यूहन्‍ना 14:2 - जिरेल

² ङे आबे खाम्‍बादु देत्‍च्‍येते ठाउँ काल्‍बेई ओत। थोक मेता ईन्‍सीन ङा ओत सिरच्‍या मेतान। ङा ख्‍योकोन लाईदु ठाउँ ठीक खिताला डुइओ।

यूहन्‍ना 14:2 Iomraidhean Croise

लूका 14:22

थेमे थेकीङ कोता च्‍योकराङ खाईन मिओन काताङगीन खुलानामेई खाम्‍बे धनी ओत्‍सादु ख्‍योल्‍गीन ‘ङे हजूरगी साबा च्‍योकराङ खाबाप। ईन्‍सीनोङ थोरूमोङ खाम्‍बा खाङा मिन्‍दुक,’ सिन सिरजीन

यूहन्‍ना 13:33

ङे फिजावे, था ङा काल्‍बासाक ख्‍योकोनताङ मेदेदो। थेजीन ख्‍योकोनगी ङाला छोल्‍ग्‍यो। ईन्‍सीनोङ थोङला यहूदीओनते छ्ये छ्ये मिला साबा च्‍योकराङ खाला थाल्‍ला ङा ख्‍योकोनलाङ च्‍यि सिते सासीन ‘ङा डोसादु ख्‍योकोन ओङा मुथुबो।’

यूहन्‍ना 13:36

येशूकी थोक सानामेई शिमोन पत्रुसकी “प्रभु, खो खापा डोच्‍ये?” सिन ठिसुङ। थेमे थेकी “ङा डोसादु खो थरिङ ङात्ताङराङ ड्वा मुथुबो। ईन्‍सीनोङ खो तिरी ङीमाई थेरू लेप्‍क्‍यो,” सिन सिदुक।

यूहन्‍ना 14:28

‘ङा ख्‍योकोनला ताङला डुइन ओत। थेमे लोक्‍ला ख्‍योकोन ओत्‍सादु ग्‍युरला ओङगो,’ सिन ङे ख्‍योकोनला साबाते ख्‍योकोनगी थोबाराङ ओत। ख्‍योकोनगी ङाला ङिङज्‍ये खाबा ओता ईन्‍सीन ङा आबा ओत्‍साने ग्‍युरला डोजीन ख्‍योकोन गा खित्‍च्‍या ओतान। ङा भन्‍दाचेन थेराङ छ्ये ईन।

यूहन्‍ना 16:4

तिरी ख्‍योकोनला थोक ओङजीन ङे दोक दोक ओङगो सिन साबा ओतान सिन ख्‍योकोनगी ठेम्‍बा खित्‍स्‍यीत सिनराङ ङे दि बाततेबा साबाते ईन। ङा थोङला ख्‍योकोनताङ ङ्योम्‍बुराङ ओतेकी थेजीन ङे दि बाततेबा साबा मेतान।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

शक्ति काम 9:16

ङा सु ईन्‍दे सिन लोप्‍जीन थेकी आउदी दुक्‍पा खपे खिता फाप्‍क्‍यो सिरच्‍येते बादोङ ङा थेला सिओ,” सिन सिदुक।

२ कोरिन्‍थी 5:1

थरिङोले ङुरूङ जीउ ङीमा ङि सुम देताला टाँए खाबाते पाल च्‍योक्‍तेकामा ईन। स्‍यिनामेकी ङुरूङ दाक रूल्‍ला डुइओ सिन ङुरूङला छ्या ओत। ईन्‍सीनोङ था तिरी परमेश्‍वरगी ङुरूङला नोमुङ स्‍यिला रूल्‍ला मोन्‍डोच्‍येते जीउ तेरग्‍यो। थे जीउचेन मिकी जोबाते खाम्‍बा च्‍योक मेन्‍देकी नोमुङ माराम्‍च्‍येते स्‍वर्गे खाम्‍बा च्‍योक्‍ते ईन।

१ थिस्‍सलोनिकी 5:9

परमेश्‍वरगी ङुरूङला छाने खाबाते स्‍येदाङगी चूर गाल्‍ला सजाय तेराला मेन, ङुरूङ प्रभु येशू ख्रीष्‍टकी खाबाते कामगी खित्‍सादु पूरो खाला पापदुकी टाल्‍ला स्‍वर्गने देत ज्‍युताप सिन ईन।

तीतस 1:2

ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

हिब्रू 11:10

अब्राहामनी नोमुङ राम्‍ला तोरला मोन्‍डोच्‍येते सारदु देता ङेत्‍क्‍यो सिरच्‍येते बातका पत्ते खाईन होथे सारदु देता ङेत्‍क्‍यो सिन गुकीन देता ओतान। थे सारचेन परमेश्‍वर थे खोरोङगी दोक खाला ज्‍वामीन साकीन थेकीराङ जोबाते ईन।

हिब्रू 13:14

च्‍यिला सासीन दि सा लुङबा ङुरूङते सधैँ देत्‍च्‍येते ठाउँ मेन, ङुरूङनी था स्‍वर्गने ओताते सारदु देतालाका गुकीन देता ओत।

हिब्रू 9:8

दि बातकी छ्य्‌वापेई परमेश्‍वर आत्‍मेकी मिओनला लेमु खाईन दि बात छ्या स्‍ये ज्‍युता चाला ओतान। च्‍यि सासीन थे पालगी नाङ गोमे कोठा ओत ओतसाक थे कोठा भन्‍दाङ आउदी चङगेते परमेश्‍वरराङ देत्‍च्‍येते ठाउँ सासादु डोच्‍येते लाम थोरूमसाक खुले खाबा मेत सिरच्‍येते बात थेकी छ्या स्‍ये ज्‍युता चाला ओतान।

छ्या स्‍ये च्‍युताते बात 21:2

थेमे परमेश्‍वर सार सिरच्‍येते साम्‍बाते यरूशलेम परमेश्‍वर देत्‍सादुई स्‍वर्गनेकी थुल्‍लाला फाप्‍कीन ओताते ङे थोङसुङ। थे सारचेन लेमु लेमु खोलाकताङ गहनातेबा कोन्‍गीन बेउले लाईदु ठीक खाईन ज्‍याक्‍पाते बेउली च्‍योकराङ थोङगीन ओतान।

छ्या स्‍ये च्‍युताते बात 3:12

शैतान शक्तिला ग्‍याल्‍कान्‍ते मिला ङा ङे परमेश्‍वर मन्‍दिरदु थाम जोला ज्‍य्‌वाक्‍यो। थेमे थे सधैँ थेरूराङ देत्‍क्‍यो। थे मि लाक्‍तु ङा ङे परमेश्‍वर मिन टिइओ। थोकराङ खाला ङा स्‍वर्गनेकी ङे परमेश्‍वर छ्य्‌वापेई ओङच्‍येते परमेश्‍वर सार साम्‍बाते यरूशलेम मिनताङ ङाराङ साम्‍बाते मिनोङ थे मि लाक्‍तु टिइओ।

छ्या स्‍ये च्‍युताते बात 3:21

शैतान शक्तिला ग्‍याल्‍कान्‍ते मिला ङा ङाराङ सिंहासनदु ङाराङताङ देत ज्‍युत्‍क्‍यो। शैतानला ग्‍याल्‍गीन ङाङ ङे आबे सिंहासनदु थेत्ताङराङ देता ओत।