यूहन्‍ना 19:4 - जिरेल

⁴ पिलातसकी फिनामा वाकीन लोईन थेरू जम्‍मा ओङा ओताते यहूदीओनला “लो थे मिला ङा फिनामा ख्‍योकोन दोन्‍दुराङ खुलाङगो। थेला सजाय तेराला ङे थेते छ्याःङ गल्‍ती माथेप्‍तुक सिन ख्‍योकोनगी छ्या स्‍येबा खि,” सिन सिदुक।

यूहन्‍ना 19:4 Iomraidhean Croise

मत्ती 27:19

थेमे पिलातस अड्डादुराङ देता ओते बेलाला फेम्‍मेतेकी थेला “थे छ्याःङ गल्‍ती मेताते मिला छ्याःङ मेलेबा माकेत। च्‍यिला सासीन थे मिला सजाय बिन्‍सीन आउदी मेलेबा ओङगो सिन ङे दाङ ग्‍वाका मेलेबाज्‍यीक मिलाम थोङसुङ,” सिन लोन ताङसुङ।

मत्ती 27:24

थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

मत्ती 27:4

थेमे थेकी थेबाला “छ्याःङ दोष मेताते मिला ङे थाराङ धोका बिन्‍दुक, ङेनी पापका खादुक,” सिन सिरजीन थेबेकीचेन “ङ्योकोनलाका च्‍यि सिते? था खोरोङ जेसुकै खि,” सिन सिदुक।

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

लूका 23:4

थेमे छ्ये छ्ये पूजारीताङ थेरू जम्‍मा ओङाते ज्‍येन ज्‍येन मिला पिलातसकी “दिला च्‍यि सजाय तेरच्‍ये? ङेनी दिकी छ्याःङ गल्‍ती खाबा माथोङसुङ,” सिन सिदुक।

लूका 23:41

दोक ईन्‍सीनोङ ङुरूङला दोक खाबातेनी ठीकराङ ओत। च्‍यिला सासीन दि सजाय ङेत्‍च्‍येते गल्‍ती ङुरूङगी खाबा ओत। तर दिकीनी छ्याःङ गल्‍ती खाबा मेत,” सिन ङारसुङ।

लूका 23:47

थे स्‍यिजीन थेरू चुक चुक ओङसुङा सिन थे मिल्‍टेरी क्‍याप्‍टेनगीङ थोङसुङ। थेमे थेकी “दि मि साँच्‍चीराङ मेलेबा मि मेन्‍दाक्‍वा,” सिन परमेश्‍वरला छ्ये जोसुङ।

यूहन्‍ना 18:33

थेमे पिलातस लोईन नाङने स्‍यूसुङ। थेमे येशूला थे खोरोङ दोन्‍दु कातोङ ताङगीन “यहूदीओन गेल्‍बो खोराङ ईनना?” सिन सासुङ।

यूहन्‍ना 18:38

थेमे पिलातसकी “सत्‍यते बात च्‍यि ईन्‍दे ओना?” सिन ठिसुङ। थेरूई लोईनराङ फिनामा थेन्‍गीन पिलातसकी यहूदीओनला “दिला च्‍यि सजाय तेरच्‍ये? ङेनी दिकी छ्याःङ गल्‍ती खाबा माथोङसुङ।

यूहन्‍ना 19:6

येशूला थोङासात्तु छ्ये छ्ये पूजारी थेमे मन्‍दिरदु देत्‍कान्‍ते पुलिसओनगी “दिला सेताराङ फाप्‍क्‍यो। दिला स्‍यिङगी थामला टाँए खाला सेत,” सिनकामा आउदी खाईन छेरा खासुङ। थेबेकी थोक खित्‍जीन थेकी “लो खेराङराङ दिला खेरला स्‍यिङगी थामला टाँए खाला सेत। दिला च्‍यि सजाय तेरच्‍ये? ङेनी दिकी छ्याःङ गल्‍ती खाबा माथोङसुङ,” सिन सिदुक।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

१ पत्रुस 1:19

ख्रीष्‍ट थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ख्‍योकोन लाईदु थे मोल छ्योलाते ईन। ख्रीष्‍टनी परमेश्‍वरला पूजा खिताला सोई खित्‍च्‍येते छ्याःङ खुना खोटी मेताते लुई रीउ च्‍योकराङ ओतान।

१ पत्रुस 2:22

“थेकी नोमुङ छ्याःङ पाप खाबा मेतान, ढाँरोङ खाबा मेतान।”

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ यूहन्‍ना 3:5

मिओनगी खाबाते पापकी सजाय भोगे खाला थेबाला पापदुकी डेलालाराङ येशू ख्रीष्‍ट दुरू वाबाते ईन सिन ख्‍योकोनला छ्याराङ ओत। थेकी नोमुङ पाप खाबा मेत।