यूहन्‍ना 15:4 - जिरेल

⁴ ख्‍योकोन ङात्ताङ डिक्‍लाराङ देत। थेमे ङाङ ख्‍योकोनताङ डिक्‍लाराङ देत्‍क्‍यो। दोङबोदुकी टाल्‍नामेकी हाँगालाकामा छ्याःङ अंगूर गोन्‍दा मुथुपा च्‍योकराङ खाला ङात्ताङ डिगीनराङ मादेत्‍सीन ख्‍योकोनगीङ खेराङगीकामा छ्याःङ खिता मुथुबो।

यूहन्‍ना 15:4 Iomraidhean Croise

मत्ती 12:33

बात च्‍यि सासीन रोग लै माक्‍याबाते दोङबोलाकामा लेमु खाला फलफूल गोन्‍ग्‍यो। रोग लै खाबाते दोङबोलाचेन लेमु खाला फलफूल मोगोनो। थोक ईन्‍देकी फलफूल तालाराङ थे दोङबो रोग लै खाबातेताङ माक्‍याबाते चुक्‍ते ईन्‍दे सिन डेला थुप्‍क्‍यो।

लूका 8:15

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

यूहन्‍ना 14:20

ङाला थोङे छोमु आबाताङ ङा दोक्‍पोईराङ दुका, ङा ख्‍योकोन सेमगी नाङ देत्‍च्‍याक्‍वा थेमे ख्‍योकोनोङ ङात्ताङ जीउज्‍यीकराङ ओङा ओताक्‍वा सिन ख्‍योकोनगी लेमु खाला छ्या स्‍येक्‍यो।

यूहन्‍ना 17:23

ङा दिबे सेमगी नाङ देत्‍च्‍येते ईन्‍देकी थेमे खोत्ताङ ङा दोक्‍पोईराङ ईन्‍देकी दिबा गाङेराङ जहिलेङ सेमज्‍यीकराङ खाला डिक्‍ला देत्‍स्‍यीत। दोक ओङनामेई ङाला खुईराङ ताङाते ईन थेमे खुई ङाला ङिङज्‍ये खाबा च्‍योकराङ खाईन दिबालाङ ङिङज्‍ये खित्‍च्‍याक्‍वा सिन दि सा लुङबे मिओनगी छ्या स्‍येक्‍यो।

यूहन्‍ना 6:56

ङे स्‍या साकान्‍तेताङ ठाक थुङकान्‍ते मिचेन ङात्ताङ डिक्‍लाराङ देत्‍क्‍यो। थेमे ङाङ थेत्ताङ डिक्‍लाराङ देत्‍क्‍यो।

यूहन्‍ना 8:31

थे खोरोङला विश्‍वास खिताला स्‍यूबाते यहूदीओनताङ बात खिन येशूकी “ख्‍योकोनगी ङे लापा च्‍योकराङ खिन देत्‍सीन ख्‍योकोन पक्‍काराङ ङे चेला ईन।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

२ कोरिन्‍थी 13:5

था ङा च्‍यि सिते सासीन ख्‍योकोनगी खेराङ येशू ख्रीष्‍टला विश्‍वास खिनराङ ओताना मेते सिन विचार खाला तो। खेराङ सेमगी नाङ येशू ख्रीष्‍ट देता ओत सिन ख्‍योकोनला छ्याराङ ओत, मेनरो? खेराङगी थेला विश्‍वास खिता ताङसीनकामा थे ख्‍योकोन सेमगी नाङ मेदेदो।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

कलस्‍सी 2:6

येशू ख्रीष्‍टराङ खेराङ मालिक ईन सिन ख्‍योकोनगी थेला विश्‍वास खिताला स्‍यूबा ओत। थोगी थेत्ताङ जीउज्‍यीकराङ ओङाते मिकी काम बात चुक खिता फाप्‍च्‍येते ईन्‍दे ख्‍योकोनगी थोकराङ खिन देत।

१ थिस्‍सलोनिकी 3:5

थोक थोक दुक्‍पा ओङ च्‍युत्‍कीन मिला पाप खित ज्‍युता छोल्‍कान्‍ते शैतानगी ना ख्‍योकोनला प्रभु येशू छ्य्‌वापेकी टाला ईन्‍दा सिन ङाला आउदी ज्‍यीबा लाबा ओतान। शैतानगी थोक खाबा ईन्‍सीन ङ्योकोनगी ख्‍योकोन नाङ खाबाते काम थाराङ खेरोला डोच्‍या ओतान। थोगी ख्‍योकोन थोरूमोङ प्रभु येशूला विश्‍वास खिनराङ दुकाना मिन्‍दुका सिन ताप्‍ला तिमोथीला ख्‍योकोन ओत्‍सापा ताङाते ईन।

हिब्रू 10:39

तर ङुरूङचेन परमेश्‍वरला विश्‍वास खिता ताङला नरककुण्‍डमा स्‍यूक्‍कान्‍ते मि नाङ माफाबो। ङुरूङनी थेला विश्‍वास खिन देत्‍कीन थेकी पूरो खाईन पापदुकी टाल्‍गीन स्‍वर्गने देत ज्‍युत्‍च्‍येते मि नाङका फाप्‍क्‍यो।

१ यूहन्‍ना 2:6

परमेश्‍वरताङ डिक्‍ला देत्‍कान्‍ते ईन सिन सिरकान्‍ते मिकीचेन काम बात जे खित्‍जीनोङ येशूकी खाबा च्‍योकराङ खिता फाप्‍क्‍यो।

२ यूहन्‍ना 1:9

ख्रीष्‍टकी लापाते बातकी लाक्‍तुङ ज्‍येन बात ङेन्‍दा छोल्‍कानगीचेन थेकी लापाते बात ङेन्‍दा तोङगो थेमे होथोक्‍ते मित्ताङचेन परमेश्‍वर ङ्योम्‍बु मेदेदो। ख्रीष्‍टकी लापाते बात ङेन्‍गीन देत्‍कान्‍ते मित्ताङचेन आबा परमेश्‍वर थेमे थे फुज्‍युङ ङ्योम्‍बुराङ देत्‍क्‍यो।