यूहन्‍ना 4:14 - जिरेल

¹⁴ ङे तेरच्‍येते छ्यु थुङकान्‍ते मिलाचेन नोमुङ कोम्‍बा मालाङो। ङे तेरच्‍येते छ्यु थुङकान्‍ते मि नाङ थे छ्युराङ जहिलेङ बुलुङलुङ दोल्‍गीन देत्‍च्‍येते छ्युई मोन च्‍योक ओङगो। थेमे थे मिकी नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 4:14 Iomraidhean Croise

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

मत्ती 5:6

परमेश्‍वरगी खि साबा साबाच्‍योक खिता आउदी सेम खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबेकी सेम खाबा च्‍योकराङ ओङ ज्‍युत्‍क्‍यो।

यूहन्‍ना 10:10

चोरनी खालि क्‍वाप सिन, सेताप सिन थेमे जेसुकै ङ्ये ज्‍युताप सिनकामा ओङगो। ङाचेन मिओनगी नोमुङ मिसिन्‍च्‍येते जुनी ङेत्‍स्‍यीत थेमे थे जुनी ङे थेबाला तेरा चालाच्‍योक पूरो खाला ङेत्‍स्‍यीत सिन दुरू वाबाते ईन।

यूहन्‍ना 11:26

ङाला विश्‍वास खाला नोमुङ मिसिन्‍च्‍येते जुनी ङेता ओताते मिला कालगी छ्याःङ खिता मुथुबो। च्‍यि खो दि बात पत्ते खिओ?” सिन सिदुक।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

यूहन्‍ना 4:11

थोक सिरजीन थे फेम्‍मे मिकी “हजूर, खुई लाःक्‍तु छ्यु थेन्‍च्‍येते नोदोङ मिन्‍दुक। लोक्‍ला छ्युङ आउदी तीङला इनार स्‍यामनामा दुक। थेमे खो थे जुनी ङेत्‍च्‍येते छ्यु खापेकी खुलाङा सिते?

यूहन्‍ना 4:13

थेमे येशूकी “दि इनार छ्यु थुङकान्‍ते मिला याङराङ कोम्‍बा लाङगो।

यूहन्‍ना 4:36

बाली थोक्‍कान रूक्‍कान्‍ते मिकी थाल्‍लेई थाल्‍ला थे बनी ङेत्‍च्‍या दुक। च्‍यि सासीन बाली थोक्‍पा रूक्‍पाच्‍योक खाला थे मिकी थाल्‍लेई थाल्‍ला ज्‍येनला नोमुङ मिसिन्‍च्‍येते जुनी ङेत्‍च्‍येते लाम तेन्‍ला तेरा थुप्‍च्‍या दुक। दोक खाला बाली लै खित्‍कान्‍तेङ बाली थोक्‍कान रूक्‍कान्‍तेङ ङिकाराङ गा खिता ङेत्‍क्‍यो।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

यूहन्‍ना 6:35

थेबेकी थोक सानामेकी येशूकी “नोमुङ मिसिन्‍च्‍येते जुनी ङेत्‍च्‍येते सापचेन ङाराङ ईन। सुइँदा ङे छ्य्‌वापा लै खिदुक सासीन थेला नोमुङ त्‍वाबा मालाङो। थेमे ङाला विश्‍वास खित्‍कान्‍ते मिलाचेन नोमुङ कोम्‍बा मालाङो।

यूहन्‍ना 6:58

स्‍वर्गनेकी देमा वाबाते सापकी बातचेन होदिराङ ईन। स्‍वर्गनेकी वाबाते सापचेन ख्‍योकोन ज्‍युज्‍यु पुर्खेकी सोबाते साप च्‍योक्‍ते मेन। थेबानी थे साप सोसीनोङ तिरी दाक स्‍यिसुङ। ङे थाल्‍ला साबाते साप साकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 7:37

थे चाडगीते गाङे भन्‍दा तिरी छोमुचेन छ्येते दिन सिन माने खिन ओतान। थेमे थे छोमुराङ लाकीन देत्‍कीन येशूकी गाङेकी थोच्‍या खाईन “सुइँदाला कोम्‍बा लाबा ओत्‍सीन ङा ओत्‍सादु वाला च्‍याला थुङ।

रोमी 5:21

थोगी पाप खाबेकी खित्‍सादु पापकी सजाय भोगे खाला मि गाङे स्‍या फाप्‍च्‍या ओङा ओतान। तर थाचेन परमेश्‍वरगी दया खाला थेबाला दोषी मेन साला थेबेकी नोमुङ मिसिन्‍च्‍येते जुनी ङेत्‍क्‍यो। ङुरूङ प्रभु येशू ख्रीष्‍टकी खित्‍सादुराङ दोक ओङाते ईन।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

२ कोरिन्‍थी 1:22

ङुरूङ थोक्‍ते मि ईन सिन थेकी ङुरूङला थे खोरोङ छाप ग्‍यापा ओत थेमे थे खोरोङगी तेरग्‍यो साबाते गाङे तेरग्‍यो सिन पक्‍का खिताला थेकी ङुरूङला परमेश्‍वर आत्‍मा बिन्‍दा ओत।

एफिसी 4:30

खेराङ खेकी खित्‍सादु परमेश्‍वर आत्‍माला मेलेबा लाङच्‍येते काम माकेत। परमेश्‍वर आत्‍मा ङेतेकी खित्‍सादुराङ परमेश्‍वरगी थे खोरोङगी साबे छोमु ख्‍योकोनलाङ पूरो खाला पापदुकी टाल्‍ला थे खोरोङताङ देत ज्‍युत्‍क्‍यो सिन टोक माज्‍येत।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

छ्या स्‍ये च्‍युताते बात 7:16

त्‍वाबा कोम्‍बा सिराते था थेबाला नोमुङ मालाङो। ङीमे रापकी थेबाला मिछिगो। खपेराङ खिता मुथुप्‍च्‍येते गर्मीकीङ थेबाला छ्याःङ खिता मुथुबो।

छ्या स्‍ये च्‍युताते बात 7:17

च्‍यिला सासीन सिंहासन किल्‍दु ओताते लुई रीउकी थेबाला लेमु खाला गोठाला खिओ। थेकी थेबाला छ्युई मोनगी नाङला टीला खेरग्‍यो। थे मोनगी छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थेमे परमेश्‍वरगी थेबे मिगी मिकच्‍युक पिला तेरग्‍यो,” सिन सिदुक।