यूहन्‍ना 17:6 - जिरेल

⁶ दि सा लुङबे मिओन नाङदुई खुई ङाराङ लाःक्‍तु जिम्‍मा बिन्‍दाते मिओनला आबा खो सु ईन्‍दे, चुक्‍ते ईन्‍दे सिन ङे छ्या स्‍ये च्‍युत्‍कीन बिन्‍दाप। ईन्‍दानी थेबा गोमामेईराङ खुई मिराङ ओतान। थेबाला खुई ङे लाःक्‍तु जिम्‍मा बिन्‍सुङ। थेमे थेबेकी खुई बात ङेन्‍सुङ।

यूहन्‍ना 17:6 Iomraidhean Croise

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 12:28

आबा, खो खोरोङ चुक छ्ये ईन्‍दे सिन मिओनला तेन्‍ला बिन,” सिन सिदुक। थेकी थोक सानामेकी परमेश्‍वरगी स्‍वर्गनेकी “ङे ङाराङ चुक छ्ये ईन्‍दे सिन गोमाका तेन्‍गीन बिन्‍दा ओत। थेमे था लोक्‍लाङ ङा तेन्‍ग्‍यो,” सिन सिदुक।

यूहन्‍ना 15:19

ख्‍योकोनोङ दि सा लुङबे मिराङ ईन्‍दा ईन्‍सीन थेबेकी ख्‍योकोनला खोपरोङ मिला च्‍योकराङ खाला ङिङज्‍ये खित्‍च्‍या ओतान। ख्‍योकोनला ङे थेबे नाङदुई छाने खाबाते ईन्‍देकी ख्‍योकोनचेन दि सा लुङबे मि मेन। थोगीराङ थेबेकी ख्‍योकोनला मिगी थोङसार्मु खिओ।

यूहन्‍ना 15:3

ङे ख्‍योकोनला लापाते बातकी खित्‍सादु ख्‍योकोन सेम लेमु गाल्‍गीन सिन्‍दा ओत।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

यूहन्‍ना 17:12

ङा दुरू दिबाताङ देत देतसाक ङे दिबाला खुई ङाला बिन्‍दाते शक्ति छ्य्‌वापेई जोए खाईन ज्‍याक्‍पाप। नरककुण्‍डमा स्‍यूइओ सिन साबाते मिज्‍यीक बाई ङे सुङलाङ ङाराङ छ्य्‌वापेई ठाल माच्‍युत। ङे दोक खानामेई परमेश्‍वर बातला गोमाका साबाते बात साबा च्‍योकराङ ओङसुङ।

यूहन्‍ना 17:14

ङे दिबाला खुई साबाते बातओन लापाप। दि सा लुङबे मिओनगी दिबाला किला च्‍योकराङ खासुङ। दिबाङ ङा च्‍योकराङ दि सा लुङबे मि मेन्‍देकीराङ ज्‍येनतेबेकी दिबाला थोक खासुङ।

यूहन्‍ना 17:16

दिबाङ ङा च्‍योकराङ दि सा लुङबे मि मेन।

यूहन्‍ना 17:2

थोक खिताला खुई खोरोङ फुज्‍युङला मि गाङेला राज्‍य खित्‍च्‍येते अधिकार बिन्‍दा ओत। दोक खाईन खुई थे लाःक्‍तु जिम्‍मा बिन्‍दाते मि गाङेला थेकी नोमुङ मिसिन्‍च्‍येते जुनी तेरग्‍यो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

यूहन्‍ना 17:26

खो सु ईन्‍दे, चुक्‍ते ईन्‍दे सिन ङे दिबाला छ्या स्‍ये च्‍युत्‍कीन बिन्‍दा ओत। ङा थोरूमोङ दोक खिनराङ देत्‍क्‍यो। खुई ङाला ङिङज्‍ये खाबा च्‍योकराङ दिबेकीङ खोपरोङ नाङ ङिङज्‍ये खितरीङ खित्‍स्‍यीत सिन ङा दिबे सेमगी नाङराङ देत्‍क्‍यो,” सिन आबातेला प्रार्थना खासुङ।

यूहन्‍ना 17:7

खुई ङाला बिन्‍दाते जे कुरोङ खुई छ्य्‌वापेईराङ ओङच्‍येते ईन सिन थानी थेबेकी लेमु खाईन छ्या स्‍येसुङ।

यूहन्‍ना 18:9

थेकी थोक सानामेई थेकी गोमाका पालोई “आबा, खुई ङे लाःक्‍तु जिम्‍मा बिन्‍दाते जति सुङलाङ ङे ङाराङ छ्य्‌वापेई ठाल माच्‍युत,” साबाते बात साबा च्‍योकराङ ओङसुङ।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

यूहन्‍ना 6:39

ङाला दुरू तोङकान्‍तेकी खिता चालाते कामचेन थे खोरोङगी ङे लाःक्‍तु जिम्‍मा बिन्‍दाते जति सुङलाङ ङाराङ छ्य्‌वापेई ठाल मुज्‍युत्‍च्‍येते थेमे न्‍याय खिते छोमु थेबाला सोम्‍बो लोक्‍च्‍येते ईन।

यूहन्‍ना 8:51

दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

यूहन्‍ना 8:52

थोक सिरजीन थेबेकी “खोल्‍ला ल्‍हन्‍डीक खोबातेराङ ईन सिन थानी ङ्योकोनगी लेमु खाईन छ्या स्‍येसुङ। थाङबो अब्राहाम स्‍यिसुङ। थोकराङ खाईन परमेश्‍वर बात खित्‍कान्‍ते मिङ गाङे स्‍यिसुङ। खोचेन खुई साबाते बात ङेन्‍कान्‍ते मिचेन स्‍यिराङ मिस्‍यिओ खिदुक।

शक्ति काम 13:48

पावलताङ बारनाबासकी दोक सिरजीन ज्‍येन ज्‍येन जातकी मि आउदी खाईन गा खासुङ। थेमे प्रभु येशू बात चुक लेमु दुका सिन बात खिताला स्‍यूसुङ। दोक खाईन नोमुङ मिसिन्‍च्‍येते जुनी तेराला परमेश्‍वरगी छाने खाबाते मिओनगीचेन येशूला विश्‍वास खिताला स्‍यूसुङ।

रोमी 11:2

परमेश्‍वरगी थे खोरोङ मि ईन सिन छाने खाबाते मिओनला नोमुङ ताङा मेत। परमेश्‍वर बातला साबाते एलिये पालोला ओङाते दि बात सम्‍झे खि। थेजीन इस्राएली गाङेराङ परमेश्‍वर बात मेङेन्‍कान गाल्‍गीन सिन्‍सुङ सिन परमेश्‍वरताङ बात खिन एलियेकी

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

कलस्‍सी 3:16

थेमे खेराङगी ख्रीष्‍टकी बात झन झन लेमु खाला छ्या स्‍येबा थुप्‍स्‍यीत सिन थे बात ख्‍योकोनगी सेमगी नाङ गुने खिनराङ देत। चुक सासीन परमेश्‍वरगी बिन्‍दाते बुद्धिकी ख्‍योकोनगी थे बात खेराङ नाङ लोप्‍कीन देत, थेरू साबा च्‍योकराङ खिन देता फाप्‍क्‍यो सिन दोक्‍पोईकी ज्‍येनज्‍यीकला सिनराङ देत। थेमे परमेश्‍वरगी खेराङला चुक दया खासुङा सिन गा खिन थेला धन्‍यवाद सिनकामा खेराङ नाङ भजन लिन्‍च्‍येते, परमेश्‍वरला छ्ये जोच्‍येते लु लिन्‍च्‍येते थेमे परमेश्‍वर आत्‍मेकी लिन च्‍युताते ज्‍येनोङ लु लिन्‍च्‍येते खि।

२ तिमोथी 1:13

थेमे था ङा खोल्‍ला चुक खि सिते सासीन ङे खोल्‍ला च्‍यि बात चुक सिन लाप्‍कीन बिन्‍दा ओताने थे थेराङ ङेन्‍दा फाप्‍च्‍येते बात ईन सिन टोक मेज्‍येता खाला ज्‍येनतेबाला होथे बातराङ लोप्‍कीन देत। थोक खाला लोप्‍जीन येशू ख्रीष्‍टताङ जीउज्‍यीकराङ ओङाते खुई थेला विश्‍वास खिन देता मातोङ थेमे ज्‍येनला ङिङज्‍ये खिन देताङ मातोङ।

हिब्रू 2:12

परमेश्‍वरताङ बात खिन थेकी “खो सु ईन्‍दे, च्‍यि खिते सिन ङा ङाराङ न्‍वाओनला लेमु खाला लोप्‍क्‍यो। खोल्‍ला छ्ये ज्‍वाप्‍ला थेबा गाङेराङ जम्‍मा ओङा ओते बेलाला ङा खुईते जय जय ओङस्‍यीत सिन सिओ,” सिन साला दुक।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

१ पत्रुस 1:1

दि चिट्ठी टिक्‍कान्‍ते ङा पत्रुस ईन। ङा येशू ख्रीष्‍टकी खटे खाबाते मि ईन। ङा दि चिट्ठी पोन्‍टस, गलातिया, कापाडोसिया, एशिया थेमे बिथिनिये नाङला मि लुङबे मि च्‍योकराङ ओङगीन लुङबा लुङबाला गाल्‍गीन देता ओताते मिओनला टिगीन ओत। ख्‍योकोन परमेश्‍वरगी छाने खाबाते मि ईन।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।

छ्या स्‍ये च्‍युताते बात 3:8

ख्‍योकोनगी खिन ओताते गाङे काम ङाला छ्या ओत। खेराङगी छ्ये छ्ये काम खिता माथुप्‍सीनोङ ख्‍योकोनगी ङे साबा च्‍योकराङ खिन देत्‍सुङ। खेराङ ङे मि मेन सिन ख्‍योकोनगी नोमुङ मासासुङ। ङे ख्‍योकोन दोन्‍दु गोज्‍यीक पेत्‍कीन ज्‍याक्‍पा ओत। दि गो सुङगीङ च्‍येता मुथुबो।