यूहन्‍ना 15:5 - जिरेल

⁵ अंगूर दोङबो ङा ईन। ख्‍योकोनचेन थे हाँगाओन ईन। ङात्ताङ डिक्‍लाराङ देत्‍कान्‍ते मित्ताङचेन ङाङ डिक्‍लाराङ देत्‍क्‍यो। थेमे अंगूर काल्‍बेई गोन्‍दाच्‍योक खाला होथोक्‍ते मिकीराङ लेमु लेमु कामकामा खिता थुप्‍क्‍यो। ङात्ताङ ठाल्‍ला ख्‍योकोनगी छ्याःङ कामोङ खिता मुथुबो।

यूहन्‍ना 15:5 Iomraidhean Croise

मत्ती 13:21

ईन्‍सीनोङ थे बात लेमु खाला सेमगी नाङ मोज्‍योओ। थोगी थे बात ङेन्‍देकी खित्‍सादु तिरी खइँदा दुक्‍पा ङेत्‍जीन, ज्‍येनगी खेदापानी खित्‍जीन थेबेकी थे बात ङेन्‍दा दाक तोङगो।

यूहन्‍ना 12:24

ङा ख्‍योकोनला दि बात सिओ। चुक सासीन ठे गेडा थाराङ ज्‍याक्‍सीन थे गेडाईते गेडाईकामा देत्‍क्‍यो। तर स्‍यीङला ताप्‍सीन थे सबी नाङ रूल्‍ला ठे झाङ केला ठे गेडा काल्‍बेई गोन्‍ग्‍यो।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 5:19

थेबेकी थोक खिता चाल्‍नामेकी येशूकी थेबाला “ख्‍योकोन दि बात ङेन। च्‍यि सासीन आबेकी चुक खिका सिन माथोङथुप थे फुज्‍युङगी थे खोरोङगीकामा छ्याःङ मिक्‍किओ। आबेकी जे खिदुक थे फुज्‍युङगीङ थेराङ खिओ।

यूहन्‍ना 9:33

थे मि परमेश्‍वरगी ताङाते मेन्‍दा ईन्‍सीन दोक्‍ते काम थेकी छ्याःङ खिता थुप्‍च्‍या मेतान,” सिन सिदुक।

शक्ति काम 4:12

थोगी मिओनला दुक्‍पादुकी डेल्‍कान्‍ते खालि येशू ख्रीष्‍टकामा ईन। मि गाङेला पापताङ दुक्‍पादुकी डेल्‍कान्‍ते ज्‍येन सुङ मेतेकी परमेश्‍वरगी थेलाराङ दि सा लुङबादु ताङाते ईन। थेकीकामा ङुरूङला पापकी सजायदुकी डेला थुप्‍क्‍यो,” सिन सिदुक।

रोमी 12:5

ङुरूङ फारगी नाङ बादोङ होदि मि जीउकी बात च्‍योकराङ ईन। ख्रीष्‍टताङ जीउज्‍यीकराङ ओङा ओतेकी ङुरूङोङ गाङेराङ जीउज्‍यीगी लाक्‍पा काम्‍बा च्‍योकराङ ईन। लाक्‍पाताङ काम्‍बेते खुदुक खुदुक काम ओता च्‍योकराङ दोक्‍पोईकी ज्‍येनज्‍यीकला लेमु खिताला ङुरूङतेङ दाक्‍पोन दाक्‍पोनते खुदुक खुदुक काम ओत।

रोमी 6:22

तर परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबाते ङेन्‍ला थेला मन परे खित्‍च्‍येते कामताङ बात खिता थुप्‍क्‍यो। दोक खाईन परमेश्‍वरगी खि साबाच्‍योक खिन गाल्‍नामेई ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

रोमी 7:4

आज्‍यो न्‍वावे, ख्‍योकोन बादोङ होदोकराङ ईन। च्‍यि सासीन ख्रीष्‍ट स्‍यिजीन ख्‍योकोनोङ थेत्ताङराङ स्‍याप्‍ते ईन्‍देकी परमेश्‍वर नियम लाईदु ख्‍योकोन स्‍याप्‍ते छेतराङ ओङसुङ। थोक ओङनामेईचेन ख्‍योकोन स्‍यिसादुकी सोम्‍बो लोक्‍पाते ख्रीष्‍टकीतेराङ ओङा ओत। दोक ओङा ओतेकी ङुरूङ परमेश्‍वरगी खि साबाते लेमु काम खिता थुप्‍च्‍या गाला ओत।

१ कोरिन्‍थी 10:16

प्रभु भोज साजीन ङुरूङ अंगूर छ्याङ लुक्‍पाते कचौरा लाःक्‍तु लाला थे ख्रीष्‍टकी ठाक ईन सिन सम्‍झे खाला परमेश्‍वरला धन्‍यवाद बिन्‍ला गाङेराङ थे नोतज्‍यीकलाराङ थुङगो। थोक खित्‍जीन ङुरूङ ख्रीष्‍टकी ङुरूङ लाईदु थे खोरोङ ज्‍यान बिन्‍गीन स्‍याप्‍ते बात सम्‍झे खिओ। ख्रीष्‍टकी जीउ सिन सम्‍झे खाला थेजीन स्‍योबेन च्‍याक्‍ला साजीनोङ ङुरूङ होथे बातराङ सम्‍झे खिओ।

१ कोरिन्‍थी 12:12

दि बात विचार खि। च्‍यि सासीन मि जीउला लाक्‍पा, काम्‍बा, मिक, नामज्‍योक, नोउ जेसुकै ओङगो। लाक्‍पा, काम्‍बा, मिकतेबा ताजीन खुदुक खुदुकतेन्‍दे ओत्‍सीनोङ गाङे जीउज्‍यीक्‍तेराङ ईन। ख्रीष्‍टकी मि ङुरूङ फारगी नाङ बादोङ होथोकराङ ईन।

१ कोरिन्‍थी 12:27

बात च्‍यि सासीन ख्‍योकोन गाङेराङ ख्रीष्‍टकी जीउ ईन। थेमे ख्‍योकोन मेरा रेरेचेन थे जीउकी लाक्‍पा, काम्‍बा थोक रेरे च्‍योक ईन।

२ कोरिन्‍थी 13:8

ङ्योकोनगी सत्‍यते बातताङ मिडिक्‍च्‍येते छ्याःङ खिता मुथुबो, खालि सत्‍यते बातताङ डिक्‍च्‍येते कामकामा खिता थुप्‍क्‍यो।

२ कोरिन्‍थी 9:10

थेमे परमेश्‍वरगीराङ बालीनाली लै खिताला सोन बिन्‍ला मिओनला साच्‍या थुङच्‍येते तेरच्‍येते ईन। दोक खाला थेकी गोच्‍येते जति बिन्‍ला ख्‍योकोनते जे कुरोङ फेल ज्‍युत्‍क्‍यो। थोक ओङनामेई ख्‍योकोनगी झन झन ज्‍येनला मद्धत बिन्‍ला लेमु खिता थुप्‍क्‍यो।

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

एफिसी 5:9

चुक सासीन नाम्‍दाकला देत्‍कान्‍ते मिकीचेन लेमुते कामताङ बात खिओ, परमेश्‍वरगी खि साबा साबाच्‍योक खिओ थेमे साँचोते बातकामा खिओ।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 4:13

जस्‍तो ओङसीनोङ येशू ख्रीष्‍टकी ङाला शक्ति तेरच्‍येते ईन्‍देकी ङे जेङ खिता थुप्‍क्‍यो।

फिलिप्‍पी 4:17

दि बात खित्‍जीन ङाराङला पैसा बिन्‍दाते बातलाकामा मेन, ख्‍योकोनगी ङाला दोक खाबेकी परमेश्‍वरगी ख्‍योकोनला आशी बिन्‍ला लेमु खिओ सिन ङाला झन गा लाबा ओत।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

कलस्‍सी 1:6

ख्‍योकोनला दि बात लाप्‍कीन बिन्‍दा ओत। सा लुङबा खाङराङ दि बात फैले खिन डुइन ओत। थेमे दि बात ङेन्‍गीन झन झन मि काल्‍बेईकी लेमु काम खिन दुक। गा लाङच्‍येते बात थोबा छोमुमेई थेमे परमेश्‍वरगी दया खिओ सिन लेमु खाईन छ्या स्‍येनामेई ज्‍येन ज्‍येनगी च्‍योकराङ खाईन ख्‍योकोनगीङ लेमु काम खिताला स्‍यूबाते ईन।

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।

१ पत्रुस 2:4

ख्‍योकोन येशू ख्रीष्‍ट दोन्‍दु ग्‍युक। थेचेन कर्मीओनगी कामराङ लै मिक्‍किओ सिन क्‍युराते तर परमेश्‍वरगी आउदी काम लै खित्‍च्‍येते सिन छाने खाबाते दो ईन। थे सोम्‍बो ओत।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।