यूहन्‍ना 2:23 - जिरेल

²³ निस्‍तार चाडगी बेलाला यरूशलेमदु ओत्‍जीन येशूकी अचम्‍बतेन्‍दे काम खाबा थोङगीन परमेश्‍वरगी थेला शक्ति बिन्‍दा ओताक्‍वा सिन मि काल्‍बेईकी थेला विश्‍वास खासुङ।

यूहन्‍ना 2:23 Iomraidhean Croise

लूका 8:13

थेमे कोई कोईकी परमेश्‍वर बात थोबासात्तु आउदी गा खिन ङेन्‍ग्‍यो। ईन्‍सीनोङ थे बात लेमु खाला सेमगी नाङ मोज्‍योओ। थोगी परमेश्‍वर बात ङेन्‍देकी खित्‍सादु तिरी खइँदा दुक्‍पा ङेत्‍जीन थेबेकी थे बात ङेन्‍दा दाक तोङगो। टिक्‍पी टिक्‍पीकामा सबी थेमे दो काल्‍बेई ओत्‍साला फापाते सोन साबातेचेन होथोक्‍ते मिओनला साबाते ईन।

यूहन्‍ना 11:45

मरियम खाम्‍बादु वाबाते काल्‍बा च्‍योक्‍ते यहूदीओनगी येशूकी खाबाते दि काम थोङगीन थेला विश्‍वास खासुङ।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 2:13

यहूदीओनते निस्‍तार चाड लेपा खाबा ओतान। थेमे थे बेलाला येशूबाङ यरूशलेमने गाल्‍सुङ।

यूहन्‍ना 3:2

ङीमाई ग्‍वाका येशू ओत्‍सादु वाकीन थेकी “गुरू, खो पक्‍काराङ परमेश्‍वर बात लोपाला परमेश्‍वरगी ताङाते मि ईन सिन ङ्योकोनला छ्या ओत। च्‍यिला सासीन परमेश्‍वर ङ्योम्‍बु मेत्‍सीन सुङगीङ खुई खाबा च्‍योक्‍ते दोक्‍ते अचम्‍बते काम खिताराङ मुथुबो,” सिन सिदुक।

यूहन्‍ना 4:45

ईन्‍सीनोङ गालीलदु लेप्‍नामेकी थेरू मिओनगी थेला आउदी लेमु खासुङ। च्‍यिला सासीन निस्‍तार चाडगी बेलाला थेबा यरूशलेमदु ओत्‍जीन थेकी खाबाते गाङे काम थेबेकीङ खोपरोङ मिगीराङ थोङा ओतान।

यूहन्‍ना 5:36

थेकी ङा सु ईन्‍दे, चुक्‍ते ईन्‍दे सिन ख्‍योकोनला साबा ओतान। ङा सु ईन्‍दे सिन थेकी साबाते भन्‍दाङ था ज्‍येन छ्येज्‍यीक बात ङात्ताङ ओत। थेचेन आबेकी ङाला खि साबाते थरिङोला ङे खिन ओताते कामओनराङ ईन। दि कामतेबा तालाङ ङाला आबेकीराङ ताङाते ईन सिन लेमु खाला छ्या स्‍येबा थुप्‍क्‍यो।

यूहन्‍ना 6:14

येशूकी खाबाते दि अचम्‍बते काम थोङगीन थे मिओनगी “दिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

यूहन्‍ना 6:2

थे थेपा ड्वा थोङगीन मि काल्‍बेई थे तिङ ङ्याकीन गाल्‍सुङ। च्‍यिला सासीन थेबेकी येशूकी नाबाते मिओनला ठाक्‍पा खाबाते अचम्‍ब अचम्‍बतेन्‍दे काम थोङा ओतान।

यूहन्‍ना 7:31

कोईकी थोक खासीनोङ थेरू ओताते मि काल्‍बेईकी येशूला विश्‍वास खासुङ। थेबेकी “च्‍यि था ख्रीष्‍ट वानामेई थेकी दि मिकी खाबाते भन्‍दा छ्ये छ्ये अचम्‍बते काम खाओङरो?” सिन बात खासुङ।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

१ यूहन्‍ना 3:23

थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।