यूहन्ना 16:11 - जिरेल11 थोकराङ खाला थेकी परमेश्वरगी ङीमाई गाङेते न्याय खिओ सिनोङ छ्या स्ये ज्युत्क्यो। च्यिला सासीन दि सा लुङबे गेल्बो शैतानला सजाय तेराला फैसला ओङगीन सिन्दा ओत। Faic an caibideil |
यूहन्ना 16:11
34 Iomraidhean Croise
मिओनगी परमेश्वरगी साबा साबा च्योकराङ खिता फाप्च्येते, दाक्पोन सेम काबूला ज्य्वाबा फाप्च्येते थेमे परमेश्वरगी मि गाङे न्याय खित्च्येते दिन ओङगो सिनोङ लाप्कीन बिन्सुङ। थेकी दि बातओन खित्जीन ज्यीबा लाबेकी फेलिक्सकी थेला “लो थरिङ दोस्यिकराङ ओङसुङ। ज्येन बात खिताला फुर्सत ङेत्नामेई ङा ङारो ना लोक्ला खोल्ला कातोङामीन,” सिन थेला थेरूकी ताङसुङ।
थेबा पापताङ लोभदुकी ठाल्ला परमेश्वर नाम्दाकला देता ङेत्स्यीत, दोक खाला शैतान लाःक्तुकी ठोल्ला परमेश्वर छ्य्वापा लै खित्स्यीत सिन खुई थेबाला ङे बात छ्या स्येबा खाला तेरा फाप्क्यो। थेमे थेबेकी ङाला विश्वास खानामेई परमेश्वरगी थेबे पाप गाङे माफ तेरग्यो। थेमे परमेश्वरगी सेम खुदुक जोबाते मि ज्येनतेबेकी ङेत्च्येते जति गाङे थेबेकीङ ङेत्क्यो,’ सिन सिरा थोसुङ।
थोगी ङा ख्योकोनला च्यि सिते सासीन प्रभु येशू ग्युरगीन मावाथुप ख्योकोन सुङगीङ दि दोक्तेताङ थे थोक खित्कान्ते सिन ज्येनगी गल्ती मातेन। था वाला च्याला प्रभु येशूकी मिकी ज्येनगी छ्या मेस्येबा खाईन खाबाते काम ईन्स्यीत, खोपरोङ सेमलाकामा विचार खाबाते बात ईन्स्यीत, लेमु मेलेबा चुक ईन्दे सिन डेल्ग्यो। थेमे लेमु काम खित्कानलाचेन गाङेला परमेश्वरगी खुई आउदी लेमु खासुङ सिन सिओ।
लो दि बात टोक माज्येत। च्यि सासीन येशू ख्रीष्ट था मुक्पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्कान्ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्क्यो सिन ज्यीबेकी खित्सादु दि सा लुङबे मि गाङेराङ झ्याउँ झ्याउँ ङुइओ। दोकराङ ओङस्यीत। आमेन।
Sanasan