यूहन्‍ना 3:32 - जिरेल

³² थेकीचेन ईने थोङातेताङ थोबाते बात खिओ। थोक ईन्‍सीनोङ सुङगीङ थे बातला नामज्‍योकराङ मेसेदो।

यूहन्‍ना 3:32 Iomraidhean Croise

मत्ती 7:8

च्‍यिला सासीन नाङ खित्‍कान गाङेला थेकी तेरग्‍यो। छोल्‍कान गाङेकी ङेत्‍क्‍यो। थोकराङ खाला गो पेत्‍ला नाङ सिरकान्‍तेबालाङ परमेश्‍वरगी नाङने स्‍योक सिओ।

यूहन्‍ना 1:11

दाक्‍पोन लुङबाताङ मि नाङ देताला ओङजीन दाक्‍पोन मिओनगीराङ दिङ सु ईन्‍देरो सिराच्‍योक खाईन थेला वास्‍ता माक्‍यासुङ।

यूहन्‍ना 15:15

थानामेकी ङा ख्‍योकोनला ङे काम खित्‍कान्‍ते मि सिन मिसिरो। च्‍यिला सासीन मालिकतेकी च्‍यि खिता चाल्‍ला दुका सिन थे काम खित्‍कान्‍ते मिकी छ्याःङ छ्या मेस्‍येओ। आबेकी ङाला छ्या स्‍ये च्‍युत्‍कीन बिन्‍दाते बात गाङे ङे ख्‍योकोनलाङ लाप्‍कीन बिन्‍दा ओत। थोगी थानी ङा ख्‍योकोनला ङे र्‍वाओनका ईन सिओ।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 3:11

ङा खोल्‍ला दि बात सिओ। च्‍यि सासीन ङ्योकोन खालि ङेराङला छ्या ओतातेताङ ङेराङ मिगी थोङाते बातकामा ज्‍येनला लाःप्‍क्‍यो। थोक ईन्‍सीनोङ ख्‍योकोन सुङगीङ ङ्योकोन बात पत्तेराङ मिक्‍किदुक।

यूहन्‍ना 3:26

थोगी थे चेलातेबेकी यूहन्‍ना ओत्‍सादु गाल्‍गीन “गुरू, यर्दन चाङबो फारकेनपा ओत्‍जीन खुई बात खाबाते मि खोल्‍ला ठेम्‍बा लाङगीकाना मालाङका? थे छ्येते मि ईन सिन खुई बात खाबा ओतान। थानी बप्‍तिस्‍मा नाङ सिन गाङेराङ थे ओत्‍सादुका डोच्‍याक्‍वा। थेमे थेकीङ बप्‍तिस्‍मा तेरच्‍याक्‍वा,” सिन सिदुक।

यूहन्‍ना 3:33

थेकी साबाते बात ङेन्‍कान्‍ते मिकीचेन परमेश्‍वर साँचोते बातकामा खित्‍कान्‍ते ईन सिरच्‍येते बातला पक्‍काराङ ईन सिन सिओ।

यूहन्‍ना 5:20

आबेकी थे खोरोङ फुज्‍युङला ङिङज्‍ये खिओ। थेमे थे खोरोङगी खिन ओताते गाङे काम फुज्‍युङतेला तेन्‍ग्‍यो। दोस्‍यिककामा मेन, थेकी खाबाते काम थोङला ख्‍योकोन छक्‍क परे खित्‍स्‍यीत सिन आबेकी थेला झन दि भन्‍दाङ छ्ये छ्येतेन्‍दे काम तेन्‍ग्‍यो।

यूहन्‍ना 8:26

ख्‍योकोनगी दोक दोक खाबेकी सजाय ङेत्‍क्‍यो सिरच्‍येते बात ङे थोरूमोङ काल्‍बेई सिरा फाप्‍च्‍या ओत। ङाला दुरू तोङकान्‍तेला पूरो खाला भर परे खिता थुप्‍क्‍यो। थेकी जे जे साबा ङे थोकीदुक, थे थेराङ ङा दि सा लुङबे मिओनला सिओ,” सिन सिदुक।