यूहन्‍ना 15:8 - जिरेल

⁸ अंगूर काल्‍बेई गोन्‍दाच्‍योक खाला ख्‍योकोनगी लेमु लेमु कामकामा खानामेई ङे आबाताङ चुक छ्येज्‍यीक शक्ति ओता ईन्‍दाका सिन मिओनगी छ्या स्‍येक्‍यो। दोस्‍यिककामा मेन, ख्‍योकोनगी थोक लेमु खाबा थोङजीन ख्‍योकोन ङे चेला दुका सिन गाङेकी छ्या स्‍येक्‍यो।

यूहन्‍ना 15:8 Iomraidhean Croise

मत्ती 5:16

बात दोक ईन्‍देकी ख्‍योकोनगी लेमु काम खि। ख्‍योकोनगी खाबाते लेमुते काम थोङला परमेश्‍वरगी खित्‍सादुराङ ख्‍योकोनगी थोक खाबाते ईन सिन छ्या स्‍येला मिओनगी स्‍वर्गने देत्‍कान्‍ते ख्‍योकोन आबा परमेश्‍वरला मान खिओ।

मत्ती 5:44

ङाचेन ख्‍योकोनला च्‍यि सिते सासीन युल्‍बालाकामा मेन, शत्रुओनलाङ ङिङज्‍ये खि। थेमे खेराङला खेदापानी खित्‍कान्‍ते मिओनलाङ लेमु ओङस्‍यीत सिन परमेश्‍वरताङ प्रार्थना खि सिन सिओ।

मत्ती 9:8

थेरू थोक ओङा थोङगीन मि गाङेराङ आउदी खाईन आते खासुङ। थेमे थेबेकी परमेश्‍वरगी मिलाङ दोक छ्येज्‍यीक शक्ति बिन्‍दा ओताक्‍वा सिन परमेश्‍वरते जय जय खासुङ।

लूका 6:35

ख्‍योकोनगीचेन खेराङ शत्रुओनलाङ ङिङज्‍ये खि, थेबाला लेमु खि। सुइँदाला खइँदा किन्‍जीन किम्‍बाराङ लिन्‍दाप सिन मातेर। ङे खि साबा च्‍योकराङ खासीन गाङे भन्‍दा छ्येते परमेश्‍वरगी ख्‍योकोनला तिरी छ्येज्‍यीक मान तेरग्‍यो। थेमे ख्‍योकोनला थे फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी बैगुनीताङ मेलेबा काम खित्‍कान्‍ते मिओनलाङ ङिङज्‍ये खिओ।

यूहन्‍ना 13:35

दोक खाईन ख्‍योकोनगी खेराङ नाङ ङिङज्‍ये खितरीङ खासीन ख्‍योकोन ङे चेला दुका सिन मि गाङेकी छ्या स्‍येक्‍यो,” सिन सासुङ।

यूहन्‍ना 15:5

अंगूर दोङबो ङा ईन। ख्‍योकोनचेन थे हाँगाओन ईन। ङात्ताङ डिक्‍लाराङ देत्‍कान्‍ते मित्ताङचेन ङाङ डिक्‍लाराङ देत्‍क्‍यो। थेमे अंगूर काल्‍बेई गोन्‍दाच्‍योक खाला होथोक्‍ते मिकीराङ लेमु लेमु कामकामा खिता थुप्‍क्‍यो। ङात्ताङ ठाल्‍ला ख्‍योकोनगी छ्याःङ कामोङ खिता मुथुबो।

यूहन्‍ना 8:31

थे खोरोङला विश्‍वास खिताला स्‍यूबाते यहूदीओनताङ बात खिन येशूकी “ख्‍योकोनगी ङे लापा च्‍योकराङ खिन देत्‍सीन ख्‍योकोन पक्‍काराङ ङे चेला ईन।

१ कोरिन्‍थी 10:31

बात दोक दोक ईन्‍देकी ख्‍योकोनगी साजीन ईन्‍स्‍यीत, थुङजीन ईन्‍स्‍यीत जे खित्‍जीनोङ खालि परमेश्‍वरला छ्ये जोच्‍येते कामकामा खि।

१ कोरिन्‍थी 6:20

थेकी ख्‍योकोनला आउदी काल्‍बेई मोल च्‍याल्‍गीन ङ्योबाते ईन। थोगी ख्‍योकोनगी काम बात जे खासीनोङ परमेश्‍वरला मन परे खित्‍च्‍येतेकामा खि। दोक खाला थेला मान खि।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

तीतस 2:10

थेबेते छ्याःङ क्‍वा मेङगो बरू दिबेकी जे खित्‍जीनोङ लेमुराङ खिओ सिन मालिकतेबेकी भर परे खिता थुप्‍च्‍या ओङा फाप्‍क्‍यो सिन सि। थेबेकी दोक दोक खाबाते थोङला ङुरूङला पापदुकी डेल्‍कान्‍ते परमेश्‍वर बात पक्‍काराङ आउदी लेमुते बात दुका सिन ज्‍येनगीङ छ्या स्‍येक्‍यो।

तीतस 2:5

दोस्‍यिककामा मेन, थेबेकी स्‍यार्मुतेबाला दाक्‍पोन सेम काबूला ज्‍य्‌वाबा फाप्‍क्‍यो, थेबे बानी बिवारा लेमु ओङा फाप्‍क्‍यो, खाम्‍बा खाला सा थुपा फाप्‍क्‍यो, ज्‍येनला दया खिता फाप्‍क्‍यो थेमे ख्‍योबोतेकी साबाते ङेन्‍कान ओङा फाप्‍क्‍यो सिन लोपा थुप्‍क्‍यो। स्‍यार्मुतेबेकी दोक दोक खासीन परमेश्‍वर बात लेमु मेन सिन सुङगीङ सिरा मुथुबो।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 4:11

च्‍यि सासीन ज्‍येनला परमेश्‍वर बात लोप्‍कान्‍तेकी परमेश्‍वरगी जे साला दुक थेराङ लोप। थेमे ज्‍येनला ता फाप्‍कानगीङ परमेश्‍वरगी ङाला थोक खित्‍च्‍येते शक्ति बिन्‍दाते ईन सिन थे काम खि। दोक खाला जसकी जे खासीनोङ येशू ख्रीष्‍ट छ्य्‌वापेकी परमेश्‍वरते जय जय खित्‍च्‍येते काम खि। परमेश्‍वरते सधैँभरि जय जय ओङस्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।