यूहन्‍ना 15:16 - जिरेल

¹⁶ ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 15:16 Iomraidhean Croise

मत्ती 21:22

ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासुङ सासीन जे नाङ खासीनोङ थे नाङ खाबाते ङेत्‍क्‍यो ङेत्‍क्‍यो,” सिन सिदुक।

मत्ती 7:7

थेमे ङा ख्‍योकोनला च्‍यि सिते सासीन खेराङला च्‍यि च्‍यि गोकीका आबा परमेश्‍वरला नाङ सि। थेमे थेकी तेरग्‍यो। ख्‍योकोनगी चाल्‍सीन पक्‍काराङ ङेत्‍क्‍यो। गो पेत्‍ला नाङ सि। थेमे परमेश्‍वरगी गो पेत्‍ला ख्‍योकोनला नाङने स्‍योक सिओ।

लूका 6:13

ङारो च्‍योक्‍ते नाम लानामेकी थेकी थे खोरोङ चेलातेबा जतिला काताङगीन च्‍याकीन थेबे नाङदुई मेरा च्‍युन्‍ङीला छाने खासुङ। थेमे थेकी थेबाला “ख्‍योकोनबरीचेन ङे खटे खाबाते मि ईन,” सिन सिदुक।

यूहन्‍ना 13:18

दि बात ङे थाल्‍ला ख्‍योकोन गाङेला साबाते मेन। ङा ङाराङगी छाने खाबाते गाङेला छ्या स्‍येक्‍यो। परमेश्‍वर बातला ‘ङात्ताङ ङ्योम्‍बु देत्‍ला सोला थुला खित्‍कान्‍ते मिराङ ङे शत्रु ओङगो,’ सिन टिबा ओत। दि बात साबा च्‍योकराङ ओङगो।

यूहन्‍ना 15:19

ख्‍योकोनोङ दि सा लुङबे मिराङ ईन्‍दा ईन्‍सीन थेबेकी ख्‍योकोनला खोपरोङ मिला च्‍योकराङ खाला ङिङज्‍ये खित्‍च्‍या ओतान। ख्‍योकोनला ङे थेबे नाङदुई छाने खाबाते ईन्‍देकी ख्‍योकोनचेन दि सा लुङबे मि मेन। थोगीराङ थेबेकी ख्‍योकोनला मिगी थोङसार्मु खिओ।

यूहन्‍ना 15:5

अंगूर दोङबो ङा ईन। ख्‍योकोनचेन थे हाँगाओन ईन। ङात्ताङ डिक्‍लाराङ देत्‍कान्‍ते मित्ताङचेन ङाङ डिक्‍लाराङ देत्‍क्‍यो। थेमे अंगूर काल्‍बेई गोन्‍दाच्‍योक खाला होथोक्‍ते मिकीराङ लेमु लेमु कामकामा खिता थुप्‍क्‍यो। ङात्ताङ ठाल्‍ला ख्‍योकोनगी छ्याःङ कामोङ खिता मुथुबो।

यूहन्‍ना 6:70

थेमे थेकी “च्‍यि ङे ख्‍योकोन मेरा च्‍युन्‍ङी गाङेला छाने खाबाते मेनरो? दोक ईन्‍सीनोङ ख्‍योकोन नाङ दोक्‍पोईचेन शैतानराङ ईन,” सिन सिदुक।

शक्ति काम 1:24

थेबा ङिबोला छाने खानामेई थेरू ओताते मिबरी गाङेकी “प्रभु, खो मि गाङे सेमगी बात छ्या स्‍येकान्‍ते ईन। थोगी था यहूदे साटोला खुई खटे खाबाते मिकी खित्‍च्‍येते काम खिताला ङ्योकोनगी छाने खाबाते दिबा ङिबो नाङ खाङला ज्‍य्‌वाच्‍ये ङ्योकोनला तेन्‍ला नाङ। यहूदाचेन थे खोरोङगी खिता फाप्‍च्‍येते काम माक्‍याकीन नरककुण्‍डमा गालाते बात खोल्‍ला छ्याराङ ओत,” सिन प्रार्थना खासुङ।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 10:41

ईन्‍दानी यहूदी गाङेताङचेन थेकी ठेता माक्‍यासुङ। ङेराङगी थोङातेताङ थोबाते बात ज्‍येनला लोपाला परमेश्‍वरगी गोमा खटे खाबातेबा ङ्योकोनगीकामा थेला थोङा ङेत्‍सुङ। थे सोम्‍बो लोक्‍नामेई ङ्योकोनगी थेत्ताङ ङ्योम्‍बुराङ साप थुङाङ खाबाते ईन।

शक्ति काम 22:14

थेमे थेकी ङाला ‘ङुरूङ ज्‍युज्‍यु पुर्खेकी माने खाबाते परमेश्‍वरगी थे खोरोङगी च्‍यि च्‍यि खिन ओते सिन खुई छ्या स्‍येस्‍यीत थेमे थे खोरोङगी खि साबा साबा च्‍योककामा खित्‍कान्‍तेला ठेत्‍स्‍यीत थेमे खुई थेकी खोत्ताङ बात खाबाते थोबा ङेत्‍स्‍यीत सिन खोल्‍ला छाने खाबा ओत।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 1:13

आज्‍यो न्‍वावे, पालोताङ पालो ङा ख्‍योकोन ओत्‍सापा ओङा चालाप। ङे ढाँर खाबाते मेन। तर जति खासीनोङ थोरूमसाक ङा थेपा ओङा माथुप्‍सुङ। ज्‍येन ठाउँकी ज्‍येन ज्‍येन जातकी मि नाङ च्‍योकराङ खाला थेपाङ गा लाङच्‍येते बात लोपा ङेत्‍सीन मिओनगी येशूला विश्‍वास खित्‍च्‍या ओतान सिन ङा ख्‍योकोन ओत्‍सापा ओङा चालाते ईन।

रोमी 1:5

जात जातकी मि गाङेकी थे खोरोङला विश्‍वास खाला थे खोरोङगी साबाते ङेन्‍स्‍यीत थेमे थे खोरोङ चुक छ्ये ईन्‍दे सिन छ्या स्‍येस्‍यीत सिन थेबाला गा लाङच्‍येते बात लोपाला परमेश्‍वरगीराङ दया खाईन ङ्योकोनला खटे खाबाते ईन।

रोमी 15:4

परमेश्‍वर बातला गोमाबा टिबा ओताते गाङे बात ङुरूङगी खइँदा लोप्‍स्‍यीत सिन टिबाते ईन। थे बात ताजीन ङुरूङगी ज्‍येनतेबे ख्‍याल ज्‍य्‌वाजीन दुक्‍पा ओङसीनोङ चुक खाला सेम मेसेता खाला काम खिन देता फाप्‍च्‍या ईन्‍दाका सिन छ्या स्‍येक्‍यो। थेमे परमेश्‍वरगी खिओ साबाच्‍योक पक्‍काराङ खिओ सिन आश खाला गुलाराङ देता थुप्‍क्‍यो।

रोमी 9:21

बाजिईला ङेबाते सबी ईन्‍सीनोङ कुमालेकी थे खोरोङ खुशीकी स्‍यीज्‍यीकचेन लेमुते कामला कहिले कहिलेकामा चले खित्‍च्‍येते थेमे ज्‍येनतेचेन जहिलेङ चले खिताला सिन ज्‍वा थुप्‍क्‍यो मेनरो?

१ कोरिन्‍थी 10:11

थेबेकी च्‍यि खित्‍जीन चुक चुक ओङसुङा सिरच्‍येते दि बातओन ताला ङुरूङ दाक्‍पोनगी चुक खिता फाप्‍च्‍या ईन्‍दाका सिन छ्या स्‍येबा फाप्‍क्‍यो। था दि जुग सिन्‍ला डोच्‍ये बेला ख्‍योल्‍गीन सिन्‍सुङ। थोगी ङुरूङगीङ थेबेकी खाबाच्‍योक खिता मेङगो सिन छ्या स्‍येस्‍यीत सिनराङ दि बातओन टिबा ओतान।

गलाती 1:15

ङा होथोक्‍ते मि ओतान। ईन्‍सीनोङ आमे सुबे नाङ ओत्‍जीनमेईराङ परमेश्‍वरगी ङाला छाने खाबा ओताक्‍वा। थेमे थेकी ङाला दया खाईन थे खोरोङ दोन्‍दु स्‍योक सिन काताङगीन

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

कलस्‍सी 1:6

ख्‍योकोनला दि बात लाप्‍कीन बिन्‍दा ओत। सा लुङबा खाङराङ दि बात फैले खिन डुइन ओत। थेमे दि बात ङेन्‍गीन झन झन मि काल्‍बेईकी लेमु काम खिन दुक। गा लाङच्‍येते बात थोबा छोमुमेई थेमे परमेश्‍वरगी दया खिओ सिन लेमु खाईन छ्या स्‍येनामेई ज्‍येन ज्‍येनगी च्‍योकराङ खाईन ख्‍योकोनगीङ लेमु काम खिताला स्‍यूबाते ईन।

१ तिमोथी 2:7

परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।

२ तिमोथी 1:11

दि गा लाङच्‍येते बात ज्‍येनला लोप सिन परमेश्‍वरगी ङाला छाने खाबा ओतान। दोक खाईन ङा येशू ख्रीष्‍टकी खटे खाबाते मि ईन्‍देकी थेमे दि बात लोप्‍कान्‍ते मि ईन्‍देकी ङे दि काम खिता फाप्‍क्‍यो।

२ तिमोथी 2:2

थेमे मि काल्‍बेई ङोन्‍दु च्‍यि बात चुक ईन्‍दे सिन ङे खोरोङला लाप्‍कीन बिन्‍दाते बातओन मिओनला लोप सिन ज्‍येन मिलाङ जिम्‍मा बिन। दोक्‍ते मिओनचेन ज्‍येनला लेमु खाला लोपा थुप्‍कान थेमे भर परे खिता थुप्‍च्‍येतेन्‍दे ओङा फाप्‍क्‍यो।

तीतस 1:5

बात च्‍यि सासीन ङा क्रेट लुङबादुई ख्‍याम्‍जीन थेरू थोरूमोङ खिता फाप्‍च्‍येते कामओन खिताला थेमे सार सारला गाल्‍ला येशू ख्रीष्‍ट मिओनला ताकान्‍तेबाला ङे साबा च्‍योकराङ खाला छाने खाला ज्‍य्‌वाबालाराङ ङे खोल्‍ला थेरू देत साबा ओतान।

हिब्रू 11:4

हाबिलगी परमेश्‍वरला विश्‍वास खाईन कयिनगी खाबाच्‍योक मेन्‍देकी परमेश्‍वरला चढे खिता फाप्‍च्‍येतेराङ भोग बिन्‍गीन चढे खाबा ओतान। थेकी भोग बिन्‍गीन चढे खाबाते मन परे खाईन परमेश्‍वरगी हाबिलचेन थे खोरोङगी खि साबा च्‍योकराङ खित्‍कान्‍ते ईन सिन साबा ओतान। थोगी हाबिल थाङबो जुगलाराङ स्‍यिइन गाल्‍सीनोङ थेकी खाबाते काम ताला परमेश्‍वरला चुक खाला विश्‍वास खिता फाप्‍च्‍या ईन्‍दाका सिन ङुरूङगी थोरूमसाक लोपा थुप्‍क्‍यो।

याकूब 3:18

थोरूम च्‍यि सासीन परमेश्‍वरगी बिन्‍दाते बुद्धि ङेता ओताते मिओनगीचेन ज्‍येनला डिक्‍ला थुन्‍ला देत ज्‍युत्‍क्‍यो। दोक खाला थेबेकी काम बात जे खासीनोङ परमेश्‍वरला मन परे खित्‍च्‍येते खिओ।

१ पत्रुस 3:15

बरू येशू ख्रीष्‍टराङ खेराङ मालिक ईन सिन टोक माज्‍येत, थेला मान खि। थेमे परमेश्‍वरगी तिरी तेरग्‍यो साबातेबा ङेत्‍क्‍यो सिन खेराङगी आश खाबाते पक्‍काराङ ङेत्‍क्‍यो सिन ख्‍योकोन चुक खाला सिते सिन ठिकान गाङेला ख्‍योकोनगी जहिलेङ लाःप्‍ला बिन। थेबे सेमला फोक्‍च्‍येते बात छ्याःङ मिक्‍किता खाला थोक्‍ते मिओनताङ ख्‍योकोनगी खा छ्येत लेमु खाला बात खि।

१ पत्रुस 3:2

ख्‍योकोन लेमु बानी बिवारा ओताते थेमे थेबाला मान खाबाते थोङनामेई थेबेकीङ प्रभु येशूला विश्‍वास खिओ।

१ यूहन्‍ना 4:10

परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।

१ यूहन्‍ना 4:19

गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।