यूहन्‍ना 19:6 - जिरेल

⁶ येशूला थोङासात्तु छ्ये छ्ये पूजारी थेमे मन्‍दिरदु देत्‍कान्‍ते पुलिसओनगी “दिला सेताराङ फाप्‍क्‍यो। दिला स्‍यिङगी थामला टाँए खाला सेत,” सिनकामा आउदी खाईन छेरा खासुङ। थेबेकी थोक खित्‍जीन थेकी “लो खेराङराङ दिला खेरला स्‍यिङगी थामला टाँए खाला सेत। दिला च्‍यि सजाय तेरच्‍ये? ङेनी दिकी छ्याःङ गल्‍ती खाबा माथोङसुङ,” सिन सिदुक।

यूहन्‍ना 19:6 Iomraidhean Croise

मत्ती 26:58

थोक खाला येशूला थेपा खेरजीन पत्रुसोङ थेबेकी मोथोङा खाईन थेबे तिङ ङ्योगीन गाल्‍गीन थे खाम्‍बासाकराङ लेप्‍सुङ। थेमे येशूला नाङने चुक चुक खिका सिन छ्या स्‍येबाला थेचेन थे खाम्‍बादु देता ओताते पालेओनताङ थेरू स्‍याङकादुराङ देत्‍सुङ।

मत्ती 27:22

थोक खित्‍जीन पिलातसकी “थोक ईन्‍सीन दि ख्रीष्‍ट ईन साबाते येशूलाचेन च्‍यि खिसे ओना?” सिन सिरजीन थेबा गाङेकी “दिला सेता फाप्‍क्‍यो। दिला स्‍यिङगी थामला टाँए खाला सेत,” सिन झन कस्‍स्‍ये खाईन छेरा खासुङ।

मत्ती 27:24

थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

लूका 23:4

थेमे छ्ये छ्ये पूजारीताङ थेरू जम्‍मा ओङाते ज्‍येन ज्‍येन मिला पिलातसकी “दिला च्‍यि सजाय तेरच्‍ये? ङेनी दिकी छ्याःङ गल्‍ती खाबा माथोङसुङ,” सिन सिदुक।

यूहन्‍ना 18:3

थोगी छ्ये छ्ये पूजारीताङ फरिसी पाटी मिओनगी ताङाते मन्‍दिरदु देत्‍कान्‍ते पुलिसओन थेमे रोमी मिल्‍टेरीओनला टीकीन यहूदा थेरू लेप्‍सुङ। थेबा लालटिनताङ बास्‍यिङतेबा पारगीन हात हतियारतेबा खुरगीन वाबा ओतान।

यूहन्‍ना 18:31

थोक सिरजीन थेकी “दि मिला ख्‍योकोन खेराङगीराङ खेरला खेराङ धर्मे नियम ताला न्‍याय खि,” सिन सिदुक। थोक सानामेकी थेबेकी “ङ्योकोनगी सुइँदा मि सेता रोमी गेल्‍बो नियमताङ मिडिगो,” सिन सिदुक।

यूहन्‍ना 18:38

थेमे पिलातसकी “सत्‍यते बात च्‍यि ईन्‍दे ओना?” सिन ठिसुङ। थेरूई लोईनराङ फिनामा थेन्‍गीन पिलातसकी यहूदीओनला “दिला च्‍यि सजाय तेरच्‍ये? ङेनी दिकी छ्याःङ गल्‍ती खाबा माथोङसुङ।

यूहन्‍ना 19:15

थेकी थोक सानामेई “दिला ङ्योकोन मिगी दोन्‍दु माज्‍यो, दिला खेरला स्‍यिङगी थामला टाँए खाला सेत,” सिन थेबा झन नामज्‍योक बुराङ साच्‍या खाईन छेरा खिताला स्‍यूसुङ। थेमे थेकी “च्‍यि ङे ख्‍योकोन गेल्‍बोला स्‍यिङगी थामला टाँए खाला सेत्‍च्‍या?” सिन सिदुक। थोक सिरजीन छ्ये छ्ये पूजारीकी “ङ्योकोनतेनी रोमी गेल्‍बो बाई ज्‍येन गेल्‍बो ओतराङ मेत,” सिन सासुङ।

यूहन्‍ना 19:4

पिलातसकी फिनामा वाकीन लोईन थेरू जम्‍मा ओङा ओताते यहूदीओनला “लो थे मिला ङा फिनामा ख्‍योकोन दोन्‍दुराङ खुलाङगो। थेला सजाय तेराला ङे थेते छ्याःङ गल्‍ती माथेप्‍तुक सिन ख्‍योकोनगी छ्या स्‍येबा खि,” सिन सिदुक।

शक्ति काम 2:23

थोक ईन्‍सीनोङ ख्‍योकोनगीचेन थेला पापीओन लाःक्‍तु सोम्‍पे खाईन लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेत च्‍युत्‍सुङ। ईन्‍दानी थेकी थोक खाला स्‍या फाप्‍क्‍यो सिन परमेश्‍वरगी गोमाका साबा ओतान।

शक्ति काम 7:52

परमेश्‍वर बात खित्‍कान्‍तेबे नाङ खाङलाचेन ख्‍योकोन ज्‍युज्‍यु पुर्खेकी मेलेबा खाबा मेतानेरो? थेबेकीनी परमेश्‍वरगी खि साबा च्‍योककामा खित्‍कान्‍ते तिरी दुरू ओङगो सिन परमेश्‍वर बात खित्‍कान्‍तेबा गाङेला खेदा खाईन सेता ओतान। थेमे तिरी थेबेकी ओङगो साबाते वानामेकी ख्‍योकोनगीचेन थे परमेश्‍वरगी तोङगो साबाते ईनराङ मेन सिन दुक्‍पा बिन्‍गीन सेत्‍सुङ।