यूहन्‍ना 18:12 - जिरेल

¹² थेरूई थे रोमी मिल्‍टेरी छ्येते मिताङ थे मिल्‍टेरीओन थेमे मन्‍दिरदु देत्‍कान्‍ते पुलिसओनगी येशूला जुम्‍गीन ठासुङ।

यूहन्‍ना 18:12 Iomraidhean Croise

मत्ती 26:57

थेमे येशूला जिन्‍कान्‍ते मिओनगी थेला गाङे भन्‍दा छ्येते पूजारी कैयाफे खाम्‍बादु क्‍याल्‍सुङ। थेरू धर्मे गुरूओनताङ यहूदीओन छ्ये छ्ये मि जम्‍मा ओङगीन देता ओतान।

मत्ती 27:2

थेमे थेला ठाकीन रोमी गेल्‍बो हाकिम पिलातस ओत्‍सादु खेरगीन थे लाःक्‍तु सोम्‍पे खासुङ।

मत्ती 27:27

थेमे थे रोमी गेल्‍बो हाकिम मिल्‍टेरीओनगी थेरूकी येशूला रोमी गेल्‍बो हाकिम पिलातस खाम्‍बादु खेरसुङ। थे खाम्‍बाला प्रेटोरियम सिन ओतान। थेमे थेरू ओताते ज्‍येन मिल्‍टेरीओनलाङ गाङेला थेरू जम्‍मा खासुङ।

मर्कूस 14:53

थेमे थे मिओनगी येशूला गाङे भन्‍दा छ्येते पूजारी खाम्‍बादु क्‍याल्‍सुङ। थेरू छ्ये छ्ये पूजारी, यहूदीओन छ्ये छ्ये मि थेमे धर्मे गुरूओन गाङे जम्‍मा ओङगीन देता ओतान।

मर्कूस 15:1

थेमे नाम लाङाईताङ थेरू जम्‍मा ओङाते छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मि गाङेकी था येशूला चुक खित्‍च्‍ये सिन बात डिक्‍पा खासुङ। थेमे थेला ठाकीन पिलातस ओत्‍सादु खेरगीन थे लाःक्‍तु सोम्‍पे खासुङ।

लूका 22:54

थेमे थेबेकी येशूला जुम्‍गीन गाङे भन्‍दा छ्येते पूजारी खाम्‍बादु क्‍याल्‍सुङ। थोक खाला थेला थेपा खेरजीन पत्रुसोङ थेबेकी मोथोङा खाईन थेबे तिङ ङ्याकीन गाल्‍सुङ।

यूहन्‍ना 18:3

थोगी छ्ये छ्ये पूजारीताङ फरिसी पाटी मिओनगी ताङाते मन्‍दिरदु देत्‍कान्‍ते पुलिसओन थेमे रोमी मिल्‍टेरीओनला टीकीन यहूदा थेरू लेप्‍सुङ। थेबा लालटिनताङ बास्‍यिङतेबा पारगीन हात हतियारतेबा खुरगीन वाबा ओतान।

शक्ति काम 10:1

सिजरियादु कर्नेलियस सिराज्‍यीक मि ओतान। थे इटाली सिराते पल्‍टनते क्‍याप्‍टेन ओतान।

शक्ति काम 21:31

थेरू थेबेकी थेला दुकीन सेता खाबा ओतान। थे बेलालाराङ सार खाङ होहल्‍ला ओङसुङ सिन रोमी गेल्‍बो मिल्‍टेरी छ्येते मिकी थोसुङ।

शक्ति काम 21:37

थोक खाला नाङने लुबा खित्‍जीन पावलगी थे मिल्‍टेरी छ्येते मिला “हजूर, ङा खइँदा बात खिता थुप्‍क्‍यो?” सिन सासुङ। थेकी ग्रीक भाषाला थोक सिरजीन थे छ्येते मि छक्‍क परे खिन “खोनी ग्रीक बादोङ खिता थुप्‍च्‍याक्‍वा।

शक्ति काम 23:10

थेबेकी थोक सानामेईनी थेबा झन जीङा जीङाराङ खिताला स्‍यूसुङ। थेरू थोक हल्‍ला खल्‍ला ओङा थोकीन थेबा जीला पावलला सेत्‍कीता सिन ज्‍यीबेकी थे मिल्‍टेरी छ्येते मिकी “मिमा गाल्‍ला थे मिला छिटो याङराङ देने लाला खोरच्‍योक,” सिन मिल्‍टेरीओनला लिन ताङसुङ।