यूहन्‍ना 13:5 - जिरेल

⁵ थेमे नोतज्‍यीकला छ्यु लुगीन रेरे रेरे खाईन चेलातेबे काम्‍बा टुला तेरगीन थे खोरोङ केतापा च्‍यिबाते तौलिकी पिला तेरगीन खिताला स्‍यूसुङ।

यूहन्‍ना 13:5 Iomraidhean Croise

लूका 7:38

थेमे येशू देत्‍सादु ल्‍हाकनापा लेप्‍कीन थे आउदी खाईन ङ्वाप्‍ला स्‍यूसुङ। थोक खाला ङुजीन मिकच्‍युक फाप्‍कीन म्‍वाबाते येशू काम्‍बा थे मोरोङ टेकीराङ पिकीन बिन्‍सुङ। थेमे छ्ये छ्ये गुरूला खिताच्‍योक खाईन मान खासुङ। थेमे थे स्‍यीम्‍बुते बास्‍ना चले खित्‍च्‍येते मोर्गुङ थे काम्‍बाला कुकीन बिन्‍सुङ।

लूका 7:44

थेरूई थे फेम्‍मे मि ओत्‍सापाला ग्‍युरगीन थेकी शिमोनला “लो दि फेम्‍मे मिला ताला विचार खि। ङा दुरू ओङजीन खुई ङाला काम्‍बा ठुताला छ्युङ माबिन्‍सुङ। तर दिकीचेन दि मोरोङ मिकच्‍युककी ङे काम्‍बा म्‍वाकीन दि मोरोङ टेकीराङ पिकीन बिन्‍सुङ।

यूहन्‍ना 13:10

सिरजीन थेकी “ठु खाईन सिन्‍दाते मिकी खालि काम्‍बाकामा टुसीन ओङगो। ख्‍योकोन जीउ ठु खाईन सिन्‍दाते मि ईन। ईन्‍सीनोङ ख्‍योकोन नाङ गाङेराङचेन दोक्‍ते मेन,” सिन सिदुक।

यूहन्‍ना 13:6

थोक खिन थे शिमोन पत्रुस दोन्‍दु लेप्‍सुङ। थेमे थेकीचेन “आबिई प्रभु, च्‍यि खुईका ङे काम्‍बा टुला तेरच्‍या?” सिन सासुङ।

यूहन्‍ना 13:8

थेरूई पत्रुसकी “मेङगो मेङगो, प्रभु खुई ङे काम्‍बा नोमुङ ठुता मेङगो,” सिन काम्‍बा ठुत ज्‍युता मोछोल्‍जीन थेकी “ङे खुई काम्‍बा टुकीन माबिन्‍सीन खो ङात्ताङ डिक्‍पाराङ मुथुबो,” सिन सिदुक।

यूहन्‍ना 19:34

तर मिल्‍टेरीज्‍यीगी येशू कोखापा बार्सा रोपे खासुङ। थेरूकी ठाकताङ छ्यु थेन्‍सुङ।

शक्ति काम 22:16

थोगी खुई था छ्याःङ अलमल मिक्‍किता खाला येशूला प्रभु सिन प्रार्थना खाला बप्‍तिस्‍मा लोङ। थेमे खोरोङगी थातासाक खाबाते पापतेबा गाङे परमेश्‍वरला माफ नाङ सि। दोक खानामेई थेकी खोल्‍ला माफ तेरग्‍यो,’ सिन सिदुक।

१ कोरिन्‍थी 6:11

ख्‍योकोनोङ कोई कोई गोमाबा होथोक्‍ते मिराङ ओतान। तर प्रभु येशू ख्रीष्‍टताङ परमेश्‍वर आत्‍मेकी ख्‍योकोनला ठु खाईन चोके खाबाच्‍योक खाईन पापदुकी टाल्‍गीन बिन्‍दा ओत, ख्‍योकोन सेम खुदुक जोबा ओत थेमे परमेश्‍वर दोन्‍दु दोषी मेन साबा ओत।

एफिसी 5:26

थेकी थोक खाबातेचेन थेबा परमेश्‍वरला मन परे खित्‍च्‍येते मि ओङस्‍यीत सिनराङ ईन। दोक ओङाला छ्युला लुक्‍ला बप्‍तिस्‍मा तेरजीन थेमे थेजीन लापाते परमेश्‍वर बातकी छ्य्‌वापेई थेकी थेबाला पापदुकी टाल्‍गीन बिन्‍सुङ।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

हिब्रू 10:22

बात दोक दोक ईन्‍देकी छ्याःङ शंका मिक्‍किता खाला परमेश्‍वरला विश्‍वास खिन सेमदु पाप सिराते छ्याःङ मोज्‍योबा खाला ङुरूङ थे दोन्‍दु ड्वा फाप्‍क्‍यो। च्‍यिला सासीन येशू ख्रीष्‍टकी खाबाते कामगी खित्‍सादु ङुरूङ पाप गाङे माफ ओङेकी था ईन्‍सीन ङे पाप पूरो खाईन माफ ओङसुङ सिन ङुरूङ ढुक्‍क खाला देता थुप्‍च्‍या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।

१ यूहन्‍ना 5:6

येशू ख्रीष्‍ट स्‍वर्गनेकी देमा वाकीन छ्युला स्‍यूला लिन्‍च्‍येते बप्‍तिस्‍मा लाबा ओतान। थेमे ङुरूङ लाईदु थे खोरोङ ज्‍यान बिन्‍गीन स्‍या ओतान। थेकी छ्युला स्‍यूकीन बप्‍तिस्‍मा लाबातेकामा मेन, थे खोरोङ ज्‍यानराङ बिन्‍गीन स्‍या ओतान। दि बाततेबा परमेश्‍वर आत्‍मेकी ईन सिन सिओ। परमेश्‍वर आत्‍माचेन साँचोते बात खित्‍कान्‍ते ईन।

छ्या स्‍ये च्‍युताते बात 7:14

ङे थेला “दिबा सु ईन्‍दे सिन हजूर खोल्‍लाराङ छ्या ओत,” सिन सिरजीन थेकी “दिबाचेन आउदी छ्ये छ्ये दुक्‍पा खपे खाईन वाबाते मि ईन। दिबेकी खोपरोङ खोलाक लुई रीउकी ठाकला टुकीन दोक कार्मु जोबाते ईन।