन गेल्‍बो ओतान। थे डालुमदु ओताते दूतकी मिनचेन हिब्रू बातला एबाड्डोन थेमे ग्रीक बातला अपोल्‍लियोन ईन। दोक साबाते नाश जोकान्‍ते साबाते ईन।