यूहन्‍ना 17:3 - जिरेल

³ आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 17:3 Iomraidhean Croise

मर्कूस 9:37

“लो दि फिजाला तो। खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङालाकामा मेन, ङाला दुरू तोङकान्‍तेलाङ मान खाबाते ईन,” सिन सिदुक।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 11:42

आबा खुई सधैँ ङे बिन्‍ती ङेन्‍ग्‍यो सिन ङाला छ्या ओत। ईन्‍सीनोङ थाल्‍ला दुरू ङे फेरोला ओताते मिओनगी ङाला आबा खुईराङ ताङाते दुका सिन छ्या स्‍येला ङाला विश्‍वास खित्‍स्‍यीत सिन दोक साबाते ईन,” सिन सिदुक।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 17:18

खुई ङाला दुरू ताङा च्‍योकराङ खाईन ङेङ दिबाला दि सा लुङबे मि नाङराङ ताङा ओत।

यूहन्‍ना 17:21

थेबे लाईदु ङा च्‍यिला प्रार्थना खिते सासीन दिबा गाङे सेमज्‍यीकराङ खाला डिक्‍ला देत्‍स्‍यीत। थेमे आबा खोत्ताङ ङा दोक्‍पोईराङ ईन्‍देकी दिबाबरीङ ङुरूङताङ जीउज्‍यीकराङ ओङस्‍यीत। थोक ओङनामेकी ङाला आबा खुईराङ ताङाते दुका सिन दि सा लुङबे मिओनगी पत्ते खिओ।

यूहन्‍ना 17:23

ङा दिबे सेमगी नाङ देत्‍च्‍येते ईन्‍देकी थेमे खोत्ताङ ङा दोक्‍पोईराङ ईन्‍देकी दिबा गाङेराङ जहिलेङ सेमज्‍यीकराङ खाला डिक्‍ला देत्‍स्‍यीत। दोक ओङनामेई ङाला खुईराङ ताङाते ईन थेमे खुई ङाला ङिङज्‍ये खाबा च्‍योकराङ खाईन दिबालाङ ङिङज्‍ये खित्‍च्‍याक्‍वा सिन दि सा लुङबे मिओनगी छ्या स्‍येक्‍यो।

यूहन्‍ना 17:25

आबा, खो खालि लेमुते कामताङ बातकामा खित्‍कान्‍ते ईन। दि सा लुङबे मिओनगी खोल्‍ला छ्या मास्‍येसीनोङ ङा खोल्‍ला छ्या स्‍येक्‍यो। ङाला विश्‍वास खित्‍कान्‍ते मिओनगी खुईराङ ङाला ताङाते ईन सिन छ्या स्‍येसुङ।

यूहन्‍ना 17:8

खुई ङाला लापाते बातओन ङे गाङे थेबाला लापाप। थेमे थेबेकी थे बातओन ङेन्‍सुङ। ङा आबा खो ओत्‍सादुईराङ वाबाते दुका सिन थेबेकी लेमु खाईन छ्या स्‍येसुङ। ङाला खुईराङ ताङाते ईन्‍दा मेन्‍दा सिन थेबेकी छ्याःङ शंका माक्‍यासुङ।

यूहन्‍ना 3:17

च्‍यिला सासीन परमेश्‍वरगी दि सा लुङबे मिओनला सजाय तेराला मेन्‍देकी थेबाला पापकी सजायदुकी डेलाला थेला देमा ताङाते ईन।

यूहन्‍ना 3:34

परमेश्‍वरगी ताङातेकीचेन परमेश्‍वरगी सि साबाते बातराङ सिओ। परमेश्‍वरगी थेला दोस्‍यिक थोस्‍यिक सिन सिरा मुथुप्‍च्‍या खाईन तेरासम्‍म परमेश्‍वर आत्‍मा बिन्‍दा ओत।

यूहन्‍ना 5:44

ख्‍योकोन ज्‍येनगी खेराङला लेमु मि ईन साकीन मान खासीन गा खिदुक। परमेश्‍वर खेराङताङ खुशी ओङला थेकी तेरच्‍येते मान ङेत्‍स्‍यीत सिरच्‍येतेनी ख्‍योकोन छ्याःङ विचारराङ मिक्‍किदुक। दोक ईन्‍देकी ख्‍योकोनगी ङाला परमेश्‍वरगी ताङाते ईन सिन चुक खाला विश्‍वास खिता थुप्‍कीतेरो?

यूहन्‍ना 6:57

गाङेला जुनी तेरकान्‍ते आबेकी ङाला दुरू ताङाते ईन। थेकी खित्‍सादुराङ ङा सोन्‍गीन देता ओत। थोगी ङे स्‍या साकान्‍तेताङ ठाक थुङकान्‍ते मिङ ङे खित्‍सादु सोन्‍ला देत्‍क्‍यो।

यूहन्‍ना 7:29

ङालानी लेमु खाला छ्या ओत। च्‍यिला सासीन ङा थे ओत्‍सादुईराङ वाबाते ईन। थेमे ङाला तोङकान्‍तेङ थेराङ ईन,” सिन सिदुक।

यूहन्‍ना 8:19

थेमे थेबेकी “खुई आबा खापा ओते ओना?” सिन सिरजीन थेकी “ख्‍योकोनगी ङालाङ छ्या मेस्‍येदुक, ङे आबालाङ। ङाला छ्या स्‍येबा ईन्‍सीन ख्‍योकोनगी आबालाङ छ्या स्‍येच्‍या ओतान,” सिन सिदुक।

१ कोरिन्‍थी 15:34

थोगी था ख्‍योकोनगी लेमु मेलेबा च्‍यि ईन्‍दे सिन डेला थुप्‍कान्‍ते मि च्‍योक ओङला काम खि। पाप खिन देता थोङ। ख्‍योकोनला ङोचा लोङाप सिनराङ ङा दोक सिन ओत। च्‍यिला सासीन ख्‍योकोन कोईकीनी थोरूमोङ परमेश्‍वर सु ईन्‍दे, थेकी चुक खाला काम खिते सिन छ्याःङ खोबा मिन्‍दुक।

१ कोरिन्‍थी 8:4

थाचेन ङा ल्‍हाला पूजा खाबाते सा ओङगीताना मेङते सिन बात खितामीन। दि ल्‍हा लु सिराते छ्याःङ मेन। परमेश्‍वर खालि दोक्‍पोईकामा ओत।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

फिलिप्‍पी 3:10

थोगी ङानी ख्रीष्‍टला झन लेमु खाला छ्या स्‍येबा छोल्‍ग्‍यो। थेमे थे सोम्‍बो लोक्‍पा ओतेकी थेत्ताङ ओताते शक्ति ङेङ ङेत्‍स्‍यीत सिन सेम खिओ। थेकी दुक्‍पा भोगे खाईन थे खोरोङ ज्‍यानोङ बिन्‍दा ओतान। थेकी खाबा च्‍योकराङ खिताप सिन ङाङ ङाराङ खुशी मिक्‍किता खाला दुक्‍पा भोगे खिन स्‍या फाप्‍सीनोङ नाइँ मिसिरो।

फिलिप्‍पी 3:8

ईन्‍दाबोङ येशू ख्रीष्‍टला ङाराङ मालिक ईन सिन छ्या स्‍येच्‍येते छेत छ्येते बात ज्‍येनतोक छ्याःङ मेन्‍दाक्‍वा। थोगी ङाराङ चुक्‍ते ईन्‍दे, चुक चुक खिन ओताने सिरच्‍येते बात छ्याःङ काम लै मिक्‍किच्‍याक्‍वा सिन छ्या स्‍येकीन ङे था थोक्‍ते बात खिता गाङे ताङाप। ङाराङते होथे गोमे बाततेबा सम्‍झे खित्‍जीन ङालानी किक्‍टो लाङच्‍येते फोर मैलो च्‍योकराङ लाकीन था थेते विचारराङ खिता ताङा ओत। ख्रीष्‍टला पूरो खाला छ्या स्‍येबा थुप्‍स्‍यीत

१ थिस्‍सलोनिकी 1:9

ङ्योकोन जुन ठाउँदु ख्‍योल्‍सीनोङ थेङले मिओनगी दोक सिन ख्‍योकोन बातकामा खिदुक। थेबेकी ङ्योकोन ख्‍योकोनला प्रभु येशू बात लोपाला डोजीन ख्‍योकोनगी ङ्योकोनला चुक लेमु खाबा ओताने सिरच्‍येते बात थेमे ख्‍योकोनगी ल्‍हा लुतेबा माने खिता ताङगीन सोम्‍बोतेताङ सत्‍यते परमेश्‍वर छ्य्‌वापा लै खाईन थेलाकामा माने खिताला स्‍यूबाते बात खिदुक।

२ थिस्‍सलोनिकी 1:8

परमेश्‍वरला माने मिक्‍किकान्‍ते थेमे ङुरूङ प्रभु येशूते गा लाङच्‍येते बात मेङेन्‍कान्‍ते मिओनला थेबेकी ङेता फाप्‍च्‍येते सजाय तेरग्‍यो।

हिब्रू 3:1

बात दोक दोक ईन्‍देकी आज्‍यो न्‍वावे, ख्‍योकोनचेन स्‍वर्गने देताला परमेश्‍वरगी थे खोरोङ दोन्‍दु स्‍योक सिन काताङाते मि ईन्‍देकी येशू चुक छ्ये ईन्‍दे सिरच्‍येते बातकीतेकामा ध्‍यान खिन देत। थेचेन परमेश्‍वरगीराङ खटे खाईन ताङाते थेमे गाङे भन्‍दा छ्येते पूजारी ईन। थे पक्‍काराङ होदोक छ्ये ईन सिन ङुरूङ थेला विश्‍वास खिओ।

२ पत्रुस 1:2

आबा परमेश्‍वरताङ प्रभु येशूकी ख्‍योकोनला झन झन दया खाला लेमु खिनराङ देत्‍स्‍यीत। दोक ओङनामेई परमेश्‍वरताङ ङुरूङ प्रभु येशू सु ईन्‍दे, चुक्‍ते ईन्‍दे सिन झन लेमु खाला छ्या स्‍येक्‍यो।

२ पत्रुस 1:3

दाक्‍पोनगी ङेताते साम्‍बाते जुनीला खिता फापाच्‍योक खिताला थेमे थेला माने खिताला खिता फाप्‍च्‍येते कामताङ बात खिताला गोच्‍येते जति गाङे परमेश्‍वरगी थे खोरोङताङ ओताते छ्येज्‍यीक शक्ति छ्य्‌वापेकी ङुरूङला बिन्‍दा ओत। थे सु ईन्‍दे, चुक्‍ते ईन्‍दे सिन थेला छ्या स्‍येबेकी खित्‍सादु थेकी ङुरूङला दोक खाईन गोच्‍येते जति बिन्‍दाते ईन। थे खोरोङताङ छ्येज्‍यीक शक्ति ओतेकी थेमे जे खित्‍जीनोङ लेमु खित्‍कान्‍ते ईन्‍देकी थेकी ङुरूङला थे खोरोङ दोन्‍दु स्‍योक सिन काताङा ओत।

२ पत्रुस 1:8

होदोक दोककामा खिन गाल्‍सीन ङुरूङ प्रभु येशू ख्रीष्‍ट सु ईन्‍दे, चुक्‍ते ईन्‍दे सिन छ्या स्‍येबाते बात ख्‍योकोनगी कामगीराङ खाला तेन्‍दा थुप्‍क्‍यो।

१ यूहन्‍ना 1:2

मिओनला जुनी तेरकान्‍ते थे दुरू वाकीन ङ्योकोनगी थेला थोङाते ईन। ङ्योकोन ङेराङगी थोङाते थेमे थोबाते बात ख्‍योकोनला सिओ। मिओनला नोमुङ मिसिन्‍च्‍येते जुनी तेरकान्‍ते थे दुरू ओङा भन्‍दा गोमा आबा परमेश्‍वरताङ ङ्योम्‍बुराङ ओतान।

१ यूहन्‍ना 1:3

ख्‍योकोनोङ ङ्योकोनताङ ङ्योम्‍बुराङ डिक्‍ला देता थुप्‍स्‍यीत सिनराङ ङेराङगी थोङाते थेमे थोबाते दि बाततेबा ख्‍योकोनलाङ सिओ। ङुरूङचेन आबा परमेश्‍वर थेमे थे फुज्‍युङ येशू ख्रीष्‍टताङ ङ्योम्‍बुराङ डिक्‍ला देत्‍क्‍यो।

१ यूहन्‍ना 2:23

येशूला परमेश्‍वर फुज्‍युङ मेन सिन सिरकान्‍ते मित्ताङ आबा परमेश्‍वर ङ्योम्‍बु मेदेदो। थेला परमेश्‍वर फुज्‍युङ ईन सिरकान्‍ते मित्ताङकामा आबा परमेश्‍वर ङ्योम्‍बु देत्‍क्‍यो।

१ यूहन्‍ना 4:6

थेबा थोक्‍ते मि ईन्‍सीनोङ ङुरूङचेन परमेश्‍वर मि ईन। परमेश्‍वरला छ्या स्‍येकान्‍ते मिओनगी ङुरूङ बात ङेन्‍ग्‍यो, थे मि मेन्‍दातेबेकी ङुरूङ बात मेङेनो। होदि बात तालाराङ सु सु सत्‍यते बात खित्‍कान्‍ते ईन्‍दाका थेमे सु सु मेन्‍दे बात खित्‍कान्‍ते ईन्‍दाका सिन लेमु खाला डेला थुप्‍क्‍यो।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।