यूहन्‍ना 4:22 - जिरेल

²² ख्‍योकोन सामरीओनला खेराङगी सुला माने खिन ओते सिन छ्या मिन्‍दुक। ङ्योकोनलानी ङेराङगी सुला माने खिन ओते सिन लेमुराङ खाला छ्या ओत। च्‍यिला सासीन मिओनला पापताङ दुक्‍पादुकी डेल्‍कान्‍तेचेन यहूदी नाङदुईराङ ओङगो।

यूहन्‍ना 4:22 Iomraidhean Croise

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

शक्ति काम 17:23

च्‍यिला सासीन सार खाङ युगीन डोजीन ङे ख्‍योकोन मन्‍दिरताङ ल्‍हे थान काल्‍बेई थोङसुङ। लेमु खाला ताजीन ठाउँज्‍यीक्‍तु थानज्‍यीक जोकीन थे लाक्‍तु ‘मिनराङ छ्या मास्‍येबाते ल्‍हा’ सिन टिबातेङ ङे थोङसुङ। थे ल्‍हा सु ईन्‍दे, चुक्‍ते ईन्‍दे सिन छ्या मास्‍येबालाराङ ख्‍योकोनगी थेला माने खिन दुक। ख्‍योकोनगी थोक खाईन छ्या मास्‍येबालाराङ माने खाबाते थे सु ईन्‍दे सिन था ङा लेमु खाला सिरामीन।

शक्ति काम 17:30

ईन्‍दानी मिओनगी थे सु ईन्‍दे, चुक्‍ते ईन्‍दे सिन लेमु खाईन छ्या मास्‍येकीन मूर्तितेबा जोकीन थेला माने खासीनोङ थातासाक थेकी सजाय माबिन्‍सुङ। थाचेन थेकी गाङेपा मि गाङेला खोपरोङ पापी दुका सिन छ्या स्‍येला थे छ्य्‌वापा लै खि सिन साबा ओत।

शक्ति काम 3:26

साबा च्‍योकराङ खाईन ख्‍योकोन गाङेला मेलेबाते कामदुकी टाल्‍ला आशी बिन्‍ला लेमु खिताला परमेश्‍वरगी थे खोरोङ काम खित्‍कान्‍ते येशूला गोमा ख्‍योकोन नाङ ताङाते ईन,” सिन सिदुक।

रोमी 11:18

दोक ईन्‍सीनोङ ख्‍योकोन छ्ये खिन थे दुम्‍गीन क्‍युराते हाँगाओन साबाते इस्राएलीओनला हेला माकेत। ख्‍योकोन छ्येराङ खिओ सासीन दि बात टोक माज्‍येत। च्‍यि सासीन ख्‍योकोननी हाँगा च्‍योक्‍तेकामा ईन। हाँगेकी खित्‍सादु चाप्रेन रोम्‍बो ओङच्‍येते मेन, चाप्रेनगी खित्‍सादुका हाँगाओन रोम्‍बो ओङच्‍येते ईन।

हिब्रू 7:14

ङुरूङगी बात खाबाते पूजारीचेन प्रभु येशूराङ ईन। थेचेन यहूदे थरदु केबाते ईन। दि थरगी नाङदुई पूजारी ओङच्‍येते बात मोशेकी छ्याःङ टिबा मेतान।