यूहन्‍ना 21:5 - जिरेल

⁵ थेमे थेकी थेबाला “ए होइबावे, ख्‍योकोनगी छ्याःङ माथेप्‍सुङ?” सिन सिरजीन थेबेकी “अहँ, दोक्‍पोईओङ माथेप्‍सुङ,” सिन सिदुक।

यूहन्‍ना 21:5 Iomraidhean Croise

मत्ती 14:15

थोक थोक खित्‍केलाराङ नामोङ स्‍योबा खाबा ओतान। थेमे चेलातेबेकी दोन्‍दु वाकीन “गुरू, था नाम स्‍योबा खासुङ। दि छ्याःङ मेङेत्‍च्‍येते ठाउँ ईन। थोगी दिबाला खइँसाला युल युलला गाल्‍ला साप थुङा ङ्योला सो सिन थोङ,” सिन सिदुक।

मर्कूस 8:7

चेलातेबाताङ ठमीतेन्‍दे ङ्याङ ङिचो सुमजो ओतान। थेमे थेकी थे ङ्ये लाईदुङ परमेश्‍वरला धन्‍यवाद बिन्‍नामेई स्‍योबेन च्‍योकराङ खाईन मिओनला गोला बिन सिन चेलातेबाला बिन्‍सुङ।

फिलिप्‍पी 4:19

ङे माने खिन ओताते परमेश्‍वरताङ ङुरूङगी विचारराङ खिता मुथुप्‍च्‍या जेसुकै ओत। थेकीराङ ख्‍योकोनला गोच्‍येते जति येशू ख्रीष्‍ट छ्य्‌वापेकी पूरो खाला तेरग्‍यो।

हिब्रू 13:5

थेमे ख्‍योकोनगी पैसे लोभ माकेत। खेराङताङ जति दुक थेलाराङ सन्‍तो खाला देत। च्‍यिला सासीन परमेश्‍वरगी “ङा ख्‍योकोनला सधैँ लेमु खाला तेइओ। नोमुङ ङा ख्‍योकोनला ताङला मोन्‍डोओ,” सिन साबा ओत।

१ यूहन्‍ना 2:13

छ्येवे, दि सा नाम ज्‍वा भन्‍दा गोमामेईराङ ओताते ख्रीष्‍टला ख्‍योकोनगी छ्या स्‍येबा ओतेकी ङा ख्‍योकोनला दि बात टिगीन ओत। स्‍याराते मिवे, ख्‍योकोनगी खेराङला मेलेबा खित्‍कान्‍ते शैतानला ग्‍याल्‍गीन सिन्‍दा ओतेकी ङा ख्‍योकोनला दि बात टिगीन ओत। फिजावे, ख्‍योकोनगी आबा परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओतेकी ङे ख्‍योकोनला दि बात टिबाते ईन।

१ यूहन्‍ना 2:18

फिजावे, दि जुग सिन्‍दे बेला लेप्‍सुङ। दि जुग सिन्‍दे खाला ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थरिङोला थोक्‍ते मि काल्‍बेई थेन्‍गीन सिन्‍दा ओत। थोगी ङुरूङगी दि जुग सिन्‍दे बेला लेपाक्‍वा सिन लेमु खाला छ्या स्‍येक्‍यो।