यूहन्‍ना 13:1 - जिरेल

¹ निस्‍तार चाड लेपा लेपा खाबा ओतान। था थे खोरोङ दि सा लुङबादुकी आबाते ओत्‍साने ग्‍युरला डोच्‍येते बेला लेपा खासुङ सिन येशूकी छ्या स्‍येबा ओतान। थेकी थे खोरोङगी ङिङज्‍ये खाबाते दुरू ओताते थे खोरोङ मिओनला थोई ङिङज्‍ये खिते सिन तेन्‍ला तेरा थुपासम्‍म तेन्‍गीन बिन्‍सुङ।

यूहन्‍ना 13:1 Iomraidhean Croise

मत्ती 26:45

थेमे चेलातेबा ओत्‍सादु ग्‍युरला ओङजीन थोरूमोङ थेबा सुमबो ङ्याल्‍गीनराङ देता ओता थोङगीन थेकी “च्‍यि ख्‍योकोन थोरूमोङ ङ्याल्‍गीनराङ देता ओत? लो थाचेन ख्‍योकोन ङ्याल्‍ला देत्‍सीनोङ देत। थानी ङेते दुक्‍पे बेलाङ लेपा खासुङ। था परमेश्‍वर ओत्‍सादुई वाबाते मि ङा पापीओन लाःक्‍तु फाप्‍कीन सिन्‍सुङ।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

लूका 22:53

ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देता ओतान। थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ। थाचेन ख्‍योकोनते ङाला जुम्‍ला दुक्‍पा तेरच्‍येते बेला लेप्‍सुङ। च्‍यिला सासीन मुन्‍दाक राज्‍य गेल्‍बो शैतानगी थे खोरोङते ओतातेबरी शक्ति चले खित्‍च्‍येते बेला दिराङ ईन,” सिन सिदुक।

लूका 9:51

येशू स्‍वर्गने डोच्‍येते बेला लेपा खाबा ओतान। थोगी थेकी यरूशलेमपा डोच्‍येते टुङ्गो खाईन थेपाराङ ड्वाप्‍ला स्‍यूसुङ।

यूहन्‍ना 11:55

थेजीन यहूदीओनते निस्‍तार चाड लेपा खाबा ओतान। थेमे युल युललेकी काल्‍बा च्‍योक मि खोपरोङ चोके खिताला थे चाडगी गोमाराङ यरूशलेमने लेपा ओतान।

यूहन्‍ना 12:23

थेमे थेकी थेबाला “था परमेश्‍वर ओत्‍सादुई वाबाते मि चुक छ्ये ईन्‍दे सिन परमेश्‍वरगी मिओनला छ्या स्‍ये ज्‍युत्‍च्‍ये बेला लेपा खासुङ।

यूहन्‍ना 13:29

थेबा गाङे पैसा यहूदेकीराङ ज्‍य्‌वाकीन ओतान। थोगी चेलातेबा कोईकीचेन थेकी यहूदाला थोक साबाते चाड माने खिताला च्‍यि च्‍यि गोकीते ङ्यो साबाते ईन्‍दा, ना दुक्‍पा ङेताते मिओनला खइँदा बिन साबाते ईन्‍दा सिन विचार खासुङ।

यूहन्‍ना 13:3

जस्‍तोङ खिता थुप्‍च्‍येते शक्ति आबातेकी थे खोरोङला बिन्‍दा ओत सिन येशूला छ्या ओतान। परमेश्‍वरगी थे खोरोङला दुरू ताङाते ईन थेमे था थे ओत्‍सादुराङ ग्‍युरला डुइन ओत सिनोङ थेला छ्या ओतान।

यूहन्‍ना 13:34

था ङा ख्‍योकोनला दोक खि सिन कोत्‍क्‍यो। च्‍यि सासीन ख्‍योकोन खेराङ नाङ ङिङज्‍ये खितरीङ खि। ङे ख्‍योकोनला ङिङज्‍ये खाबा च्‍योकराङ खाला ख्‍योकोनबरीकीङ खेराङ नाङ ङिङज्‍ये खि।

यूहन्‍ना 14:28

‘ङा ख्‍योकोनला ताङला डुइन ओत। थेमे लोक्‍ला ख्‍योकोन ओत्‍सादु ग्‍युरला ओङगो,’ सिन ङे ख्‍योकोनला साबाते ख्‍योकोनगी थोबाराङ ओत। ख्‍योकोनगी ङाला ङिङज्‍ये खाबा ओता ईन्‍सीन ङा आबा ओत्‍साने ग्‍युरला डोजीन ख्‍योकोन गा खित्‍च्‍या ओतान। ङा भन्‍दाचेन थेराङ छ्ये ईन।

यूहन्‍ना 14:31

ङे आबाला ङिङज्‍ये खित्‍च्‍याक्‍वा थेमे थेकी खि साबा साबाकामा खित्‍च्‍याक्‍वा सिन दि सा लुङबे मिओनगी छ्या स्‍येबाराङ फाप्‍क्‍यो। लो ल्‍वा, था ङुरूङ दुरूकी डुइ,” सिन सिदुक।

यूहन्‍ना 16:28

ङा आबा ओत्‍सानेकी दि सा लुङबादु वाबाते ईन। थेमे याङराङ थे ओत्‍सानेराङ ग्‍युरला डुइन ओत,” सिन सिदुक।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

यूहन्‍ना 17:16

दिबाङ ङा च्‍योकराङ दि सा लुङबे मि मेन।

यूहन्‍ना 17:26

खो सु ईन्‍दे, चुक्‍ते ईन्‍दे सिन ङे दिबाला छ्या स्‍ये च्‍युत्‍कीन बिन्‍दा ओत। ङा थोरूमोङ दोक खिनराङ देत्‍क्‍यो। खुई ङाला ङिङज्‍ये खाबा च्‍योकराङ दिबेकीङ खोपरोङ नाङ ङिङज्‍ये खितरीङ खित्‍स्‍यीत सिन ङा दिबे सेमगी नाङराङ देत्‍क्‍यो,” सिन आबातेला प्रार्थना खासुङ।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 18:4

था थे खोरोङला च्‍यि ओङगीते सिन गाङे बात छ्या स्‍येकीन येशूकी थेबे दोन्‍दु गाल्‍गीन “ख्‍योकोनगी सुला चाले?” सिन सासुङ।

यूहन्‍ना 19:28

थेमे येशूकी थे खोरोङगी खिता फाप्‍च्‍येते काम जति खाईन सिन्‍दाते छ्या स्‍येकीन “ङाला कोम्‍बा लासुङ,” सिन सिदुक। थेकी थोक सानामेई परमेश्‍वर बातला टिबा ओताते बात साबा च्‍योकराङ ओङसुङ।

यूहन्‍ना 2:13

यहूदीओनते निस्‍तार चाड लेपा खाबा ओतान। थेमे थे बेलाला येशूबाङ यरूशलेमने गाल्‍सुङ।

यूहन्‍ना 6:4

थे बेलाला यहूदीओनते निस्‍तार चाड लेपा खाबा ओतान।

यूहन्‍ना 7:30

थेकी थोक सिरजीन थेबेकी थेला जिन्‍दा चाल्‍सुङ। तर थेला जुम्‍ला छ्ये छ्ये मि लाःक्‍तु सोम्‍पे खित्‍च्‍येते बेला लेपा मेतेकी सुङगीङ थेला रिक्‍लाङ द्वा माथुप्‍सुङ।

यूहन्‍ना 7:6

थोक सिरजीन थेकी “मिओनला ङा सु ईन्‍दे सिन छ्या स्‍ये ज्‍युत्‍च्‍येते ङेते ठीक बेला थोरूमोङ लेपा मेत। ख्‍योकोनलाचेन जे खिता फाप्‍सीनोङ जुन बेलाङ ठीक ओङगो।

यूहन्‍ना 8:20

थेकी दि बाततेबा परमेश्‍वर मन्‍दिरदु भेटी चढे खित्‍से खादु देत्‍ला मिओनला लोप्‍जीन खाबा ओतान। मिओनगी थेला जुम्‍ला छ्ये छ्ये मि लाःक्‍तु सोम्‍पे खित्‍च्‍येते बेला लेपा मेतेकी थेजीनोङ सुङगीङ थेला छ्याःङ माक्‍यासुङ।

रोमी 8:37

तर दाक्‍पोनला जे ओङसीनोङ येशू ख्रीष्‍टकी ङुरूङला ङिङज्‍ये खाबा ओतेकी सुङगीङ थेमे दोक्‍ते दुक्‍पा छ्याःङगीङ ङुरूङला ग्‍याला मुथुबो सिन ङुरूङ सेम मेसेता खाला ढुक्‍कराङ खाला देत्‍क्‍यो।

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

हिब्रू 6:11

स्‍यि स्‍यिसाकराङ ख्‍योकोन गाङेकी दोकराङ खिन देत्‍स्‍यीत सिरच्‍येते ङ्योकोन सेम ओत। दोक खिनराङ देत्‍सीन परमेश्‍वरगी खेराङला तेरग्‍यो सिन साबातेबा पक्‍काराङ ङेत्‍क्‍यो सिन ख्‍योकोनगी आश खाईन गुकीन देतातेबा गाङे ङेत्‍क्‍यो।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ यूहन्‍ना 4:19

गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।