यूहन्‍ना 2:12 - जिरेल

¹² थोक थोक ओङनामेकी तिरी आमातेताङ न्‍वातेबा थेमे चेलातेबाताङ कफर्नहुममा गाल्‍गीन येशू टिक्‍पी दिन थेरूराङ देत्‍सुङ।

यूहन्‍ना 2:12 Iomraidhean Croise

मत्ती 11:23

थेमे कफर्नहुम मिवे, ङे ख्‍योकोन नाङ अचम्‍बते काम काल्‍बेई खासुङ सिन ख्‍योकोनचेन स्‍वर्गने ड्वा ङेत्‍क्‍यो सिन छ्ये खाईन देत्‍ला दुक। तर न्‍याय खिते छोमु ख्‍योकोनलानी परमेश्‍वरगी नरककुण्‍डमाका लुक्‍यो। ङे ख्‍योकोन नाङ खाईन तेन्‍दाते अचम्‍बते कामतेबा सदोम सारदु खाईन तेन्‍दा ईन्‍सीन थेरू मि परमेश्‍वर छ्य्‌वापा लै खाला परमेश्‍वरगी थे सारला थोक खाला थोरूमसाक नाशराङ तोङच्‍या मेतान।

मत्ती 12:46

येशू थोक खाला मिओनताङ बात खिन ओते बेलालाराङ थेते आमातेताङ न्‍वातेबा थेला ठेताला थेरू ख्‍योल्‍सुङ। थेमे फिनामाराङ देत्‍कीन थेबेकी थेला फिनामा स्‍योक सि सिन कातोङ ताङसुङ।

मत्ती 4:13

तर थे नासरत सारदु काल्‍बा मेदेता खाईन गालील समुन्‍द्रे छेउदु फाप्‍च्‍येते कफर्नहुम सिराते सारदु देताला गाल्‍सुङ। दि सारचेन जबूलूनताङ नप्‍ताली नाङराङ फाप्‍कीन ओतान।

मर्कूस 6:3

दिनी दुरू स्‍यिङगी काम खित्‍कान्‍ते मिराङनी ईन। दि मरियम फुज्‍युङ मेनरो? दि याकूब, योसेस, यहूदाताङ शिमोनबे आज्‍योराङनी ईन। थेमे दिते नुमुतेबाङनी गाङे दुरूराङ ओत,” सिन थेला दिङ सु ईन्‍देरो सिराच्‍योक खासुङ। थेबेकी थेला छ्याःङ मान माक्‍यासुङ।

यूहन्‍ना 2:2

येशूताङ थे चेलाओनलाङ निम्‍तो खाबा ओतेकी थेबाङ फाङमाला गाला ओतान।

यूहन्‍ना 4:46

थेमे येशू लोईन गालील अञ्‍चल काना सारनापा गाल्‍सुङ। थे सारदुराङ थोङला बाजिई थेकी छ्युला अंगूर छ्याङ जोबा ओतान। थेमे थे कानादु ओते बेलालाराङ गेल्‍बो छ्येते मिज्‍यीक्‍ते कफर्नहुमदु फुज्‍युङते नाकीन स्‍याप खाबा ओतान।

यूहन्‍ना 6:17

थेमे डुङ्गाज्‍यीकला जेकीन कफर्नहुमपा ड्वाप्‍ला स्‍यूसुङ। थे बेलाला नाम स्‍योकीन सिन्‍दा ओतान। थेजीनसाकोङ येशू चेलातेबा ओत्‍सामा लेपा मेतान।

१ कोरिन्‍थी 9:5

येशू ख्रीष्‍टकी खटे खाबाते ज्‍येनतेबा, प्रभु येशू न्‍वाओन थेमे पत्रुसकी खिताच्‍योक फेम्‍मेतेबाङ येशूला विश्‍वास खित्‍कान ईन्‍देकी ङ्योम्‍बुराङ टीकीन ख्‍याम्‍बाच्‍योक ङेङ खिता मुथुबो साबाप?

गलाती 1:19

थेरू देत्‍जीन प्रभु येशू न्‍वा याकूबला बाई येशू ख्रीष्‍टकी खटे खाबाते मिओन ज्‍येनलाचेन ङे सुङलाङ माठेत।