यूहन्‍ना 3:3 - जिरेल

³ थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

यूहन्‍ना 3:3 Iomraidhean Croise

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मत्ती 19:24

दि बात ङेन। छ्युक्‍पुते मिओनला परमेश्‍वर राज्‍यने स्‍यूक्‍पा भन्‍दानी बरू ऊँट जोदाज्‍यीक ओत्‍सीनोङ थेला खापकी मिकनापेकी ज्‍युरा सजिलो ओङोङ,” सिन सिदुक।

मत्ती 21:31

लो था ख्‍योकोन सिते, थेबा ङिबो नाङ खाङगी आबातेकी कोताते ङेन्‍सुङा?” सिन सिरजीन थेबेकी “छ्येतेकीराङ ङेन्‍सुङ,” सिन सिदुक। थेमे थेकी थेबाला “दि बात ङेन। च्‍यि सासीन कर लिन्‍कान्‍ते मिओन थेमे रन्‍डीओन ख्‍योकोन भन्‍दाङ गोमा परमेश्‍वर राज्‍यने स्‍यूक्‍पा ङेत्‍क्‍यो।

मत्ती 5:18

ङा ख्‍योकोनला च्‍यि सिते सासीन दि साताङ नाम नाश गाल्‍ला तोरला डो डोसाकोङ परमेश्‍वर नियमचेन टेक्‍टेस्‍यिकराङ ईन्‍सीनोङ नोमुङ खुदुक मोन्‍डोओ, थेरू साबाच्‍योक गाङे ओङाराङ फाप्‍क्‍यो।

मर्कूस 10:14

चेलातेबेकी थोक खाबाते येशूला लेमु मालाकीन स्‍येदाङ लासुङ। थेमे थेकी थेबाला “फिजाओनला दुरू खुला माङ सिन माङार। थेबाला ङा ओत्‍सादु ओङ छ्युत। दि फिजाओन थेमे होदिबा च्‍योकराङ ङा ङाराङ ईन सिराच्‍योक मिक्‍किकान्‍ते मिओनराङ परमेश्‍वर राज्‍यने स्‍यूक्‍पा ङेत्‍क्‍यो।

मर्कूस 9:47

थोकराङ खाला मिगी तासादु खेराङगी पाप खासुङ सासीन थे मिकराङ थेन्‍ला क्‍युर। थे मिकज्‍यीगी खित्‍सादु नरककुण्‍डमा स्‍यूक्‍पा भन्‍दानी बरू ख्‍योकोन काने गाल्‍ला परमेश्‍वर राज्‍यने स्‍यूला देता काल्‍बेई लेमु ईन।

यूहन्‍ना 1:13

परमेश्‍वर फुज्‍युङ फुमु ओङच्‍येते साबाते ख्‍यावा फेम्‍मे ङ्योम्‍बु ङ्याल्‍गीन केबाते फिजा च्‍योक मेन। परमेश्‍वरगीराङ थेबाला साम्‍बाते जुनी बिन्‍ला थे खोरोङ फुज्‍युङ फुमु जोच्‍येते ईन्‍देकी दिचेन आमे कोखदु ठुङाते फिजा केबा च्‍योक्‍तेङ मेन।

यूहन्‍ना 1:5

थे स्‍वर्गे नाम्‍दाक सिराते दि पापताङ लोभकी खाङाते सा लुङबे मिओन नाङ नाम्‍दाक ओङगीन वादुक। नाम्‍दाकला मुन्‍दाककी ग्‍याला माथुपा च्‍योकराङ खाईन थे स्‍वर्गे नाम्‍दाकलाङ दि सा लुङबे मेलेबाते कामताङ बात छ्याःङ कुरोकीङ ग्‍याला माथुप्‍सुङ।

यूहन्‍ना 1:51

याङराङ येशूकी “दि बात ङेन। च्‍यि सासीन स्‍वर्गे गो फेत्‍कीन सिन्‍दा ओत। था थेनेकी परमेश्‍वर दूतओन परमेश्‍वर ओत्‍सादुई वाबाते मि ङा ओत्‍सामा ओङगीन डुइन खाबाते ख्‍योकोनगी खेराङ मिगीराङ थोङगो,” सिन सिदुक।

यूहन्‍ना 12:40

चुक सासीन “प्रभु परमेश्‍वरगी थेबे मिक छ्याःङ मोथोङच्‍या जोला दुक। थेमे थेबे सेमोङ छ्याःङ छ्या मेस्‍येच्‍या जोकीन बिन्‍ला दुक। थोक ईन्‍देकीराङ थेबा परमेश्‍वरगी खाबाते काम थोङसीनोङ छ्याःङ खोबा मुथुप्‍च्‍या गाल्‍ला दुक थेमे परमेश्‍वर बात थोसीनोङ छ्याःङ छ्या मेस्‍येच्‍या गाल्‍ला दुक,” साकीन “थोगीराङ थेबा ङे छ्य्‌वापा लै मिक्‍किदुक। थोक खाबा ईन्‍सीन ङा थेबाला थेबे पापदुकी टाल्‍ला लेमु खित्‍च्‍या ओतान,” सिन प्रभु परमेश्‍वरगी साबाते बादोङ साबा ओतान।

यूहन्‍ना 3:4

थेरूई निकोदेमसकी “मि चुक खाला याङराङ क्‍या थुप्‍कीतेरो? च्‍यि गान्‍दा गाम्‍मा गाल्‍गीन सिन्‍दे मिङ याङराङ आमाते कोखदु स्‍यूला क्‍या थुप्‍क्‍यो?” सिन सिदुक।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

गलाती 6:15

च्‍यिला सासीन खतकी चिनु जोला फाइदा ओङच्‍येतेताङ थे चिनु माजोला घटी ओङच्‍येते बात छ्याःङ मेत। साम्‍बाते जुनी ङेत्‍कीन थोक्‍ते मिकी खित्‍च्‍येते च्‍योक्‍ते काम खिकाना मिक्‍किका सिरच्‍येते बातकामा छ्येते बात ईन।

एफिसी 2:1

थेमे गोमाबा ख्‍योकोन खिता मेङच्‍येते कामकामा खिन पाप खिन ओतेकी परमेश्‍वर लाईदु स्‍याप छेतराङ गाला ओतान।

तीतस 3:5

ङुरूङला पापकी सजायदुकी टाल्‍सुङ। थेकी थोक खाबाते ङुरूङगी थेकी खि साबा साबाच्‍योक खाबेकी खित्‍सादु मेन। ङुरूङला आउदी खाला ङिङज्‍ये खितेकी खित्‍सादुकामा थेकी थोक खाबाते ईन। थेकी ङुरूङला ठु खाईन चोके खाबाच्‍योक खाईन परमेश्‍वर आत्‍मे छ्य्‌वापेकी लोईन केर च्‍युताच्‍योक खाईन साम्‍बाते जुनी बिन्‍गीन खुदुक जोसुङ।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।

१ यूहन्‍ना 2:29

थेकी मेलेबा कामताङ बात सिराते नोमुङ छ्याःङ खाबा मेत सिन ख्‍योकोनला छ्याराङ ओत। थोगी लेमुते कामताङ बात खित्‍कान्‍ते मिचेन गाङे परमेश्‍वर फुज्‍युङ फुमु ओङाते मि ईन सिनोङ ख्‍योकोनला छ्याराङ ओत।

१ यूहन्‍ना 3:9

परमेश्‍वर फुज्‍युङ फुमु ओङाते मि सुङगीङ पाप खिनराङ मेदेदो। च्‍यिला सासीन परमेश्‍वर थे मि आबा ओङगीन थे मि बानी खुदुक गाला ओत। परमेश्‍वर फुज्‍युङ फुमु ओङेकी थोक्‍ते मिओनगी पाप खिन देताराङ मुथुबो।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

१ यूहन्‍ना 5:18

ङुरूङला दि बात लेमु खाला छ्या ओत। च्‍यि सासीन परमेश्‍वर फुज्‍युङ फुमु ओङाते मि सुङगीङ पाप खिन मेदेदो। परमेश्‍वर फुज्‍युङगी थेबाला रोकालो गोठालो खित्‍च्‍येते ईन्‍देकी मिला मेलेबा खित्‍कान्‍ते शैतानगी थेबाला रिक्‍ला द्वाबोङ मुथुबो।

१ यूहन्‍ना 5:4

च्‍यिला सासीन परमेश्‍वर फुज्‍युङ फुमु ओङाते मिओनगीचेन दि सा लुङबे मिओनगी खित्‍च्‍येते च्‍योक्‍ते मेलेबा काम छ्याःङ मिक्‍किता खाला देता थुप्‍क्‍यो। येशू ख्रीष्‍ट परमेश्‍वर फुज्‍युङ ईन सिन थेला विश्‍वास खालाराङ ङुरूङ थोक खाला देता थुप्‍क्‍यो।

छ्या स्‍ये च्‍युताते बात 3:14

लाओडिसिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन साँचोते बातकामा खित्‍कान्‍ते थेमे परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते आमेन सिराते ङा सिन ओत। परमेश्‍वरगी सा नाम थेमे ओताते जति गाङे ङे छ्य्‌वापेकीराङ जोबाते ईन।