यूहन्‍ना 3:11 - जिरेल

¹¹ ङा खोल्‍ला दि बात सिओ। च्‍यि सासीन ङ्योकोन खालि ङेराङला छ्या ओतातेताङ ङेराङ मिगी थोङाते बातकामा ज्‍येनला लाःप्‍क्‍यो। थोक ईन्‍सीनोङ ख्‍योकोन सुङगीङ ङ्योकोन बात पत्तेराङ मिक्‍किदुक।

यूहन्‍ना 3:11 Iomraidhean Croise

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 23:37

थेमे यरूशलेम मिओन लाईदु ङे चुक दुक्‍पा लाङच्‍ये बात खिता फाप्‍कीका। ख्‍योकोनला लेमु खिताला ताङाते परमेश्‍वर बात खित्‍कान्‍ते मिओनला ख्‍योकोनगी सेत्‍कीदुक। परमेश्‍वरगी ताङाते ज्‍येन ज्‍येन मिलाङ ख्‍योकोनगी दोई ग्‍याप्‍ला सेत्‍कीदुक। थेमे दुरू वाकीन ङेङ ख्‍योकोनला छ्योमुकी छ्यिर्बुकला स्‍योक्‍पे चावादु उप्‍ला ज्‍य्‌वाबा च्‍योकराङ खाईन पालोताङ पालो लेमु खिता चालाप। ईन्‍सीनोङ ख्‍योकोनगी माङेन्‍देईराङ ङे ख्‍योकोनला छ्याःङ खिता माथुप्‍सुङ।

लूका 10:22

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो,” सिन सिदुक।

यूहन्‍ना 1:11

दाक्‍पोन लुङबाताङ मि नाङ देताला ओङजीन दाक्‍पोन मिओनगीराङ दिङ सु ईन्‍देरो सिराच्‍योक खाईन थेला वास्‍ता माक्‍यासुङ।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 12:49

च्‍यिला सासीन ङे खाबाते बाततेबा ङाराङगी जोकीन खाबाते मेन। ङेनी ङाराङला दुरू तोङकान्‍ते आबेकी कोता कोताते बातकामा खाबाते ईन।

यूहन्‍ना 14:24

ङाला ङिङज्‍ये मिक्‍किकान्‍ते मिकीचेन ङे लापाते बात मेङेनो। ङे ख्‍योकोनला लापाते बाततेबा ङाराङगी जोकीन लापाते मेन। दि बातओननी ङाला दुरू तोङकान्‍ते आबेकी सिर च्‍युतातेका ईन।

यूहन्‍ना 3:12

ङे खेराङगी छ्या स्‍येबाते दुरू बात खित्‍जीननी ख्‍योकोनगी मोखोदुक सासीन स्‍वर्गने च्‍यि ओङगीते, चुक ओङगीते सिन लाःप्‍सीन ख्‍योकोनगी ङे बात झन पत्तेराङ मिक्‍किओ।

यूहन्‍ना 3:13

परमेश्‍वर ओत्‍सादुई वाबाते मि ङा बाई थातासाक स्‍वर्गने ज्‍येन मि सुङ ख्‍योलाङ मेत, थेनेकी देमा वाबाङ मेत।

यूहन्‍ना 3:3

थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

यूहन्‍ना 3:5

थेमे येशूकी “दि बात ङेन। छ्युला स्‍यूला बप्‍तिस्‍मा लाला लोईन केबाच्‍योक मायाङथुप थेमे परमेश्‍वर आत्‍मे छ्य्‌वापेई लोईन केबाच्‍योक मायाङथुपनी मि सुङ परमेश्‍वर राज्‍यने स्‍यूक्‍पाराङ मुथुबो।

यूहन्‍ना 5:43

आबेकी ताङेकी ङा दुरू वाबाते ईन। ईन्‍सीनोङ ख्‍योकोन ङाला छ्याःङ वास्‍ता मिक्‍किदुक। सुइँदा खोपरोङ खुशीकी ङा ङाराङ ईन सिन वासीनचेन ख्‍योकोन थेला आउदी खाला मान खिदुक।

यूहन्‍ना 7:16

थेबे बात थोकीन थेकी “ङे लोप्‍च्‍येते बात ङाराङगी जोकीन खाबाते मेन। दि बाततेबानी ङाला दुरू तोङकान्‍तेकीराङ खित च्‍युताते ईन।

यूहन्‍ना 8:14

थोक सिरजीन थेकी “ङा ङाराङगी ङाराङ बात खासीनोङ खालि ईन्‍दाते बातकामा खिओ। च्‍यिला सासीन ङा ङाराङ खापेकी वाबाते ईन्‍दे थेमे था तिरी खापा डुइते सिन ङाला लेमु खाला छ्या ओत। ख्‍योकोनलाचेन ङा खापेकी वाबाते ईन्‍दे थेमे खापा डुइते सिन छ्याःङ छ्या मेत।

यूहन्‍ना 8:26

ख्‍योकोनगी दोक दोक खाबेकी सजाय ङेत्‍क्‍यो सिरच्‍येते बात ङे थोरूमोङ काल्‍बेई सिरा फाप्‍च्‍या ओत। ङाला दुरू तोङकान्‍तेला पूरो खाला भर परे खिता थुप्‍क्‍यो। थेकी जे जे साबा ङे थोकीदुक, थे थेराङ ङा दि सा लुङबे मिओनला सिओ,” सिन सिदुक।

यूहन्‍ना 8:38

ङाचेन आबाताङ देता ओते बेलाला ङाराङगी थोङाते बात ख्‍योकोनला लाःप्‍क्‍यो। ख्‍योकोनचेन खेराङ आबेकी जे साबा थोकीदुक थे थेराङ खिदुक,” सिन सिदुक।

शक्ति काम 22:18

प्रभु येशूकी ङाराङताङ बात खिन ओता ङे थोङसुङ। थेकी ङाला ‘खो दुरू मादेत। येशूराङ परमेश्‍वरगी तोङगो साबाते ख्रीष्‍ट ईन सिन खुई थोङातेताङ थोबाते ङे बात खित्‍जीन दुरू मिओनगी खुई बात ईनराङ मेन सिन ङेनराङ मेङेनो। थोगी खो दुरू अलमल मिक्‍किता खाला ज्‍येननापा ग्‍युक,’ सिन सिदुक।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

छ्या स्‍ये च्‍युताते बात 3:14

लाओडिसिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन साँचोते बातकामा खित्‍कान्‍ते थेमे परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते आमेन सिराते ङा सिन ओत। परमेश्‍वरगी सा नाम थेमे ओताते जति गाङे ङे छ्य्‌वापेकीराङ जोबाते ईन।