यूहन्‍ना 12:16 - जिरेल

¹⁶ मिओनगी थोक खाबातेताङ परमेश्‍वर बातला थोक सिन टिबाते बातओन येशू चेलाओनगी गोमा छ्याःङ खोबा मेतान। परमेश्‍वरगी थेला स्‍यिसादुकी सोम्‍बो लोगीन स्‍वर्गने खेरनामेकीका मिओनगी थेते थोक खाईन जय जय खाबाते थेमे परमेश्‍वर बातला थोक सिन टिबाते बात थेबेकी लेमु खाईन छ्या स्‍येसुङ।

यूहन्‍ना 12:16 Iomraidhean Croise

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

मर्कूस 9:32

थेकी थोक सिरजीन च्‍यि साबाते ईन्‍ताका सिन चेलातेबेकी छ्याःङ माखोसुङ। थेमे थेबेकीङ ज्‍यीबेकी खित्‍सादु गुरू खुई दि च्‍यि साबाते ईन्‍दे सिन थेला माठिसुङ।

लूका 18:34

तर चेलातेबेकी दि बात छ्याःङ माखोसुङ, थेकी च्‍यि साबाते ईन्‍ताका सिन छ्याःङ छ्या मास्‍येसुङ। च्‍यिला सासीन परमेश्‍वरगीराङ थेबाला थे बात खो माच्‍युत्‍सुङ।

लूका 24:25

क्‍लेओपासकी थोक सानामेई थेकी “ख्‍योकोन चुक छ्याःङ मोखोकान्‍तेन्‍दे ईन्‍दाका। परमेश्‍वर बात खित्‍कान्‍ते मिओनगी ख्रीष्‍टकी विषयला साबा ओताते बात गाङे था ख्‍योकोन नाम पत्ते खिते?

लूका 24:45

थेमे थेकी थेबाला थे खोरोङ विषयला परमेश्‍वर बातला टिबा ओताते बातओन लेमु खाईन खोच्‍या खाईन लाप्‍कीन बिन्‍सुङ।

लूका 9:45

थेकी थोक सिरजीन च्‍यि साबाते ईन्‍ताका सिन चेलातेबेकी छ्याःङ माखोसुङ। च्‍यिला सासीन परमेश्‍वरगीराङ थेबाला थे बात खो माच्‍युत्‍सुङ। थेबेकीङ ज्‍यीबेकी खित्‍सादु गुरू खुई दि च्‍यि साबाते ईन्‍दे सिन थेला माठिसुङ।

यूहन्‍ना 12:23

थेमे थेकी थेबाला “था परमेश्‍वर ओत्‍सादुई वाबाते मि चुक छ्ये ईन्‍दे सिन परमेश्‍वरगी मिओनला छ्या स्‍ये ज्‍युत्‍च्‍ये बेला लेपा खासुङ।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 16:4

तिरी ख्‍योकोनला थोक ओङजीन ङे दोक दोक ओङगो सिन साबा ओतान सिन ख्‍योकोनगी ठेम्‍बा खित्‍स्‍यीत सिनराङ ङे दि बाततेबा साबाते ईन। ङा थोङला ख्‍योकोनताङ ङ्योम्‍बुराङ ओतेकी थेजीन ङे दि बाततेबा साबा मेतान।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 2:22

थे स्‍यिसादुकी सोम्‍बो लोक्‍नामेकीका चेलातेबाला थोङला थेकी परमेश्‍वर मन्‍दिर रोम थेमे थे मन्‍दिर ङीमा सुमलाराङ जोइओ साबाते बात ठेम्‍बा लासुङ। थेमे थेबेकी थेला चुक चुक ओङगीते सिन परमेश्‍वर बातला टिबाते बातताङ येशूकी साबाते बाततेबा गाङे ईन्‍दातेराङ दुका सिन पत्ते खासुङ।

यूहन्‍ना 7:39

दि बात थेकी थे खोरोङला विश्‍वास खित्‍कान्‍ते मिओनगी तिरी परमेश्‍वर आत्‍मा ङेत्‍क्‍यो सिन सिराला साबा ओतान। परमेश्‍वरगी येशूला स्‍यिसादुकी सोम्‍बो लोक्‍ला स्‍वर्गने खेरच्‍येते काम थोरूमसाक खाबा मेतेकी परमेश्‍वरगी थेजीनसाक सुङलाङ परमेश्‍वर आत्‍मा बिन्‍दा मेतान।

शक्ति काम 2:33

थोक खाईन सोम्‍बो लोक्‍नामेकी परमेश्‍वरगी थेला छ्येज्‍यीक मान बिन्‍गीन थे खोरोङ सामे छ्य्‌वापा ज्‍याक्‍पा ओत। थे खोरोङगी मिओनला तेरग्‍यो साबाते परमेश्‍वर आत्‍मा तेरच्‍येते जिम्‍मा थेकी येशूला बिन्‍सुङ। आबातेकी जिम्‍मा बिन्‍दा च्‍योकराङ खाईन थेकी ङ्योकोनला परमेश्‍वर आत्‍मा बिन्‍सुङ। ख्‍योकोनगी थरिङ थोङातेताङ थोबाते बात ङ्योकोनगी परमेश्‍वर आत्‍मा ङेतेकी खित्‍सादुराङ ईन।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 3:13

बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 8:1

था छ्येते बातचेन दिराङ ईन। च्‍यि सासीन ङुरूङते गाङे भन्‍दा छ्येते पूजारी चुक छ्ये ईन्‍दे सासीन थेनी स्‍वर्गने छ्येज्‍यीक शक्ति ओताते परमेश्‍वर देत्‍च्‍येते सिंहासन सामे छ्य्‌वापा देता ओत।