यूहन्‍ना 15:10 - जिरेल

¹⁰ ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 15:10 Iomraidhean Croise

यूहन्‍ना 10:18

ङा ङाराङगीराङ स्‍या सेम माक्‍याबा ईन्‍सीन ङाला सुङगीङ सेता मुथुबो। ङाराङ खुशीकी ज्‍यान बिन्‍ला स्‍यिच्‍येते थेमे लोक्‍ला सोम्‍बो लोक्‍च्‍येते दि गाङे ङे लाःक्‍तुराङ ओत। ङाला थोक खि सिन आबेकीराङ कोता ओत,” सिन बात खासुङ।

यूहन्‍ना 12:49

च्‍यिला सासीन ङे खाबाते बाततेबा ङाराङगी जोकीन खाबाते मेन। ङेनी ङाराङला दुरू तोङकान्‍ते आबेकी कोता कोताते बातकामा खाबाते ईन।

यूहन्‍ना 14:15

ख्‍योकोनगी ङाला ङिङज्‍ये खासीन ङे खि सिन कोतातेङ खिओ।

यूहन्‍ना 14:21

जसकी ङे खि सिन कोताते ङेन्‍ला खि साबाच्‍योक खिदुक, ङाला ङिङज्‍ये खित्‍कान्‍ते मि थेराङ ईन। ङाला ङिङज्‍ये खित्‍कान्‍ते मिलाचेन आबेकीङ ङिङज्‍ये खिओ। थोकराङ खाला ङाङ थेला ङिङज्‍ये खिओ थेमे ङा चुक छ्ये ईन्‍दे सिन थेला झन लेमु खाला छ्या स्‍ये ज्‍युत्‍क्‍यो,” सिन बात खासुङ।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 14:31

ङे आबाला ङिङज्‍ये खित्‍च्‍याक्‍वा थेमे थेकी खि साबा साबाकामा खित्‍च्‍याक्‍वा सिन दि सा लुङबे मिओनगी छ्या स्‍येबाराङ फाप्‍क्‍यो। लो ल्‍वा, था ङुरूङ दुरूकी डुइ,” सिन सिदुक।

यूहन्‍ना 17:4

आबा खुई खि साबाते काम जति ङे खाईन सिन्‍दा खाबा ओत। थे कामतेबा खित्‍जीन आबा खोत्ताङ चुक छ्येज्‍यीक शक्ति ओते सिन दि सा लुङबे मिओनला ङे तेन्‍गीन बिन्‍दा ओत।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 8:29

ङाला दुरू तोङकान्‍ते ङात्ताङ ङ्योम्‍बुराङ ओत। ङे थेला मन परे खित्‍च्‍येते कामकामा खित्‍च्‍येते ईन्‍देकी थेकी ङाला च्‍यिकराङ ज्‍याक्‍पा मेत,” सिन सिदुक।

यूहन्‍ना 8:55

थे सु ईन्‍दे, चुक्‍ते ईन्‍दे सिन ख्‍योकोनला छ्याःङ छ्या मेत्‍सीनोङ ङालानी लेमु खाला छ्या ओत। ङे थे सु ईन्‍दे, चुक्‍ते ईन्‍दे सिन छ्या मेत साबा ईन्‍सीन ङाङ ख्‍योकोन च्‍योकराङ ढाँर खित्‍कान्‍ते ओङच्‍या ओतान। थे सु ईन्‍दे, चुक्‍ते ईन्‍दे सिन ङालानी लेमु खाला छ्या ओत। थेमे ङा थेकी साबाते बात ङेन्‍ग्‍यो।

१ कोरिन्‍थी 7:19

जीउला खतकी चिनु जोच्‍येतेताङ मोजोच्‍येते छ्येते बात छ्याःङ मेन। छ्येते बातनी परमेश्‍वरगी खि साबा साबा खित्‍च्‍येतेराङ ईन।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

२ पत्रुस 2:21

परमेश्‍वरगी खि साबाते खोपरोङला लाप्‍कीन बिन्‍दाते बात ङेन्‍दाला स्‍यूनामेकी थे ङेन्‍दा तोङा भन्‍दानी थेबेकी बरू परमेश्‍वरगी मिओनगी चुक खिता फाप्‍कीते सिन साबाते होदि बात नोमुङ छ्या मास्‍येबा ईन्‍सीन लेमु ओङच्‍या ओतान।

१ यूहन्‍ना 2:3

थेमे परमेश्‍वरगी खि सिन कोताते खानामेकी ङुरूङगी परमेश्‍वर सु ईन्‍दे, च्‍यि खिते सिन लेमु खाला छ्या स्‍येक्‍यो।

१ यूहन्‍ना 2:5

सुइँदेकी परमेश्‍वरगी खि सिन कोताते खिदुक सासीन थे खोरोङगी ङिङज्‍ये खाईन खिता चालाते काम परमेश्‍वरगी थोक्‍ते मि जुनीदु पूरो खाला खिओ। ङुरूङगी दाक्‍पोन परमेश्‍वरताङ डिक्‍ला देत्‍कान्‍ते ईन सिन चुक खाला छ्या स्‍येकीते सासीन

१ यूहन्‍ना 2:6

परमेश्‍वरताङ डिक्‍ला देत्‍कान्‍ते ईन सिन सिरकान्‍ते मिकीचेन काम बात जे खित्‍जीनोङ येशूकी खाबा च्‍योकराङ खिता फाप्‍क्‍यो।

१ यूहन्‍ना 5:3

परमेश्‍वरला ङिङज्‍ये खित्‍च्‍या सिरातेचेन थेकी खि सिन कोताते खित्‍च्‍येते ईन। थेकी खि सिन कोताते खिताला दुक्‍पाङ मेत।

छ्या स्‍ये च्‍युताते बात 22:14

दाक्‍पोन खोलाक टुला सफा जोला ज्‍य्‌वाकान्‍ते मिओन भाग्‍यमानी ईन। थोक खानामेई थेबेकी नोमुङ मिसिन्‍च्‍येते जुनी ङेत्‍च्‍येते दोङबो फलफूल सा ङेत्‍क्‍यो। थेबा थे सारगी गोनेकी खाला थे नाङ स्‍यूक्‍पा ङेत्‍क्‍यो।