यूहन्‍ना 4:9 - जिरेल

⁹ थेमे थे फेम्‍मे मिकी “ङानी सामरीका ईन। ख्‍योकोन यहूदीला छ्यु चले मिक्‍किओ। थोगी खो चुक खाला ङे बिन्‍दे छ्यु थुङगीते?” सिन सिदुक। यहूदीओनगी सामरीओनला सानु जाति सिन थेबे नाङ लिनदिन छ्याःङ ओङगीन मेतान।

यूहन्‍ना 4:9 Iomraidhean Croise

मत्ती 10:5

थेमे काम खिताला तोङा भन्‍दा गोमा येशूकी थेबेकी चुक चुक खिता फाप्‍कीते सिन थेबा मेन्‍दा च्‍युन्‍ङीला “लो था ख्‍योकोनबरी ग्‍युक। ज्‍येन ज्‍येन जातकी मि देत्‍साला थेमे सामरीओन देत्‍से सार सारलाचेन मान्‍डो।

लूका 10:33

थेमे रकस्‍यिक तिरी थे लामला ख्‍याम्‍गीन ओताते सामरीज्‍यीगोङ थे मिला थोक जोकीन ज्‍याक्‍सादु लेप्‍तुक्‍लो। थे मिला थोङजीन थे सामरीला आउदी ङिङज्‍ये लादुक्‍लो।

यूहन्‍ना 4:27

दि बेलालाराङ चेलातेबा ग्‍युरगीन थेरू लेप्‍सुङ। थे थोक खाईन फेम्‍मे मिज्‍यीकताङ बात खिन देता ओता थोङजीन थेबा छक्‍क परे खासुङ। ईन्‍सीनोङ “ए गुरू, खुई दि फेम्‍मे मित्ताङ च्‍यि बात खाबे? च्‍यिला बात खिते?” सिन खाङगीङ माठिसुङ।

यूहन्‍ना 8:48

थेमे यहूदीओनगी थेला “ङ्योकोनगी खोल्‍ला खो सामरी ईन थेमे खोल्‍ला ल्‍हन्‍डीक खोला दुक साबाते बात पक्‍काराङ मेन्‍दाक्‍वा ओना?” सिन सिदुक।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 10:28

थेमे थेकी थेबाबरीला “ङ्योकोन यहूदीओन ज्‍येन जातकी मित्ताङ दोक खाला साङ खिता मेङगो। थेमे थेबे खाम्‍बादु गाल्‍ला थेबाताङ सा मेङगो। दोक खासीन ङ्योकोनगी परमेश्‍वर नियमताङ मिडिक्‍च्‍येते काम खाबाते ईन सिरच्‍येते बात ख्‍योकोनला छ्याराङ ओत। दोक ईन्‍सीनोङ ङाला परमेश्‍वर थे खोरोङगीराङ था ख्‍योकोन च्‍योक्‍ते ज्‍येन ज्‍येन जातकी मिलाङ सुङलाङ सानु जाति ईन सिरा मेङगो सिन छ्या स्‍ये च्‍युत्‍सुङ।

शक्ति काम 10:32

था योप्‍पादु ओताते शिमोन सिराते मिला कातोङ थोङ। थेला मिओनगी पत्रुस सिनोङ सिओ। थेचेन समुन्‍द्रे छेउदु शिमोन सिराते सर्की खाम्‍बादु डोम्‍बो ओङगीन देता ओत,’ सिन सिदुक।