यूहन्‍ना 3:14 - जिरेल

¹⁴ थाङबो मोशेकी ठाःकताङ बालुवा बाई छ्याःङ मेत्‍साला ओत्‍जीन पित्तल रूल जोकीन ज्‍वाला काला च्‍योकराङ खाला परमेश्‍वर ओत्‍सादुई वाबाते मि ङाला था स्‍यिङगी थामला टाँए खिओ।

यूहन्‍ना 3:14 Iomraidhean Croise

मत्ती 26:54

ङे थोक खासीन च्‍यि ङाला दोक दोकराङ ओङा फाप्‍क्‍यो सिन परमेश्‍वर बातला टिबाते बात साबा च्‍योकराङ ओङगोतरो?” सिन सिदुक।

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

लूका 24:20

तर छ्ये छ्ये पूजारीताङ ज्‍येनोङ छ्ये छ्ये मिकीचेन थेला सेता फाप्‍क्‍यो सिन स्‍यिङगी थामला टाँए खाईन सेत च्‍युत्‍सुङ।

यूहन्‍ना 18:32

थेबेकी थोक सानामेई येशूकी थे खोरोङ चुक खाला स्‍या फाप्‍कीते सिन गोमाका साबाते बात साबा च्‍योकराङ ओङसुङ।

यूहन्‍ना 6:51

स्‍वर्गनेकी वाबाते नोमुङ मिसिन्‍च्‍येते जुनी ङेत्‍च्‍येते सापचेन ङाराङ ईन। दि साप साकान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। दि सापचेन ङे जीउराङ ईन। दि सा लुङबे मिओनगी नोमुङ मिसिन्‍च्‍येते जुनी ङेत्‍स्‍यीत सिन ङा ङाराङ ज्‍यान बिन्‍ला स्‍यिइओ” सिन सिदुक।

यूहन्‍ना 8:28

थेमे थेकी याङराङ “ख्‍योकोनगी परमेश्‍वर ओत्‍सादुई वाबाते मि ङाला स्‍यिङगी थामला टाँए खानामेकी ङा सु ईन्‍दाका थेमे ङे ङाराङ खुशीकी छ्याःङ मिक्‍किच्‍याक्‍वा बरू आबेकी ङाला लापाते बातकामा खाबाते दुका सिन लेमु खाला छ्या स्‍येक्‍यो।

शक्ति काम 2:23

थोक ईन्‍सीनोङ ख्‍योकोनगीचेन थेला पापीओन लाःक्‍तु सोम्‍पे खाईन लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेत च्‍युत्‍सुङ। ईन्‍दानी थेकी थोक खाला स्‍या फाप्‍क्‍यो सिन परमेश्‍वरगी गोमाका साबा ओतान।