यूहन्‍ना 3:10 - जिरेल

¹⁰ थोक सिरजीन येशूकी “खो इस्राएलीओनला परमेश्‍वर बात लोप्‍कान्‍ते मि ईन्‍सीनोङ दि बात मोखोदुक?

यूहन्‍ना 3:10 Iomraidhean Croise

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

मत्ती 15:14

दोक ईन्‍देकी थेबा जेसुकै खित्‍स्‍यीत। खेराङ खाराक्‍पा देत। थेबेकी खोपरोङला परमेश्‍वर नियम छ्या मेस्‍येकान अन्‍ध च्‍योक्‍ते मिओनला थे नियम लोप्‍कान्‍ते मि ईन खिदुक। ईन्‍दालाचेन थेबा खोपरोङका होथोक्‍ते अन्‍ध च्‍योक्‍ते ईन। च्‍यि अन्‍धेकी ज्‍येनज्‍यीक अन्‍धला खइँसाला टीला खेरा चाल्‍सीन ङिकाराङ गाराम गुरूम मिरिलोतरो?” सिन सिदुक।

मत्ती 22:29

थेबेकी थोक सिरजीन येशूकी “ख्‍योकोनगी मि स्‍यिनामेई तिरी सोम्‍बो मोलोगो सिन सिओ। दि बात ईनराङ मेन। परमेश्‍वर बात पढे खित्‍जीन थेरू च्‍यि साबाते ईन्‍दे सिन ख्‍योकोनगी खोबा ईन्‍सीन थेमे परमेश्‍वरताङ जेङ खिता थुप्‍च्‍येते शक्ति ओत सिन छ्या स्‍येबा ओता ईन्‍सीन मि तिरी सोम्‍बो मोलोगो सिन सिरच्‍या मेतान।

लूका 2:46

थेमे छोल्‍गीन छोल्‍गीन डोजीन ङीमा सुमगी छोमु थेबेकी येशूला परमेश्‍वर मन्‍दिरदु थेप्‍सुङ। थेरू थे यहूदी धर्मे गुरूओनताङ देता ओतान। थेबेकी लोप्‍कीन ओताते बात ङेन्‍गीन थेमे थेबालाङ बात ठिइनकामा येशू थेरू देता ओतान।

लूका 5:17

थेमे ङीमाई येशू ठाउँज्‍यीक्‍तु मिओनला लोप्‍कीन ओतान। थेरू बात ङेन्‍कान्‍तेबे नाङ गालीलताङ यहूदिये अञ्‍चल गाङेपेकी थेमे यरूशलेम सारदुकी वाबाते फरिसी पाटी मिओनताङ धर्मे गुरूओनोङ ओतान। प्रभु परमेश्‍वरगी येशूला नाबाते मिओनला ठाक्‍पा खित्‍च्‍येते शक्ति बिन्‍दा ओतान।

यूहन्‍ना 3:9

थेमे निकोदेमसकी “दिनी अचम्‍बे बातराङ ओङसुङ। दोक चुक खाला ओङगीते?” सिन ठिसुङ।

शक्ति काम 5:34

तर थे छ्ये छ्ये मि नाङ गमलिएल सिराज्‍यीक धर्मे गुरूङ ओतान। थेचेन फरिसी पाटी मि ओतान। यरूशलेम मि गाङेकी थेला आउदी मान खिन ओतान। थेमे थेकी देत्‍सादुई लाकीन येशू ख्रीष्‍टकी खटे खाबाते मिओनला “ख्‍योकोन रकस्‍यिक फिनामा ग्‍युक,” सिन फिनामा ताङसुङ।

रोमी 2:28

बात दोक ईन्‍देकी यहूदी ओङला केजीनमेईराङ थेमे जीउला खतकी चिनु जोजीनमेईराङ सुङगीङ ङ्योकोन परमेश्‍वरगी छाने खाबाते मि ईन सिन सिरा मुथुबो।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

कलस्‍सी 2:11

ख्रीष्‍टताङ जीउज्‍यीकराङ ओङगीन ख्‍योकोन खतकी चिनु जोबाते मि ओङा ओत। दोक साबाते ख्‍योकोनला सुइँदेकी जीउला खतकी चिनु जोकीन बिन्‍दाते मेन, बरू ख्रीष्‍टकी खेराङ मेलेबा सेम खुदुक जोबा ओतेकी था ख्‍योकोन खुदुक मि ओङा ओत साबाते ईन।