यूहन्‍ना 18:8 - जिरेल

⁸ थेरूई थेकी “थे मि ङाराङ ईन सिन ङे ख्‍योकोनला आनाङका साबाप। ख्‍योकोनगी ङालाराङ चालाते ईन्‍सीन दुरू ङात्ताङ ओताते दि मिओनलाचेन छ्याःङ माकेत,” सिन सिदुक।

यूहन्‍ना 18:8 Iomraidhean Croise

मत्ती 26:56

परमेश्‍वर बात खित्‍कान्‍तेबेकी टिबाते बात साबाच्‍योक ओङालाराङ दि गाङे दोक दोकराङ ओङाते ईन,” सिन सिदुक। थेकी दि बात साकीन सिन्‍नामेई चेलातेबाचेन गाङे थेला ताङगीन छ्य्‌वासुङ।

यूहन्‍ना 10:28

ङा थेबाला नोमुङ मिसिन्‍च्‍येते जुनी तेरग्‍यो। थोगी थेबा नरककुण्‍डमा स्‍यूक्‍पा माफाबो। थेमे ङे लाःक्‍तुकी सुङगीङ थेबाला ठ्वाला खेरा मुथुबो।

यूहन्‍ना 13:1

निस्‍तार चाड लेपा लेपा खाबा ओतान। था थे खोरोङ दि सा लुङबादुकी आबाते ओत्‍साने ग्‍युरला डोच्‍येते बेला लेपा खासुङ सिन येशूकी छ्या स्‍येबा ओतान। थेकी थे खोरोङगी ङिङज्‍ये खाबाते दुरू ओताते थे खोरोङ मिओनला थोई ङिङज्‍ये खिते सिन तेन्‍ला तेरा थुपासम्‍म तेन्‍गीन बिन्‍सुङ।

यूहन्‍ना 13:36

येशूकी थोक सानामेई शिमोन पत्रुसकी “प्रभु, खो खापा डोच्‍ये?” सिन ठिसुङ। थेमे थेकी “ङा डोसादु खो थरिङ ङात्ताङराङ ड्वा मुथुबो। ईन्‍सीनोङ खो तिरी ङीमाई थेरू लेप्‍क्‍यो,” सिन सिदुक।

यूहन्‍ना 16:32

तर दि बात ङेन। चुक सासीन था समयज्‍यीक ओङगो, सिइराङ सासीन थे समय लेप्‍कीन सिन्‍दा ओत। थेजीन ख्‍योकोन ङाला च्‍यिकराङ ताङला खेराङ खेराङ खाम्‍बाला फ्रोला डुइओ। थोक ओङसीनोङ आबा ङात्ताङ ङ्योम्‍बु ओतेकी ङा ङाराङकामा देता माफाबो।

यूहन्‍ना 18:7

लोईनराङ थेकी “ख्‍योकोनगी सुला चाले?” सिन सिरजीन थेबेकी “नासरतपे येशूला चालाप,” सिन सिदुक।

यूहन्‍ना 18:9

थेकी थोक सानामेई थेकी गोमाका पालोई “आबा, खुई ङे लाःक्‍तु जिम्‍मा बिन्‍दाते जति सुङलाङ ङे ङाराङ छ्य्‌वापेई ठाल माच्‍युत,” साबाते बात साबा च्‍योकराङ ओङसुङ।

१ कोरिन्‍थी 10:13

थेमे दुक्‍पेकी कि खइँदा कारणगी खित्‍सादु मिला खइँदा दोक खिइ खिइ सिराच्‍योक लाङच्‍येते ख्‍योकोनलाकामा ओङच्‍येते मेन। परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी होथोक खाला खेराङला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक ओङे बेलाला थेकी ख्‍योकोनला पाप खित्‍सादुकी रोके खिओ। दोक्‍ते बेलाला थेकी ख्‍योकोनला पाप खिता माफाप्‍च्‍येते शक्ति बिन्‍ला थार ज्‍युत्‍क्‍यो।

२ कोरिन्‍थी 12:9

दोक खित्‍जीन थेकी ङाला “ङे खोल्‍ला आउदी खाईन दया खाबा ओत। दि भन्‍दा ल्‍हाक्‍पा था खोल्‍ला छ्याःङ मोगोओ। खोरोङगी छ्याःङ खिता मुथुप्‍जीनराङ खुई ङेताते ङे शक्ति चुक छ्ये ईन्‍दाका सिन खुई छ्या स्‍येक्‍यो,” सिन सिदुक। थोगी ङाराङगी छ्याःङ खिता मुथुप्‍जीन ङानी गाका खिओ। च्‍यिला सासीन थोक्‍ते बेलालाराङ ख्रीष्‍टकी ङाराङला थे खोरोङ शक्ति बिन्‍दा ओत सिन ङे छ्या स्‍येकीदुक।

एफिसी 5:25

थेमे ख्‍योओ मिवे, ख्रीष्‍टकी थे खोरोङ मिओनला चुक खाईन ङिङज्‍ये खासुङा ख्‍योकोनगीङ दाक्‍पोन फेम्‍मेला होथोकराङ खाला ङिङज्‍ये खि। थेकीनी थे खोरोङ मिओन लाईदु थे खोरोङ ज्‍यानराङ बिन्‍गीन स्‍यिसुङ।

१ पत्रुस 5:7

थेमे खेराङ पीरताङ ताप जति गाङे थेलाराङ सि। च्‍यिला सासीन ख्‍योकोनला लेमु खाला ताकान्‍ते थेराङ ईन।