यूहन्‍ना 21:7 - जिरेल

⁷ थेमे येशूते ङिङज्‍येते चेलेकी पत्रुसला “थेनी प्रभु येशूराङ ईन,” सिन सिदुक। “थेनी प्रभु येशूराङ ईन,” सिरा थोबासात्तु पत्रुसकी टोल्‍गीन ज्‍याक्‍पाते लाक्‍तु खोन्‍च्‍येते खोलाक खोन्‍सुङ। थेमे थे डुङ्गादुई छ्युनामाराङ फिरगीन येशू ओत्‍सापाला गाल्‍सुङ।

यूहन्‍ना 21:7 Iomraidhean Croise

मर्कूस 11:3

थे तोङजीन सुइँदेकी ख्‍योकोनला ‘च्‍यिला तोङगीते?’ सिन सासीन ‘प्रभु येशूला गोसुङलो, था होत्ता खुलाङगो,’ सिन सि,” साकीन थेरूकी गोमा गोमा ताङसुङ।

लूका 12:35

थेमे ख्‍योकोनचेन जुन बेलालाङ काम खिताला ठीक ओङगीन देताते मि च्‍योक ओङला देत। नुप्‍ला सुइँदा मि ओङकान ओत्‍सीन बत्ती पारगीन गुकीन देताच्‍योक खाला ख्‍योकोन गुला देत।

लूका 2:11

च्‍यि सासीन ख्‍योकोनला पापताङ दुक्‍पादुकी डेल्‍कान्‍तेचेन थाङबो दाऊद गेल्‍बो केबाते बेथलेहेमदु थरिङ ग्‍वाका केबा ओत। परमेश्‍वरगी तोङगो साबाते ख्रीष्‍ट थेराङ ईन, छ्येतेङ थेराङ ईन।

लूका 7:47

थोगी खोल्‍ला ङा दि बात सिओ। च्‍यि सासीन दिकी काल्‍बेई पाप खाबा ओत्‍सीनोङ थे गाङे माफ ओङा ओत। थे गुन थोङगीनराङ दिकी ङाला दोक आउदी खाईन मान खाबाते ईन। पाप काल्‍बा माक्‍याबाते मिला थे पाप माफ बिन्‍सीन माफ तेरकान्‍तेला थेकी थोक काल्‍बा मान मिक्‍किओ,” सिन सिदुक।

यूहन्‍ना 13:23

थे खोरोङ चेलातेबे नाङ थेते ङिङज्‍येते चेला येशू ठाङनापाला ङेकीन देता ओतान।

यूहन्‍ना 19:26

थेमे येशूकी आमातेताङ थे खोरोङते ङिङज्‍येते चेलातेला थेरू थोङगीन आमातेला “आमा, था होथेराङ खोरोङ फुज्‍युङ ईन,” सिन सिदुक।

यूहन्‍ना 20:2

थोक थोङनामेकी थेकी छ्य्‌वाकीन गाल्‍गीन शिमोन पत्रुसताङ येशूते ङिङज्‍येते चेला ओत्‍सादु लेप्‍कीन “थेबेकी फुकदुकी प्रभु येशू रो थेन्‍गीन खेरदुक। थे खापा ज्‍याक खापा, ङ्योकोनगी छ्याःङ छ्या मास्‍येसुङ,” सिन लाःप्‍सुङ।

यूहन्‍ना 20:20

थोक साकीन च्‍याकीन थेकी लाक्‍पाला काँटी ग्‍यापाते मे डामताङ कोखादु मे डाम थेबाला तेन्‍सुङ। थोक खाला प्रभु येशूला याङराङ थोङा ङेत्‍जीन थेबाबरी आउदी खाईन गा खासुङ।

यूहन्‍ना 20:28

थेमे थोमेकी “प्रभु, खोराङ ङे मालिक ईन, खो ङे परमेश्‍वर ईन,” सिन सिदुक।

यूहन्‍ना 21:20

थेमे ख्‍युर ग्‍युरला ताजीन येशूते ङिङज्‍येते चेलाङ थेबे तिरी तिरी ओङगीन ओता पत्रुसकी थोङसुङ। येशूला पक्रे खिते छोमु ग्‍वासे साप सा बेलाला येशू ठाङनापाला ङेला “प्रभु खोल्‍ला धोका तेरकान्‍ते मि खाङ ईन्‍दे सिना,” सिन ठिकान्‍ते चेला होदिराङ ओतान।

यूहन्‍ना 21:24

थे खोरोङ मिगीराङ थोङाते होदि गाङे बात होथे चेलेकीराङ टिबाते ईन। थेकी थोङगीन टिबाते दि बात गाङे साँचोते ईन सिन ङुरूङगी छ्या स्‍येक्‍यो।

यूहन्‍ना 21:8

थेमे ज्‍येन चेलातेबाचेन ङ्या खाङाते जाल ठुत्‍कीन ठुत्‍कीन समुन्‍द्रे छेउनापा थेन्‍सुङ। थेबा समुन्‍द्रे छेउदुकी सय गजजो छुरकामा ओतान।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

१ कोरिन्‍थी 15:47

परमेश्‍वरगी गाङे भन्‍दा गोमा जोबाते मि आदमचेन से सबीदुकी जोबाते ईन। तर तिरी आदम सिन साबाते ख्रीष्‍टचेन स्‍वर्गनेकी वाबाते ईन।

२ कोरिन्‍थी 5:14

ङ्योकोनगी थरिङोला जे खिदुक थे खालि ख्रीष्‍टकी ङेराङला ङिङज्‍ये खाबेकी खित्‍सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्‍ट स्‍याप्‍ते ईन्‍देकी मि गाङे थेत्ताङराङ स्‍याप्‍ते च्‍योक ओङा ओत सिन ङ्योकोनगी लेमु खाईन छ्या स्‍येबा ओत।

याकूब 2:1

आज्‍यो न्‍वावे, ख्‍योकोनचेन छ्येज्‍यीक शक्ति ओताते प्रभु येशू ख्रीष्‍टला विश्‍वास खित्‍कान्‍ते मि ईन। थोगी ख्‍योकोनगी मि छ्येत ताला काका पाका खिता मेङगो।