यूहन्‍ना 3:21 - जिरेल

²¹ थोक ईन्‍सीनोङ सत्‍यते बात ङेन्‍ला लेमु काम खित्‍कान्‍ते मिचेन नाम्‍दाकला थेन्‍दाला छ्याःङ ज्‍यीबा मिक्‍किओ। नाम्‍दाकला थेन्‍गीन थेकी खाबाते काम थोङला थे मिकीचेन परमेश्‍वरगी खि साबाते काम खाबाते ईन सिन ज्‍येनगी लेमु खाला छ्या स्‍येक्‍यो,” सिन सासुङ।

यूहन्‍ना 3:21 Iomraidhean Croise

यूहन्‍ना 1:47

नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

यूहन्‍ना 3:20

मेलेबा काम खित्‍कान्‍ते मि सुङलाङ नाम्‍दाक मनराङ परे मिक्‍किओ। नाम्‍दाकला थेन्‍सीन खोपरोङ मेलेबाते काम ज्‍येनगी छ्या स्‍येकीता सिन ज्‍यीबेकी थोक्‍ते मिलाचेन नाम्‍दाक गाराङ मालाङो।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

यूहन्‍ना 7:17

परमेश्‍वरगी खि साबाते ङेन्‍दा छोल्‍कान्‍ते मिकीकामा ङे लोप्‍च्‍येते बात ङाराङगी जोला लोप्‍च्‍येते ईन्‍दाना परमेश्‍वरगीराङ लोप च्‍युताते ईन्‍दे सिन लेमु खाला छ्या स्‍येक्‍यो।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

गलाती 6:8

होदोकराङ खाला दाक्‍पोन खुशीला ख्‍याम्‍गीनराङ देत्‍कान्‍ते मिचेन थोक खाबेकी खित्‍सादु ङ्येला स्‍यिला नरककुण्‍डमा डुइओ। परमेश्‍वर आत्‍मेकी खित ज्‍युता च्‍योकराङ खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

एफिसी 5:9

चुक सासीन नाम्‍दाकला देत्‍कान्‍ते मिकीचेन लेमुते कामताङ बात खिओ, परमेश्‍वरगी खि साबा साबाच्‍योक खिओ थेमे साँचोते बातकामा खिओ।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 2:13

परमेश्‍वरगीराङ खेराङ नाङ काम खित्‍च्‍येते ईन्‍देकी ख्‍योकोनला थेला मन परे खित्‍च्‍येते काम खिता सेम लाङगो। थेमे थेकीराङ ख्‍योकोनला थोक्‍ते काम खिताला शक्तिङ तेरग्‍यो। ख्‍योकोन थे खोरोङगी ज्‍वा चालाच्‍योक लेमु मि ओङस्‍यीत सिन थेकी होदोक खाला ख्‍योकोन नाङ काम खिओ।

कलस्‍सी 1:29

मिओन थोक खाला देता थुप्‍स्‍यीत सिनराङ ङा दुक्‍पा खाला खाला दि बाततेबा ज्‍येनला लोप्‍क्‍यो। ङाराङगी थुपासम्‍म स्‍याप स्‍याप खाईन काम खासीनोङ ङाला थोक खिताला छ्येज्‍यीक शक्ति तेरकान्‍तेचेन ख्रीष्‍टराङ ईन।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ यूहन्‍ना 1:6

थोक ईन्‍देकी ङुरूङ परमेश्‍वरताङ ङ्योम्‍बुराङ डिक्‍ला देत्‍कान्‍ते मि ईन सालाङ मेलेबा कामराङ खिन देत्‍सीन ङुरूङगी ढाँर खाबाते ईन, सत्‍यते परमेश्‍वरगी खि साबाच्‍योक खाबाते मेन।

३ यूहन्‍ना 1:11

ङिङज्‍येते र्‍वा खुईचेन ज्‍येनगी मेलेबा बानी मालोप, लेमुते बानीकामा लोप। लेमुते कामताङ बात खित्‍कान्‍ते मिचेन परमेश्‍वरताङ डिक्‍कान्‍ते ईन। मेलेबा काम खित्‍कान्‍ते मिकीनी परमेश्‍वरला थोङाराङ मेत।

छ्या स्‍ये च्‍युताते बात 3:15

ख्‍योकोनगी च्‍यि च्‍यि खिन ओते सिन गाङे ङाला छ्या ओत। ख्‍योकोन ना ठङगे मिन्‍दुक ना ठोम्‍मु मिन्‍दुक। दोक ओङासोक बरू ख्‍योकोन कि ठङगे कि ठोम्‍मु ओता ईन्‍सीन लेमु ओङच्‍या ओतान।