यूहन्‍ना 14:4 - जिरेल

⁴ ङा डोसादु लेप्‍च्‍येते लाम ख्‍योकोनलाङ छ्या ओत,” सिन सिदुक।

यूहन्‍ना 14:4 Iomraidhean Croise

लूका 24:26

थेबेकीचेन परमेश्‍वरगी तोङगो साबाते ख्रीष्‍टकी दुरू वाला आउदी दुक्‍पा भोगे खाला स्‍या फाप्‍क्‍यो। थेमेकामा सोम्‍बो लोक्‍ला स्‍वर्गने परमेश्‍वर दोन्‍दु देता ङेत्‍क्‍यो सिन साबा ओत मेन?” सिन सिदुक।

यूहन्‍ना 10:9

नाङने स्‍यूक्‍च्‍येते गोचेन ङाराङ ईन। सुइँदा ङे छ्य्‌वापेकी खाला नाङने स्‍यूइदुक सासीन ङा थेला मेलेबा ओङसादुकी जोए खिओ। लुई गोठालेकी ङीमे ठाङमा लुक छोर खेराताङ खोरदु खुलाङाच्‍योक खाला ङाङ ङाराङ मिओनला गोच्‍येते जति बिन्‍ला लेमु खाला तेइओ।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

यूहन्‍ना 13:3

जस्‍तोङ खिता थुप्‍च्‍येते शक्ति आबातेकी थे खोरोङला बिन्‍दा ओत सिन येशूला छ्या ओतान। परमेश्‍वरगी थे खोरोङला दुरू ताङाते ईन थेमे था थे ओत्‍सादुराङ ग्‍युरला डुइन ओत सिनोङ थेला छ्या ओतान।

यूहन्‍ना 14:2

ङे आबे खाम्‍बादु देत्‍च्‍येते ठाउँ काल्‍बेई ओत। थोक मेता ईन्‍सीन ङा ओत सिरच्‍या मेतान। ङा ख्‍योकोन लाईदु ठाउँ ठीक खिताला डुइओ।

यूहन्‍ना 14:28

‘ङा ख्‍योकोनला ताङला डुइन ओत। थेमे लोक्‍ला ख्‍योकोन ओत्‍सादु ग्‍युरला ओङगो,’ सिन ङे ख्‍योकोनला साबाते ख्‍योकोनगी थोबाराङ ओत। ख्‍योकोनगी ङाला ङिङज्‍ये खाबा ओता ईन्‍सीन ङा आबा ओत्‍साने ग्‍युरला डोजीन ख्‍योकोन गा खित्‍च्‍या ओतान। ङा भन्‍दाचेन थेराङ छ्ये ईन।

यूहन्‍ना 14:3

ठाउँ ठीक खाला ङा ख्‍योकोनला लिन्‍दाला लोक्‍ला ओङगो। थेमे ख्‍योकोनोङ ङात्ताङ ङ्योम्‍बुराङ देता ङेत्‍स्‍यीत सिन ङा ख्‍योकोनलाङ ङाराङ देत्‍सादुराङ देताला खेरग्‍यो।

यूहन्‍ना 14:5

थेमे थोमेकी “प्रभु, खो खापा डुइते सिन ङ्योकोनला छ्या मेत। थोगी खो डोसादु लेप्‍च्‍येते लाम ङ्योकोनगी चुक खाला छ्या स्‍येकीते?” सिन सिदुक।

यूहन्‍ना 16:28

ङा आबा ओत्‍सानेकी दि सा लुङबादु वाबाते ईन। थेमे याङराङ थे ओत्‍सानेराङ ग्‍युरला डुइन ओत,” सिन सिदुक।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।