यूहन्‍ना 19:9 - जिरेल

⁹ थेमे लोईन नाङने स्‍यूकीन थेकी येशूला “खो खापे मि ईन्‍दे?” सिन ठिसुङ। तर येशू खाराक्‍पा देत्‍सुङ।

यूहन्‍ना 19:9 Iomraidhean Croise

मत्ती 26:63

थेकी थोक सिरजीनोङ थे खाराक्‍पाराङ देत्‍सुङ। लोईनराङ थेकी “लो खो सोम्‍बोते परमेश्‍वर दोन्‍दु ना क्‍याल्‍ला दि बात सि। च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो परमेश्‍वर फुज्‍युङ ईन्‍दासीन, मेन?” सिन ठिसुङ।

मत्ती 27:27

थेमे थे रोमी गेल्‍बो हाकिम मिल्‍टेरीओनगी थेरूकी येशूला रोमी गेल्‍बो हाकिम पिलातस खाम्‍बादु खेरसुङ। थे खाम्‍बाला प्रेटोरियम सिन ओतान। थेमे थेरू ओताते ज्‍येन मिल्‍टेरीओनलाङ गाङेला थेरू जम्‍मा खासुङ।

लूका 23:9

थेमे थेकी येशूला बात काल्‍बेई ठिसुङ। तर येशूकीचेन थेला बातज्‍यीगोङ माक्‍यासुङ।

यूहन्‍ना 18:28

थेमे थेबेकी येशूला कैयाफे खाम्‍बादुकी रोमी गेल्‍बो हाकिम खाम्‍बापा खेरसुङ। थेजीन नाम लाङा लाङा खाबा ओतान। निस्‍तार चाड लेपा ओतेकी थे भोज साप्‍ला खोपरोङ बिटुले मिक्‍किस्‍यीत सिन थे खाम्‍बे नाङने मुस्‍यूक्‍पा खाईन यहूदीओन स्‍याङकामाराङ देत्‍सुङ।

यूहन्‍ना 18:33

थेमे पिलातस लोईन नाङने स्‍यूसुङ। थेमे येशूला थे खोरोङ दोन्‍दु कातोङ ताङगीन “यहूदीओन गेल्‍बो खोराङ ईनना?” सिन सासुङ।

यूहन्‍ना 18:34

थोक सिरजीन येशूकी “दि बात खो खोरोङराङ सिन ओताना सुइँदेकी खोल्‍ला लाःप्‍सुङा?” सिन सिदुक।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 19:10

थोगी थेकी “च्‍यि खो ङात्ताङ बात मिक्‍किओ? खोल्‍ला थाराङ तोङच्‍याना स्‍यिङगी थामला टाँए खाला सेत ज्‍युत्‍च्‍ये सिरच्‍येते अधिकार ङात्ताङ ओत सिन च्‍यि खोल्‍ला छ्या मेत?” सिन सिदुक।

यूहन्‍ना 19:8

थेबेकी थोक सानामेई थे झन ज्‍यीबा खासुङ।

यूहन्‍ना 8:14

थोक सिरजीन थेकी “ङा ङाराङगी ङाराङ बात खासीनोङ खालि ईन्‍दाते बातकामा खिओ। च्‍यिला सासीन ङा ङाराङ खापेकी वाबाते ईन्‍दे थेमे था तिरी खापा डुइते सिन ङाला लेमु खाला छ्या ओत। ख्‍योकोनलाचेन ङा खापेकी वाबाते ईन्‍दे थेमे खापा डुइते सिन छ्याःङ छ्या मेत।

फिलिप्‍पी 1:28

खेराङ विरोध खित्‍कान्‍ते मिओनगी ख्‍योकोनला जति ज्‍यीबा लाङसीनोङ थेबाताङ छ्याःङ ज्‍यीबा माकेत। जति दुक्‍पा तेरजीनोङ ख्‍योकोनगी गा लाङच्‍येते बात ङेन्‍गीन देता थोङजीन थेबेकी ख्‍योकोनला ग्‍याला मुथुप्‍च्‍याक्‍वा, दोक खाबेकी था परमेश्‍वरगी खोपरोङला सजाय तेरग्‍यो सिन छ्या स्‍येक्‍यो। थेमे ख्‍योकोनगीचेन होथेबेकी च्‍योक खाला नोमुङ पापकी सजाय भोगे खिता माफाबो सिन छ्या स्‍येक्‍यो।