यूहन्‍ना 20:1 - जिरेल

¹ थेमे आदेरी छोमु साला नाम्‍दाक माफोक्‍पालाराङ मरियम मग्‍दलिनी येशू रो ज्‍याक्‍पाते फुकनापा गाल्‍सुङ। थेपा लेप्‍नामेकी थेकी थेरू फुगी गोदु ज्‍याक्‍पाते दो थेरूकी थेन्‍दा ओता थोङसुङ।

यूहन्‍ना 20:1 Iomraidhean Croise

मत्ती 27:56

थेबे नाङ मरियम मग्‍दलिनी, याकूबताङ योसे आमा मरियम थेमे जब्‍दी फुज्‍युङबा ङिबो आमाङ ओतान।

मत्ती 27:60

फुकदु खेरगीन ज्‍याक्‍सुङ। थे फुकचेन यूसुफ थे खोरोङ स्‍यिनामेई ज्‍य्‌वाबाला सिन ठाःक ठुकीन जोबा ओतान। थे नाङ गोमा सुङगीङ रो ज्‍याक्‍पा मेतान। येशू रो ज्‍याक्‍नामेई थेकी जोदाज्‍यीक दो रिल्‍गीन थे फुगी गो टाले खाईन ज्‍यागीन च्‍याकीन गाल्‍सुङ।

मत्ती 27:64

थोगी ङीमा सुमसाक थे रो ज्‍याक्‍सादु लेमु खाला स्‍युङाला मिल्‍टेरीओन स्‍योक। थोक माक्‍यासीन थे चेलातेबेकी थे रो थेन्‍ला खेरला थेबेकी ‘येशू स्‍यिसादुकी सोम्‍बो लोक्‍तुक,’ सिन मिओनला साओङ। दोक ओङसुङलो सिन थोसीन मिओनला गोमा भन्‍दाङ झन मेलेबा खाला छक्‍के खाओङ,” सिन सिदुक।

मत्ती 27:66

थोगी थेबेकी मिल्‍टेरीओन खेरगीन फुगी गोनापा ज्‍याक्‍पाते दो सुइँदेकी थेन्‍सीन थाहा छ्येत्‍स्‍यीत सिन थेरू छाप ग्‍याप्‍कीन च्‍याकीन थेबाला स्‍युङ च्‍युत्‍कीन ज्‍याक्‍सुङ।

मत्ती 28:1

सन्‍चारी छोमु काम खिता मेङच्‍येते बेला सिन्‍दा ओतान। थेमे आदेरी छोमु ङोमु ठोलाराङ मरियम मग्‍दलिनीताङ ज्‍येनते मरियम येशू रो ज्‍याक्‍सापा तार गाल्‍सुङ।

मत्ती 28:2

थेमे थेरू चुक ओङसुङा सासीन स्‍वर्गनेकी प्रभु परमेश्‍वर दूतज्‍यीक लिच्‍युङ। वाकीन थेकी थे फुगी गोनापा ज्‍याक्‍पाते दो थेरूई पल्‍टे खाईन च्‍याकीन थे लाक्‍तु देत्‍सुङ। थे थोक खाला ओङजीन थेरू ज्‍यीबा लाङच्‍याई सेदेर्मु गाला ओतान।

मर्कूस 15:46

थेमे यूसुफकी गाल्‍गीन कार्मुते खोलाक ङ्योसुङ। थेमे येशू रो स्‍यिङगी थामदुकी थेन्‍गीन थे खोलाककी ठील्‍गीन फुकज्‍यीक्‍तु खेरगीन ज्‍याक्‍सुङ। थे फुक स्‍याप्‍ते मि ज्‍य्‌वाबाला ठाःक ठुकीन जोबा ओतान। येशू रो ज्‍याक्‍नामेई थेकी जोदाज्‍यीक दो रिल्‍गीन थे फुगी गो टाले खाईन ज्‍याक्‍सुङ।

मर्कूस 16:9

येशू आदेरी छोमु ङोमुका सोम्‍बो लोक्‍पा ओतान। सोम्‍बो लोक्‍नामेई गाङे भन्‍दा गोमा थेकी मरियम मग्‍दलिनीला ठेता खासुङ। थेकी गोमा थे फेम्‍मे मिदुकी ल्‍हन्‍डीक दुईन तेन्‍गीन ताङा ओतान।

यूहन्‍ना 11:38

येशूला याङराङ खपेराङ खिता मुथुप्‍च्‍या आउदी मेलेबा लासुङ। थेमे थे लाजरस रो ज्‍याक्‍पाते फुकनापा लेप्‍सुङ। थे फुकचेन रो ज्‍य्‌वाबाला ठाःक ठुकीन जोबा ओतान। थेमे थे फुगी गोनापा दोज्‍यीक क्‍योरगीन ज्‍याक्‍पा ओतान।

यूहन्‍ना 11:41

थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

यूहन्‍ना 19:25

थेरू येशू आमा, येशू आमे नुमु, क्‍लोपास फेम्‍मे मरियम थेमे मरियम मग्‍दलिनीबाचेन थेला टाँए खाबाते स्‍यिङगी थामगी खादुराङ देता ओतान।

यूहन्‍ना 20:26

थेमे हप्‍ताई तिरी येशू चेलाओन लोईन खाम्‍बादु ङ्योम्‍बुराङ ओतान। दि पालोलाचेन थेबाताङ थोमाङ ओतान। गोई लास्‍यिङ ग्‍यापा ओत्‍सीनोङ थे छोमुङ चेलातेबा ओत्‍सादु येशू ख्‍योल्‍सुङ। थेमे थेबाला “ख्‍योकोनला लेमु ओङस्‍यीत,” सिन सिदुक।

शक्ति काम 20:7

थेमे आदेरी छोमु ङ्योकोन गाङेराङ थेरू येशूला विश्‍वास खित्‍कान्‍ते मिओनताङ प्रभु भोज साप्‍ला खाम्‍बाज्‍यीक्‍तु जम्‍मा ओङा ओतान। थेमे पावलगी गाङेताङ बात खिताला स्‍यूसुङ। ङारो च्‍योक्‍तेराङ थे खोरोङ थेरूकी डोच्‍येते ईन्‍देकी नुप फेतसाकोङ थेकी बात खाईन सिन्‍दा मेतान।

१ कोरिन्‍थी 16:2

चुक सासीन हप्‍ताई पिच्‍छे आदेरी छोमु छोमु ख्‍योकोन गाङेकी दाक्‍पोन दाक्‍पोन कमाइ ताला खेराङगी तेरा थुप्‍च्‍या थुप्‍च्‍याज्‍यीक पैसा थेबे लाईदु टाल्‍ला ठाउँज्‍यीक्‍तु जम्‍मा खाला स्‍योक। थोक खाईन जम्‍मा खाईन ज्‍याक्‍सीन ङा थेपा वानामेकी थे पैसा दुत्‍च्‍येते काम खिता माफाबो।

छ्या स्‍ये च्‍युताते बात 1:10

थेमे थेरू ङीमाई आदेरी छोमु च्‍यि ओङसुङा सासीन परमेश्‍वर आत्‍मेकी ङाला जुम्‍सुङ। थेमे ङे ङाराङ ल्‍हाकनापा सुइँदेकी ङाराङताङ बात खिन ओताते थोसुङ। थे ङोरो आउदी कस्‍स्‍ये खाईन फुबाते बिकुल ङोरो च्‍योक ओतान।