यूहन्‍ना 16:16 - जिरेल

¹⁶ था टिक्‍पी दिन तिरी ख्‍योकोनगी ङाला थोङराङ मोथोङो। टिक्‍पी तिरीमेकीचेन ख्‍योकोनगी ङाला याङराङ थोङा ङेत्‍क्‍यो,” सिन सिदुक।

यूहन्‍ना 16:16 Iomraidhean Croise

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

यूहन्‍ना 12:35

थेरूई थेकी थेबाला “था टिक्‍पी दिनसाककामा स्‍वर्गे नाम्‍दाक ख्‍योकोनताङ देत्‍क्‍यो। थोगी ख्‍योकोन नाम्‍दाकला ख्‍योम। स्‍वर्गे नाम्‍दाक ख्‍योकोनताङ देत देतसाक ख्‍योकोन मुन्‍दाकला ख्‍याम्‍बा माफाबो। मुन्‍दाकला ख्‍याम्‍कान्‍ते मिला थे खोरोङ खापा डुइन ओते सिन छ्याःङ छ्या मेङगो।

यूहन्‍ना 13:3

जस्‍तोङ खिता थुप्‍च्‍येते शक्ति आबातेकी थे खोरोङला बिन्‍दा ओत सिन येशूला छ्या ओतान। परमेश्‍वरगी थे खोरोङला दुरू ताङाते ईन थेमे था थे ओत्‍सादुराङ ग्‍युरला डुइन ओत सिनोङ थेला छ्या ओतान।

यूहन्‍ना 13:33

ङे फिजावे, था ङा काल्‍बासाक ख्‍योकोनताङ मेदेदो। थेजीन ख्‍योकोनगी ङाला छोल्‍ग्‍यो। ईन्‍सीनोङ थोङला यहूदीओनते छ्ये छ्ये मिला साबा च्‍योकराङ खाला थाल्‍ला ङा ख्‍योकोनलाङ च्‍यि सिते सासीन ‘ङा डोसादु ख्‍योकोन ओङा मुथुबो।’

यूहन्‍ना 16:10

थेकी थेबाला परमेश्‍वरगी चुक्‍ते मिला दोषी मेन सिते सिनोङ छ्या स्‍ये ज्‍युत्‍क्‍यो। च्‍यिला सासीन था ङा दुरूकी आबा ओत्‍साने डुइओ। थेमे ख्‍योकोनगी ङाला मोथोङो।

यूहन्‍ना 16:22

ख्‍योकोनलाङ होदोकराङ ओङगो। चुक सासीन था ख्‍योकोनला आउदी पीर लाङगो। ईन्‍सीनोङ याङराङ ङा ख्‍योकोनला ठेता खिओ। थेमे थेजीन ख्‍योकोनला आउदी गा लाङगो। सुइँदेकी ख्‍योकोनला दोक खाला गा माकेत सासीनोङ ख्‍योकोन खाराक्‍पा देताराङ मुथुबो।

यूहन्‍ना 16:28

ङा आबा ओत्‍सानेकी दि सा लुङबादु वाबाते ईन। थेमे याङराङ थे ओत्‍सानेराङ ग्‍युरला डुइन ओत,” सिन सिदुक।

यूहन्‍ना 16:5

थाचेन ङा ङाला दुरू तोङकान्‍ते ओत्‍साने ग्‍युरला डुइन ओत। ईन्‍सीनोङ ख्‍योकोन सुङगीङ ‘प्रभु खो खापा डोच्‍ये?’ सिन ठिबा मेत।

यूहन्‍ना 17:13

ङाचेन था खो ओत्‍साने ओङगीन ओत। ङे खित्‍सादु दिबाबरी ङा च्‍योकराङ छ्याःङ पीर मिक्‍किता खाला गा खिन देता थुप्‍स्‍यीत सिन ङा दुरू ओत्‍जीनराङ दि बात खिओ।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 7:33

थोरूमोङ बात खिन येशूकी “था टिक्‍पी दिनसाककामा ङा ख्‍योकोनताङ देत्‍क्‍यो। थे तिरी ङा दाक ङाराङला दुरू तोङकान्‍ते ओत्‍साने ग्‍युरला डुइओ।

शक्ति काम 1:3

थे खोरोङगी भोगे खिता फाप्‍च्‍येते दुक्‍पातेबा भोगे खाईन स्‍यिइन सिन्‍नामेई थे खोरोङ साँच्‍चीराङ सोम्‍बो लोक्‍पाते दुका सिन थे खोरोङगी खटे खाबाते मिओनगी लेमु खाला छ्या स्‍येस्‍यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्‍जीन थेकी थेबाला परमेश्‍वर राज्‍य बादोङ लाप्‍कीन बिन्‍सुङ।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।