यूहन्‍ना 3:6 - जिरेल

⁶ मिकी केबाते फिजेते सेमताङ स्‍या ठाक थेला केकान्‍तेते च्‍योकराङ ओङगो। परमेश्‍वर आत्‍मे छ्य्‌वापेई केबाते मिचेन थोक मेन्‍देकी खुदुकराङ ओङगो।

यूहन्‍ना 3:6 Iomraidhean Croise

यूहन्‍ना 1:13

परमेश्‍वर फुज्‍युङ फुमु ओङच्‍येते साबाते ख्‍यावा फेम्‍मे ङ्योम्‍बु ङ्याल्‍गीन केबाते फिजा च्‍योक मेन। परमेश्‍वरगीराङ थेबाला साम्‍बाते जुनी बिन्‍ला थे खोरोङ फुज्‍युङ फुमु जोच्‍येते ईन्‍देकी दिचेन आमे कोखदु ठुङाते फिजा केबा च्‍योक्‍तेङ मेन।

यूहन्‍ना 3:7

थोगी ङे खोल्‍ला मि लोक्‍ला क्‍याराङ फाप्‍क्‍यो सिन सिरजीन खो अचम्‍ब माने माकेत।

रोमी 7:18

ङा परमेश्‍वरगी खि साबाच्‍योक खिता मुथुप्‍कान्‍ते मिकामा ईन्‍देकी ङे लेमु सिराते छ्याःङ खिता मुथुप्‍च्‍येते ईन सिन ङाला छ्या ओत। चुक खाला सासीन लेमु खिताप सिन जतिराङ खासीनोङ ङाराङगी खिता चालाच्‍योक ङे पटक्‍क खिता मुथुप्‍तुक।

रोमी 7:25

ङाला थोक खाला तेरकान्‍ते परमेश्‍वरराङ ईन। ङुरूङ प्रभु येशू छ्य्‌वापेई ङा थेला जय जय साला धन्‍यवाद सिओ। ङे ङाराङगी खिता थुप्‍च्‍येते कामकामा तासीन ङेते छ्याःङ आश मेत। ङे खिता थुप्‍च्‍येते कामनी खालि परमेश्‍वर नियमला साबा च्‍योकराङ खिता सेम खाला थोक खिता छोल्‍च्‍येतेकामा ईन। ङाराङ परमेश्‍वरगी खि साबाच्‍योक खिता मुथुप्‍कान्‍ते मिकामा ईन्‍देकी ङे पापकामा खिता फाप्‍कीदुक।

रोमी 7:5

गोमाबा ङुरूङ दाक्‍पोन खुशीला ख्‍याम्‍गीन ओतान। थोगी थेजीन दाक्‍पोन सेम मेलेबा ओतेकी झन परमेश्‍वर नियमला माकेत साबा साबाकामा खिता सेम लाकीन ङुरूङ मेलेबाते कामताङ बात खिन ओतान। थोक खाबेकी ङुरूङ सजाय ङेत्‍ला स्‍या फाप्‍च्‍या ओङा ओतान।

रोमी 8:13

च्‍यिला सासीन काम बात जे खित्‍जीनोङ दाक्‍पोन खुशीराङ खिन देत्‍सीनचेन ख्‍योकोन स्‍या फाप्‍क्‍यो। परमेश्‍वर आत्‍मे छ्य्‌वापेई दाक्‍पोन खुशी खिता ताङला होथोक्‍ते कामताङ बात खिता ताङसीनकामा ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

१ कोरिन्‍थी 6:17

थोकराङ खाला प्रभु येशूताङ डिक्‍कान्‍ते मिचेन थेत्ताङ सेमज्‍यीकराङ खाला डिक्‍ला देत्‍क्‍यो।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

गलाती 5:24

येशू ख्रीष्‍टताङ जीउज्‍यीकराङ ओङाते मिओनगीचेन थानामेई थोक मिक्‍किओ सिन दाक्‍पोन खुशीला ख्‍याम्‍च्‍येते बानी येशू ख्रीष्‍ट टाँए खाईन स्‍याप्‍ते स्‍यिङगी थामला टाँए खाईन सिन्‍दा ओत। थोक खाईन दाक्‍पोन खुशीला ख्‍याम्‍च्‍येते बानी ताङगीन सिन्‍दा ओतेकी था थेबेकी दाक्‍पोनला च्‍यि च्‍यि खिता सेम लाङगीका थोकराङ खिता माफाबो।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

कलस्‍सी 2:11

ख्रीष्‍टताङ जीउज्‍यीकराङ ओङगीन ख्‍योकोन खतकी चिनु जोबाते मि ओङा ओत। दोक साबाते ख्‍योकोनला सुइँदेकी जीउला खतकी चिनु जोकीन बिन्‍दाते मेन, बरू ख्रीष्‍टकी खेराङ मेलेबा सेम खुदुक जोबा ओतेकी था ख्‍योकोन खुदुक मि ओङा ओत साबाते ईन।

१ यूहन्‍ना 3:9

परमेश्‍वर फुज्‍युङ फुमु ओङाते मि सुङगीङ पाप खिनराङ मेदेदो। च्‍यिला सासीन परमेश्‍वर थे मि आबा ओङगीन थे मि बानी खुदुक गाला ओत। परमेश्‍वर फुज्‍युङ फुमु ओङेकी थोक्‍ते मिओनगी पाप खिन देताराङ मुथुबो।