यूहन्‍ना 13:11 - जिरेल

¹¹ तिरी थे खोरोङला सुई धोका तेरगीते सिन लेमु खाला छ्या ओतेकीराङ थेकी “ईन्‍सीनोङ ख्‍योकोन नाङ गाङेराङचेन दोक्‍ते मेन,” सिन साबा ओतान।

यूहन्‍ना 13:11 Iomraidhean Croise

यूहन्‍ना 13:18

दि बात ङे थाल्‍ला ख्‍योकोन गाङेला साबाते मेन। ङा ङाराङगी छाने खाबाते गाङेला छ्या स्‍येक्‍यो। परमेश्‍वर बातला ‘ङात्ताङ ङ्योम्‍बु देत्‍ला सोला थुला खित्‍कान्‍ते मिराङ ङे शत्रु ओङगो,’ सिन टिबा ओत। दि बात साबा च्‍योकराङ ओङगो।

यूहन्‍ना 13:2

थे छोमु ग्‍वासे येशू थे खोरोङ चेलातेबाताङ साप साप्‍ला स्‍यूबा ओतान। थेमे शैतानगीचेन येशूला चुक खाला धोका तेरा फाप्‍कीते सिन शिमोन फुज्‍युङ यहूदा इस्‍करियोत सेमगी नाङ लाप्‍कीन बिन्‍गीन सिन्‍दा ओतान।

यूहन्‍ना 13:21

दि बात खाईन सिन्‍नामेई थेला आउदी मेलेबा लाबा ओतान। थेमे थेकी “दि बात ङेन। ख्‍योकोन नाङ दोक्‍पोईकी था ङाला धोका तेरग्‍यो,” सिन सिदुक।

यूहन्‍ना 13:26

थेमे थेकी “लो दि स्‍योबेन टुक्रा छाप्‍टोला पाला ङे जसला तेरगीदुक ङाला धोका तेरकान्‍ते मिचेन होथेराङ ईन,” सिन सिदुक। थेरूई थेकी स्‍योबेन टुक्राज्‍यीक छाप्‍टोला पाकीन च्‍याकीन शिमोन इस्‍करियोत फुज्‍युङ यहूदा इस्‍करियोतला बिन्‍सुङ।

यूहन्‍ना 17:12

ङा दुरू दिबाताङ देत देतसाक ङे दिबाला खुई ङाला बिन्‍दाते शक्ति छ्य्‌वापेई जोए खाईन ज्‍याक्‍पाप। नरककुण्‍डमा स्‍यूइओ सिन साबाते मिज्‍यीक बाई ङे सुङलाङ ङाराङ छ्य्‌वापेई ठाल माच्‍युत। ङे दोक खानामेई परमेश्‍वर बातला गोमाका साबाते बात साबा च्‍योकराङ ओङसुङ।

यूहन्‍ना 18:4

था थे खोरोङला च्‍यि ओङगीते सिन गाङे बात छ्या स्‍येकीन येशूकी थेबे दोन्‍दु गाल्‍गीन “ख्‍योकोनगी सुला चाले?” सिन सासुङ।

यूहन्‍ना 2:25

सु मि चुक्‍ते ईन्‍दे सिन थेला सुङगीङ लाःपा फाप्‍च्‍या मेतान। च्‍यिला सासीन मि सेम चुक ओङगीते सिन गाङे थेला लेमु खाला छ्या ओतान।