यूहन्‍ना 2:18 - जिरेल

¹⁸ येशूकी थोक खानामेई यहूदीओनते छ्ये छ्ये मिकी वाकीन “खुईते दुरू दोक खित्‍च्‍येते खइँदा अधिकार ओत्‍सीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

यूहन्‍ना 2:18 Iomraidhean Croise

मत्ती 21:23

थेरूई येशू सारनापा लेप्‍कीन परमेश्‍वर मन्‍दिरदु गाल्‍गीन मिओनला लोपाला स्‍यूसुङ। थोक खाला लोप्‍जीन छ्ये छ्ये पूजारीताङ यहूदीओन छ्ये छ्ये मि दोन्‍दु वाकीन थेला “खो दुरू मन्‍दिरदु वाला मिओनला लोप्‍च्‍येते थेमे मिओनला दुरूई तेन्‍ला तोङच्‍येते खुईते च्‍यि अधिकार ओते? खोल्‍ला दोक खि सिन सुई कोत्‍सुङा?” सिन सिराला स्‍यूसुङ।

मर्कूस 8:11

थेमे कोई कोई फरिसी पाटी मि येशू ओत्‍सादु ख्‍योल्‍गीन थेला बात ठाप्‍ला स्‍यूसुङ। थेबेकी थेला “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन थे सेम ता चाल्‍सुङ।

लूका 11:29

थेरू झन काल्‍बेई मि येशू खादु जम्‍मा ओङाला स्‍यूसुङ। थेमे थेकी थेबाला “ख्‍योकोन था समय मिओननी खालि मेलेबा मेलेबा काम खित्‍कान ईन। ख्‍योकोन ङाला परमेश्‍वर शक्तिदुकी अचम्‍बते कामज्‍यीक खाला तेन खिदुक। अहँ ङा ख्‍योकोनगी साबाच्‍योक खितराङ मिक्‍किओ। था ख्‍योकोनगी परमेश्‍वर बात खित्‍कान्‍ते योनाला ओङा च्‍योक्‍ते कामज्‍यीककामा थोङा ङेत्‍क्‍यो।

यूहन्‍ना 1:19

यूहन्‍नाला थे सु ईन्‍दे सिन ठिला स्‍योक सिन यहूदीओनते छ्ये छ्ये मिकी यरूशलेमदुई पूजारीओनताङ लेवी थरगी मिओनला ताङसुङ। थेमे थेबेकी यूहन्‍ना ओत्‍सादु लेप्‍कीन थेला “खो सु ईन्‍दे?” सिन ठिसुङ।

यूहन्‍ना 1:25

थे मिओनगी याङराङ थेला “खोचेन परमेश्‍वरगी तोङगो साबाते ख्रीष्‍टोङ मेन खिदुक, एलियाङ मेनलो। ना परमेश्‍वर बात खित्‍कान्‍ते मि मेनलो। थोक ईन्‍सीन खो च्‍यिला मिओनला बप्‍तिस्‍मा तेरगीते ओना?” सिन ठिसुङ।

यूहन्‍ना 6:30

थेमे थेबेकी “ङ्योकोन खोल्‍ला चुक खाला विश्‍वास खित्‍च्‍ये? खोल्‍ला परमेश्‍वरगी ताङाते ईन सिन तेन्‍दाला था खो ङ्योकोनला च्‍यि अचम्‍बते काम खाला तेन्‍गीते?

शक्ति काम 4:7

थोक खाईन थेबाबरी जम्‍मा ओङसादु पत्रुसताङ यूहन्‍नालाङ क्‍याल्‍सुङ। थेमे थेबेकी थेबा ङिबोला “लो ङ्योकोनला सिते, ख्‍योकोन ङिबोकी दि कुज्‍येला सुई शक्तिकी खित्‍सादु ख्‍याम्‍बा थुप्‍च्‍या जोबे? सुई मिन लाकीन दोक खाबे?” सिन ठिसुङ।

शक्ति काम 5:28

“ख्‍योकोनला खरचिङकाराङ ङ्योकोनगी थे मि बात छ्याःङ सुङलाङ मालोप सिन कोता ओतान। तर ख्‍योकोनगीनी ङ्योकोनगी माकेत साबाते बातराङ खाईन यरूशलेम गाङे काङगीन सिन्‍दुक। दोस्‍यिककामा मेन, ख्‍योकोननी थेला सेत्‍कान्‍तेङ ङ्योकोनराङका ईन सिरा छोल्‍गीदुक,” सिन सिदुक।