यूहन्‍ना 5:18 - जिरेल

¹⁸ थेकी थोक सानामेईनी थेबेकी झन थेला सेताराङ चाल्‍सुङ। च्‍यिला सासीन थेकी परमेश्‍वर नियमला सन्‍चारी छोमु काम खिता मेङगो साबाते बात माङेन्‍दातेकामा मेन्‍देकी परमेश्‍वरला थे खोरोङ आबा ईन साकीन थे खोरोङोङ परमेश्‍वर छेतराङ ईन सिन साबा ओतान।

यूहन्‍ना 5:18 Iomraidhean Croise

मत्ती 12:5

याङराङ थे नियमलाराङ परमेश्‍वर मन्‍दिरदु देत्‍कान्‍ते पूजारीओनगी सन्‍चारी छोमुङ सधैँ च्‍योकराङ खाला काम खिता ओङगो सिन टिबा ओत मेन? काम खिता मेङगो सिन साबे छोमु मन्‍दिरदु खिता फाप्‍च्‍येते काम खासीनोङ थेबेते छ्याःङ गल्‍ती मेन सिन ख्‍योकोनला छ्याराङ ओत।

यूहन्‍ना 1:19

यूहन्‍नाला थे सु ईन्‍दे सिन ठिला स्‍योक सिन यहूदीओनते छ्ये छ्ये मिकी यरूशलेमदुई पूजारीओनताङ लेवी थरगी मिओनला ताङसुङ। थेमे थेबेकी यूहन्‍ना ओत्‍सादु लेप्‍कीन थेला “खो सु ईन्‍दे?” सिन ठिसुङ।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 10:33

थोक सिरजीन थे यहूदीओनगीचेन “खुई खाबाते खाङ कामगी खित्‍सादुङ ङ्योकोनगी खोल्‍ला दोई ग्‍याप्‍ला सेता चालाते मेन। खुई परमेश्‍वर विरोध खाबेकी खित्‍सादुका खोल्‍ला दोक खिता चालाते ईन। च्‍यिला सासीन मि ईनलाङ खोचेन खोरोङला परमेश्‍वरराङ ईन खिदुक,” सिन सिदुक।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 14:9

थेरूई येशूकी “ङा ख्‍योकोनताङ दोक काल्‍बासाक ङ्योम्‍बु देत्‍सीनोङ च्‍यि खुई ङाला छ्या स्‍येबा मेतरो फिलिप? ङाला थोङकान्‍ते मिकी आबालाङ थोङाते ईन। थेमे चुक खाला खो ‘आबा चुकस्‍यिक ओते सिन तेन्‍ला नाङ,’ सिते?

यूहन्‍ना 19:7

थेमे थे यहूदीओनगी “दिकी दि खोरोङला परमेश्‍वर फुज्‍युङ ईन खिदुक। ङ्योकोनते नियमज्‍यीक ओत। थे नियम ताजीन थोक साबेकी खित्‍सादु दिला सेताराङ फाप्‍क्‍यो,” सिन सिदुक।

यूहन्‍ना 5:15

थेरूई थेकी गाल्‍गीन थे खोरोङला ठाक्‍पा खित्‍कान्‍ते येशू दुका सिन यहूदीओनते छ्ये छ्ये मिला लाःप्‍सुङ।

यूहन्‍ना 5:16

थोक खाईन सन्‍चारी छोमु काम खाबेकी थे छोमुमेईराङ यहूदीओनते छ्ये छ्ये मिकी येशूला खेदापानी खिताला स्‍यूसुङ।

यूहन्‍ना 5:17

थोक खिताला स्‍यूनामेई येशूकी थेबाला “ङे आबाचेन थरिङोलाङ मिओनला लेमु ओङच्‍येते काम खिनराङ ओत। थेमे ङाङ दोकराङ खिओ,” सिन सिदुक।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

यूहन्‍ना 7:1

दि तिरी येशू गालील अञ्‍चलदु युल युलला थेमे सार सारला युगीन देत्‍सुङ। यहूदीओनते छ्ये छ्ये मिकी थे खोरोङला सेता चाला ओतेकी थे यहूदियापा मागाल्‍सुङ।

यूहन्‍ना 7:19

च्‍यि मोशेकी ख्‍योकोनला परमेश्‍वर नियम बिन्‍दा मेतरो? ईन्‍सीनोङ ख्‍योकोन खाङगीङ थे नियम मेङेन्‍दुक। थेमे ङालाचेन ख्‍योकोन च्‍यिला सेता छोल्‍गीते?” सिन सिदुक।

यूहन्‍ना 8:54

थोक सिरजीन थेकी “ङाराङगी ङा दोक्‍ते ईन, ङे दोक खिता थुप्‍क्‍यो साबा ईन्‍सीन छ्याःङ काम लै खित्‍च्‍या मेतान। ख्‍योकोन ङे आबाला खेराङ परमेश्‍वर ईन खिदुक। ङाला मान बिन्‍ला छ्ये जोकान्‍ते थेराङ ईन।

यूहन्‍ना 8:58

थोक सिरजीन थेकी “ङा ख्‍योकोनला दि बात सिओ। च्‍यि सासीन ङानी अब्राहाम क्‍या भन्‍दा गोमामेईराङ ओतान,” सिन सिदुक।

फिलिप्‍पी 2:6

चुक सासीन परमेश्‍वर जस्‍तो ईन येशू ख्रीष्‍टोङ गोमामेईराङ होथोकराङ ओतान, छ्याःङ खुदुक मेतान। परमेश्‍वरला ताला छ्याःङ खुदुक मेत्‍सीनोङ थोक्‍ते हक तोङाला थेकी दुक्‍पा माने माक्‍यासुङ।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन

छ्या स्‍ये च्‍युताते बात 22:3

थे सारगी नाङ परमेश्‍वर सराप फापाते मेलेबा सिराते था छ्याःङ मेङगो, सुङ मेङगो। परमेश्‍वरताङ लुई रीउ देत्‍च्‍येते सिंहासन थे सारगी नाङराङ ओङगो। थेमे परमेश्‍वर काम खित्‍कान गाङेकी परमेश्‍वरला छ्ये जोइनराङ देत्‍क्‍यो।