यूहन्‍ना 13:13 - जिरेल

¹³ ख्‍योकोनगी ङाला खेराङ गुरू थेमे खेराङ मालिक ईन सिन खिदुक। ख्‍योकोनगी थोक साबाते ठीकराङ ईन। ङा ख्‍योकोनगी साबा च्‍योकराङ ईन।

यूहन्‍ना 13:13 Iomraidhean Croise

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

लूका 10:28

थेकी थोक सिरजीन येशूकी थेला “खुई ठीकराङ सिदुक। खो परमेश्‍वर नियमला खि साबा ओता च्‍योकराङ खि। थेमे नोमुङ मिसिन्‍च्‍येते जुनी ङेत्‍क्‍यो,” सिन सिदुक।

लूका 6:46

थेमे ख्‍योकोन ङे साबाते बात ङेनराङ मेङेन्‍कान मिङ ङाला माने खित्‍च्‍या सिन प्रभु खो छ्ये ईन सिन च्‍यिला सिते?

लूका 7:43

थोक सिरजीन शिमोनगी “ङालानी थे ऋण काल्‍बेई ज्‍येला फाप्‍च्‍या ओताते मिकीराङ थे साहूला खुई थोई लेमु खासुङा सिन आउदी गा खितासीन सिराच्‍योक लाङगीदुक,” सिन सिदुक। थेमे येशूकी “खुई ठीकराङ सिदुक,” सिन सिदुक।

यूहन्‍ना 11:2

बाजिई प्रभु येशू काम्‍बाला बास्‍ना चले खित्‍च्‍येते मोर्गु कुला थे मोरोङ टेकी पिला तेरकान्‍ते मरियम दिराङ ओतान। थेमे होदिते न्‍वाते नाबा ओतान।

यूहन्‍ना 11:28

दि बात खाईन सिन्‍नामेकी थे खाम्‍बापा ग्‍युरगीन गाल्‍सुङ। थेमे नुमुतेला थे मोरोङ खादु काताङगीन खोले खाईन “गुरू वादुक। थेकी खोल्‍ला ठेता खित स्‍योक्‍लो,” सिन सिदुक।

यूहन्‍ना 11:3

लाजरस थोक खाईन नाबेकी आज्‍यीतेबा ङिबोकी “प्रभु, खुई ङिङज्‍ये खित्‍च्‍येते खोरोङ र्‍वा आउदी खाईन नाबा ओत,” सिन येशूला लोन ताङसुङ।

१ कोरिन्‍थी 12:3

ख्‍योकोनगी दि बात छ्या स्‍येबा खि। च्‍यि सासीन परमेश्‍वर आत्‍मे छ्य्‌वापेई बात खित्‍कान्‍ते मि सुङगीङ येशूला मोता सराप मिक्‍किओ। थोकराङ खाला परमेश्‍वर आत्‍मे छ्य्‌वापेई बाई सुङगीङ येशूराङ छ्ये ईन, थेराङ प्रभु ईन सिन सिरा मुथुबो।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

एफिसी 6:9

थेमे मालिकतेबा ख्‍योकोनगीङ दाक्‍पोन योक्‍पो योङमुला लेमु खि। थेबाला ज्‍यीबा तेन्‍ला तेन्‍ला काम माकोत। ख्‍योकोनतेङ स्‍वर्गने मालिक ओत। थेचेन थेबेतेङ ख्‍योकोनतेङ मालिक ईन। थेमे थेकी सुङलाङ काका पाका मिक्‍किता खाला न्‍याय खिओ सिन ख्‍योकोनगी टोक माज्‍येत।

फिलिप्‍पी 2:11

थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

फिलिप्‍पी 3:8

ईन्‍दाबोङ येशू ख्रीष्‍टला ङाराङ मालिक ईन सिन छ्या स्‍येच्‍येते छेत छ्येते बात ज्‍येनतोक छ्याःङ मेन्‍दाक्‍वा। थोगी ङाराङ चुक्‍ते ईन्‍दे, चुक चुक खिन ओताने सिरच्‍येते बात छ्याःङ काम लै मिक्‍किच्‍याक्‍वा सिन छ्या स्‍येकीन ङे था थोक्‍ते बात खिता गाङे ताङाप। ङाराङते होथे गोमे बाततेबा सम्‍झे खित्‍जीन ङालानी किक्‍टो लाङच्‍येते फोर मैलो च्‍योकराङ लाकीन था थेते विचारराङ खिता ताङा ओत। ख्रीष्‍टला पूरो खाला छ्या स्‍येबा थुप्‍स्‍यीत

याकूब 2:19

परमेश्‍वर दोक्‍पोईकामा ओत सिन खुई साबाते बात पक्‍काराङ ईन। परमेश्‍वर दोक्‍पोईकामा ओत सिरच्‍येते बातनी ल्‍हन्‍डीक स्‍यिन्‍डीपकीङ ईन सिन सिओ। थेमे परमेश्‍वर ज्‍यीबेकी थेबाङ थुरथुर दारग्‍यो।