यूहन्‍ना 13:3 - जिरेल

³ जस्‍तोङ खिता थुप्‍च्‍येते शक्ति आबातेकी थे खोरोङला बिन्‍दा ओत सिन येशूला छ्या ओतान। परमेश्‍वरगी थे खोरोङला दुरू ताङाते ईन थेमे था थे ओत्‍सादुराङ ग्‍युरला डुइन ओत सिनोङ थेला छ्या ओतान।

यूहन्‍ना 13:3 Iomraidhean Croise

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

लूका 10:22

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो,” सिन सिदुक।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 13:1

निस्‍तार चाड लेपा लेपा खाबा ओतान। था थे खोरोङ दि सा लुङबादुकी आबाते ओत्‍साने ग्‍युरला डोच्‍येते बेला लेपा खासुङ सिन येशूकी छ्या स्‍येबा ओतान। थेकी थे खोरोङगी ङिङज्‍ये खाबाते दुरू ओताते थे खोरोङ मिओनला थोई ङिङज्‍ये खिते सिन तेन्‍ला तेरा थुपासम्‍म तेन्‍गीन बिन्‍सुङ।

यूहन्‍ना 17:2

थोक खिताला खुई खोरोङ फुज्‍युङला मि गाङेला राज्‍य खित्‍च्‍येते अधिकार बिन्‍दा ओत। दोक खाईन खुई थे लाःक्‍तु जिम्‍मा बिन्‍दाते मि गाङेला थेकी नोमुङ मिसिन्‍च्‍येते जुनी तेरग्‍यो।

यूहन्‍ना 3:13

परमेश्‍वर ओत्‍सादुई वाबाते मि ङा बाई थातासाक स्‍वर्गने ज्‍येन मि सुङ ख्‍योलाङ मेत, थेनेकी देमा वाबाङ मेत।

यूहन्‍ना 3:35

आबातेकी थे खोरोङ फुज्‍युङला आउदी ङिङज्‍ये खिओ। थेमे थेकी ओताते जति गाङे थे लाःक्‍तुराङ जिम्‍मा बिन्‍दा ओत।

यूहन्‍ना 7:29

ङालानी लेमु खाला छ्या ओत। च्‍यिला सासीन ङा थे ओत्‍सादुईराङ वाबाते ईन। थेमे ङाला तोङकान्‍तेङ थेराङ ईन,” सिन सिदुक।

यूहन्‍ना 7:33

थोरूमोङ बात खिन येशूकी “था टिक्‍पी दिनसाककामा ङा ख्‍योकोनताङ देत्‍क्‍यो। थे तिरी ङा दाक ङाराङला दुरू तोङकान्‍ते ओत्‍साने ग्‍युरला डुइओ।

यूहन्‍ना 8:14

थोक सिरजीन थेकी “ङा ङाराङगी ङाराङ बात खासीनोङ खालि ईन्‍दाते बातकामा खिओ। च्‍यिला सासीन ङा ङाराङ खापेकी वाबाते ईन्‍दे थेमे था तिरी खापा डुइते सिन ङाला लेमु खाला छ्या ओत। ख्‍योकोनलाचेन ङा खापेकी वाबाते ईन्‍दे थेमे खापा डुइते सिन छ्याःङ छ्या मेत।

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

१ कोरिन्‍थी 15:27

च्‍यिला सासीन परमेश्‍वर बातला “परमेश्‍वरगी ओताते जति गाङेला थे तिङबे ओक्‍तु ज्‍याक्‍ला तेरग्‍यो,” सिन टिबा ओत। ओताते जति गाङेला थे तिङबे ओक्‍तु ज्‍याक्‍ला तेरग्‍यो साबाते परमेश्‍वर खोरोङोङ थे तिङबे ओक्‍तु ओङगो साबाते मेन। दोक साबातेनी गाङेला ख्रीष्‍टकी तिङबे ओक्‍तु ज्‍याक्‍ला तेरकान्‍तेचेन परमेश्‍वर ईन साबाते ईन।

हिब्रू 1:2

थरिङोला दि जुग सिन्‍दे खालाचेन थेकी थे खोरोङ फुज्‍युङ छ्य्‌वापेई ङुरूङताङ बात खाबा ओत। दि सा नाम थेमे सा नाम खाङ ओताते जति गाङे परमेश्‍वरगी थे खोरोङ फुज्‍युङ छ्य्‌वापेईराङ जोबा ओतान। दोक खाईन जोबाते गाङे ङेत्‍कान्‍ते थेराङ ईन सिन परमेश्‍वरगी साबा ओत।