यूहन्‍ना 14:9 - जिरेल

⁹ थेरूई येशूकी “ङा ख्‍योकोनताङ दोक काल्‍बासाक ङ्योम्‍बु देत्‍सीनोङ च्‍यि खुई ङाला छ्या स्‍येबा मेतरो फिलिप? ङाला थोङकान्‍ते मिकी आबालाङ थोङाते ईन। थेमे चुक खाला खो ‘आबा चुकस्‍यिक ओते सिन तेन्‍ला नाङ,’ सिते?

यूहन्‍ना 14:9 Iomraidhean Croise

मर्कूस 9:19

थोक सिरजीन येशूकी थेला “ख्‍योकोन था समय मिओन परमेश्‍वरला विश्‍वास खितराङ मिक्‍किकान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङ देत्‍च्‍ये? थे फिजाला दुरू खोरच्‍योक,” सिन सिदुक।

लूका 12:56

मुक्‍पाताङ ल्‍हाबे बात विचार खाला च्‍यि च्‍यि ओङगीते सिन सिरा थुप्‍जीन परमेश्‍वरगी खेराङ मिगी दोन्‍दुराङ खिन ओताते कामओन थोङलाङ थेकी च्‍यि खिन दुका सिरच्‍येते बातचेन ख्‍योकोन च्‍यिला छ्याःङ माखोबा च्‍योकराङ खाला देत्‍कीते? ख्‍योकोन चुक्‍तेन्‍दे ईन्‍दाका।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 12:45

थोकराङ खाला ङाला थोङकान्‍ते मिकीचेन ङाला दुरू तोङकान्‍तेलाङ थोङाते ईन।

यूहन्‍ना 14:20

ङाला थोङे छोमु आबाताङ ङा दोक्‍पोईराङ दुका, ङा ख्‍योकोन सेमगी नाङ देत्‍च्‍याक्‍वा थेमे ख्‍योकोनोङ ङात्ताङ जीउज्‍यीकराङ ओङा ओताक्‍वा सिन ख्‍योकोनगी लेमु खाला छ्या स्‍येक्‍यो।

यूहन्‍ना 14:7

ङा सु ईन्‍दे सिन छ्या स्‍येबा ईन्‍सीन ख्‍योकोनगी आबालाङ लेमु खाला छ्या स्‍येच्‍या ओतान। थानामेईचेन ख्‍योकोनगी थेला थोङला छ्या स्‍येक्‍यो,” सिन सिदुक।

यूहन्‍ना 8:19

थेमे थेबेकी “खुई आबा खापा ओते ओना?” सिन सिरजीन थेकी “ख्‍योकोनगी ङालाङ छ्या मेस्‍येदुक, ङे आबालाङ। ङाला छ्या स्‍येबा ईन्‍सीन ख्‍योकोनगी आबालाङ छ्या स्‍येच्‍या ओतान,” सिन सिदुक।

१ कोरिन्‍थी 15:12

दोक खाला ङ्योकोन ख्रीष्‍टला परमेश्‍वरगी सोम्‍बो लोक्‍पा ओत सिन ज्‍येनला लोप्‍क्‍यो। ईन्‍सीनोङ मि पालोई स्‍यिनामेकी सोम्‍बोराङ मोलोगो सिन ख्‍योकोन कोई कोई चुक खाला सिते?

फिलिप्‍पी 2:6

चुक सासीन परमेश्‍वर जस्‍तो ईन येशू ख्रीष्‍टोङ गोमामेईराङ होथोकराङ ओतान, छ्याःङ खुदुक मेतान। परमेश्‍वरला ताला छ्याःङ खुदुक मेत्‍सीनोङ थोक्‍ते हक तोङाला थेकी दुक्‍पा माने माक्‍यासुङ।

कलस्‍सी 1:15

परमेश्‍वर दोकस्‍यिकराङ दुक सिन मि मिगी थोङा माथुप्‍सीनोङ परमेश्‍वर फुज्‍युङला ताला परमेश्‍वरताङ थेला छ्याःङ फरक मेताक्‍वा सिन लेमु खाला छ्या स्‍येक्‍यो। परमेश्‍वरगी ओताते जति गाङे ज्‍वा भन्‍दा गोमामेई परमेश्‍वर फुज्‍युङ ओत्‍कीन ओतान।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।