यूहन्‍ना 2:16 - जिरेल

¹⁶ गन्‍दीमा छोङकान्‍तेबालाङ थेकी “दिबा दुरूकी छिटो थेन्‍ला खेर। ङे आबाला माने खित्‍च्‍येते खाम्‍बाला बेपार खित्‍च्‍ये ठाउँ ज्‍वा मेङगो,” सिन सासुङ।

यूहन्‍ना 2:16 Iomraidhean Croise

मत्ती 21:12

थेमे येशू परमेश्‍वर मन्‍दिरदु गाल्‍सुङ। थेकी थेरू मन्‍दिर स्‍याङके नाङला देत्‍ला छोङकान्‍ते थेमे ङ्योकान्‍ते मि गाङेला फिनामा तेन्‍गीन ताङसुङ। थोक खित्‍जीन थेकी थेरू पैसा ज्‍येला तेरकान्‍ते मिओनते टेबलतेबा रिल्‍गीन ताङसुङ। थेमे गन्‍दीमा छोङाला देताते मिओन देताते टेबलतेबाङ रिल्‍गीन ताङसुङ।

मत्ती 21:13

थेकी “परमेश्‍वर बातला परमेश्‍वरगी ‘ङे खाम्‍बा ङाला प्रार्थना खिताला जोबाते ईन,’ सिन साबा ओत। तर ख्‍योकोनगीनी दुरू चोर डाँका देत्‍च्‍येते ठाउँ च्‍योकका जोदुक। ख्‍योकोन दुरूकी थेन्‍ला ग्‍युक,” सिन होथेबा गाङेला तेन्‍गीन ताङसुङ।

मत्ती 22:5

गेल्‍बोकी थोक खासीनोङ थेबा टेरेराङ मिक्‍किता खाईन दाक्‍पोन दाक्‍पोन कामला ख्‍याम्‍दुक्‍लो। थेबे नाङ दोक्‍पोईचेन स्‍यीङला काम खिता गाल्‍दुक्‍लो, ज्‍येनज्‍यीकचेन बेपार खिता गाल्‍दुक्‍लो।

मर्कूस 11:17

थेकी “परमेश्‍वर बातला परमेश्‍वरगी ‘ङे खाम्‍बा लुङबा लुङबे मि वाला ङाला प्रार्थना खिताला जोबाते ईन,’ सिन साबा ओत। परमेश्‍वरगी थोक साबाते बात च्‍यि ख्‍योकोनला छ्या मेत? ख्‍योकोनगीनी दुरू चोर डाँका देत्‍च्‍येते ठाउँ च्‍योकका जोदुक। ख्‍योकोन दुरूकी थेन्‍ला ग्‍युक,” सिन थे मि गाङेला तेन्‍गीन ताङसुङ।

लूका 2:49

थेकी थेबाला “आबा आमाबा ख्‍योकोनगी ङाला च्‍यिला थोक दुक्‍पा खाईन गाङेपा चाले? ङा ङे आबा ओत्‍सादु देता फाप्‍क्‍यो सिन ख्‍योकोनगी छ्या स्‍येबा फाप्‍च्‍या ओतान,” सिन सिदुक।

यूहन्‍ना 10:29

आबेकी थेबाला ङे लाःक्‍तु जिम्‍मा बिन्‍दाते ईन। गाङे भन्‍दा छ्येते आबाराङ ईन। थोगी थे लाःक्‍तुकीङ सुङगीङ थेबाला ठ्वाला खेरा मुथुबो।

यूहन्‍ना 2:15

थोक थोङनामेई थेकी थाक्‍पाज्‍यीक रील्‍गीन थे थाक्‍पाराङ युकीन थेरूकी लुकतेबा, लाङतेबा गाङेला उरगीन तेन्‍गीन ताङसुङ। थेमे पैसा ज्‍येकान्‍तेबेतेङ टेबलतेबा तेगीन क्‍युरगीन पैसातेबाङ छ्येलोङ मेलोङ थोरगीन क्‍युरसुङ।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

यूहन्‍ना 5:17

थोक खिताला स्‍यूनामेई येशूकी थेबाला “ङे आबाचेन थरिङोलाङ मिओनला लेमु ओङच्‍येते काम खिनराङ ओत। थेमे ङाङ दोकराङ खिओ,” सिन सिदुक।

यूहन्‍ना 8:49

थोक सिरजीन थेकी “अहँ ङाला ल्‍हन्‍डीक खोबा मेत। ङा आबाला मान खिओ। ख्‍योकोनचेन ङाला छ्याःङ च्‍योक गने मिक्‍किदुक।

१ तिमोथी 6:5

थेमे जहिलेङ थोम्‍मुकामा खिन देत्‍च्‍येते ओङगो। थेबे सेम मेलेबा ओतेकी सत्‍यते बात थेबाला छ्याःङ काम लै मिक्‍किओ। थेबेकी परमेश्‍वरला माने खित्‍च्‍येतेचेन सम्‍पत्ति ज्‍वा थुप्‍क्‍यो सिनकामा ईन।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।