यूहन्ना 15:2 - जिरेल2 थेकी अंगूर मोगोन्च्येते हाँगा गाङे ठेला क्युरग्यो। थेमे लेमु खाला गोन्च्येते हाँगातेबाचेन झन लेमु खाला गोन्स्यीत सिन कलमी खाला तेरग्यो। Faic an caibideil |
यूहन्ना 15:2
42 Iomraidhean Croise
दोक सानामेई याङराङ थेकी “स्वर्गे राज्य बात गाङेपा फैले खित्च्येते बातचेन दि बात च्योकराङ ईन। च्यि सासीन सुइँदा फेम्मे मिकी स्योबेन स्येक्पे बेलाला फाम सुमजो ज्येन्ताक ङेक्जीन सोडा टिक्पीस्यिककामा लुक्यो। छुस्सईकामा लुक्सीनोङ थेराङ गाङेपा ठाम्ला थे ज्येन्ताक लेमु खाला फुले खिओ,” सिन सिदुक।
थेरू लामगी खादु नेभारे दोङबोज्यीक ओतान। थेरू नेभारा गोन्दा ओता सिन येशू थेपा तार गाल्सुङ। तर थेकी थे दोङबोला नेभारे गेडाज्यीगोङ माथेप्सुङ। थे दोङबोला खालि दाम्माकामा ओतान। दाम्माकामा ओता थोङनामेई थेकी थे दोङबोला “थानामेई खोल्ला नोमुङ फलफूल गेडाईओङ मोगोन्स्यीत,” सिन सिदुक। थोक सिराईताङ थे नेभारे दोङबो कोम्बो सिली गाल्गीन काम्सुङ।
कोईकीचेन परमेश्वर बात थोनामेई लेमु खाला ङेन्ला थेरू खि साबा साबा च्योकराङ खिओ। थोगी सबी लेमु ओत्साला फापाते सोन साबातेचेन होथोक्ते मिओनला साबाते ईन। थे सोनगी नाङ कोईला गेडाज्यीक्ते गेडा खालज्यीकताङ च्युताम्बा, कोईला गेडा खाल सुम थेमे कोईला गेडा सयज्यीक स्यूकीन लेबा च्योकराङ खाला परमेश्वर बात लेमु खाला ङेन्कान्ते मिओनगीङ होथोकराङ लेमु काम खिओ,” सिन सिदुक।
थेमे कोई कोईकी परमेश्वर बात थोबासात्तु आउदी गा खिन ङेन्ग्यो। ईन्सीनोङ थे बात लेमु खाला सेमगी नाङ मोज्योओ। थोगी परमेश्वर बात ङेन्देकी खित्सादु तिरी खइँदा दुक्पा ङेत्जीन थेबेकी थे बात ङेन्दा दाक तोङगो। टिक्पी टिक्पीकामा सबी थेमे दो काल्बेई ओत्साला फापाते सोन साबातेचेन होथोक्ते मिओनला साबाते ईन।
तर परमेश्वरगी लेमुते जैतुन दोङबो हाँगे नाङ जैतुन मोगोन्च्येते हाँगाओनचेन दुम्गीन क्युरसुङ। थेमे दुम्गीन क्युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्कान्ते इस्राएलीओनला ताङगीन थेबे साटोला परमेश्वरगी ख्योकोन ज्येन ज्येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्येते जेसुकै चाप्रेनमेकी ङेता च्योकराङ खाईन परमेश्वरगी थेबे ज्युज्यु पुर्खाला बिन्दाते आशी ख्योकोनलाङ तेरगीन ओत।
थोगी दि बात ताला परमेश्वरगी मिओनला कडा खित्च्येतेताङ ङिङज्ये खित्च्येते चुक खाला खित्च्या ईन्दाका सिन ख्योकोनगी लेमु खाला छ्या स्येबा खि। थेला विश्वास मिक्किकान्ते मिओनला थेकी सजाय बिन्सुङ। ख्योकोनलाचेन थेकी ङिङज्ये खिन ओत। थेला विश्वास खिन देत्सीनकामा थेकी ख्योकोनला दोक खिन देत्क्यो। थोक खिता ताङसीन थेकी ख्योकोनलाङ थे खोरोङ मि ईन सिरा तोङगो।
Sanasan