यूहन्‍ना 12:1 - जिरेल

¹ निस्‍तार चाड लेपा ङीमा ठुक गोमा येशू बेथानीपा लेप्‍सुङ। थोङला थे खोरोङगी स्‍यिसादुकी सोम्‍बो लोक्‍पाते लाजरस बेथानीदुराङ देत्‍कीन ओतान।

यूहन्‍ना 12:1 Iomraidhean Croise

मत्ती 21:17

थोक साकीन च्‍याकीन थेबाला ताङगीन थे थेरूकी बेथानीपा गाल्‍सुङ। थेमे थे छोमु थेरूराङ स्‍यासा देत्‍सुङ।

मर्कूस 11:11

थोक खिन खिनलाराङ येशू यरूशलेमपा ख्‍योल्‍सुङ। थेरू ख्‍योल्‍नामेई थेकी परमेश्‍वर मन्‍दिरदु गाल्‍गीन फार छुर गाङेपा जेसुकै तासुङ। थोक खाला तेइन तेइनला नाम स्‍योकीन सिन्‍दा ओतान। थेमे चेलातेबा च्‍युन्‍ङीताङराङ थे बेथानी सिराते युलनापा गाल्‍गीन देत्‍सुङ।

लूका 24:50

थेमे येशूकी थेबाला यरूशलेमदुकी बेथानीसाक टीकीन खेरसुङ। थेमे थेरू थेबा ओत्‍सापाला लाक्‍पा ङिकाराङ क्‍याङगीन गाङेला आशी बिन्‍सुङ।

लूका 7:37

थे सारदु मेलेबाते काम खित्‍कान्‍ते फेम्‍मे मिज्‍यीक ओतान। थे रन्‍डी ईन सिन थेङले मि गाङेला छ्या ओतान। येशू थेरू साप सेइन दुक सिरा थोकीन सिसी खाङ आउदी स्‍यीम्‍बु बास्‍ना चले खित्‍च्‍येते मोर्गु खुरगीन च्‍याकीन थे फेम्‍मे मि येशू गालाते खाम्‍बादु ख्‍योल्‍सुङ।

यूहन्‍ना 11:1

थेमे बेथानीदु देत्‍कान्‍ते लाजरस आउदी खाईन नाबा ओतान। थेत्ताङ मरियम थेमे थेबे आज्‍यी मार्थाङ थे युलदुराङ देत्‍कीन ओतान।

यूहन्‍ना 11:43

दोस्‍यिक साकीन सिन्‍नामेकी थेकी कस्‍स्‍ये खाईन “ए लाजरस, फिनामा थेन्‍ला स्‍योक,” सिन थेला काताङसुङ।

यूहन्‍ना 11:44

थेमे थे स्‍याप्‍ते लाजरस दाक फिनामा थेन्‍गीन लिच्‍युङ। थेला फुकदु ज्‍य्‌वाजीन लाक्‍पा काम्‍बा ठीलाते कार्मुते खोलाक थोरूमोङ ठीलाते ठीलाराङ ओतान। छ्येतनापा ठीलाते खोलाकोङ थोगी थोकराङ ओतान। थेमे येशूकी थेबाला “लो दिला फुकदु ज्‍य्‌वाजीन ठीलाते गाङे टोल्‍ला बिन, दि ख्‍याम्‍बा थुप्‍स्‍यीत,” सिन सिदुक।

यूहन्‍ना 11:55

थेजीन यहूदीओनते निस्‍तार चाड लेपा खाबा ओतान। थेमे युल युललेकी काल्‍बा च्‍योक मि खोपरोङ चोके खिताला थे चाडगी गोमाराङ यरूशलेमने लेपा ओतान।

यूहन्‍ना 12:12

थेमे ङारो च्‍योक्‍ते च्‍यि ओङसुङा सासीन यरूशलेमदु चाड माने खिताला वाबाते मिओनगी येशू यरूशलेमपा ओङगीन दुक्‍लो सिरा थोसुङ। थे मिओन आउदी काल्‍बेई ओतान।

यूहन्‍ना 12:20

निस्‍तार चाडगी बेलाला परमेश्‍वरला माने खिताला यरूशलेमदु वाबाते मि नाङ कोई कोई ग्रीकओनोङ ओतान।

यूहन्‍ना 12:9

येशू बेथानीदु दुक्‍लो सिरा थोकीन थेला ठेताला थे बेलालाराङ यहूदी काल्‍बेई थेरू लेप्‍सुङ। थेबाचेन येशूला ठेतालाकामा मेन्‍देकी थेकी स्‍यिसादुकी सोम्‍बो लोक्‍पाते लाजरसला ताप्‍लाङ थेरू वाबा ओतान।